ᒨᓯᓯ ᓯᕗᓪᓖᑦ 15
15
ᒎᑎᐅᑉ ᐂᑉᕋᒻᒧᑦ ᐊᖏᖃᑎᒌᒍᑎᓕᐅᕐᓂᖓ
1ᑕᒪᑐᒪᓗ ᑭᖑᓂᖓᒎᓕᕐᑐᖅ ᐊᑕᓂᐅᑉ ᐅᖃᐅᓯᖓ ᐂᑉᕋᒻᒧᑦ ᑎᑭᑉᐳᖅ ᑕᑯᑎᑕᐅᓂᒃᑯᑦ, ᐅᖃᕐᓗᓂ, “ᑲᑉᐱᐊᓱᖕᓇᒃ ᐂᑉᕋᒻ ᓴᐴᓗᑕᕆᕙᕐᒪ; ᐊᑭᓕᕐᑕᐅᓃᑦ ᐊᖏᔪᕐᔪᐊᖑᔪᒫᕐᐳᖅ.”
2ᐂᑉᕋᒻᓗ ᐅᖃᕐᐳᖅ, “ᐊᑕᓃᖅ ᒎᑏ, ᓱᓇᒥᒃ ᑐᓂᔭᒃᓴᖃᕋᕕᑦ ᐅᕙᓐᓄᑦ, ᓱᓕ ᕿᑐᕐᖓᖃᖏᓐᓇᒪ, ᐅᕙᓐᓂᑦ ᑭᖑᕐᖑᑦᔨᔪᒃᓴᑐᐊᖑᖕᒪᑦ ᐃᓔᓯᕆ ᑕᒫᓯᑰᓯᒥᐅᑕᖅ.” 3ᐂᑉᕋᒻ ᐅᖃᕐᐳᖅ, “ᑕᑯᒋᑦ ᕿᑐᕐᖓᕐᑖᑎᓚᐅᖏᓐᓇᕕᖓ; ᐱᔨᒪ ᐃᓚᖓᑦ ᐅᕙᑦᑎᓐᓂ ᐃᓅᓚᐅᕐᑐᖅ ᐱᖁᑎᓐᓂᒃ ᑭᖑᕐᖑᔨᔪᒃᓴᑑᖕᒪᑦ.”
4ᑕᑯᒋᓪᓗ, ᐊᑕᓂᖅ ᐅᖃᓕᕆᕗᖅ ᑖᑦᓱᒧᖓ, “ᑖᓐᓇ ᐊᖑᑦ ᑭᖑᕐᖑᑦᔨᔨᒃᓴᕆᓂᐊᓐᖏᓚᑦ; ᓇᖕᒥᓂᕐᓕ ᐃᕐᓂᕐᓂᒃ ᑭᖑᕐᖑᑦᔨᔨᒃᓴᖃᕐᓂᐊᕐᐳᑎᑦ.” 5#ᕉᒪᒥᐅᓄᑦ 4:18; ᐄᑉᕈᐃᓄᑦ 11:12.ᐊᓂᑎᓪᓗᓂᐅᒃ ᓯᓚᒧᑦ ᐅᖃᐅᑎᕚ, “ᐸᐅᖓ ᕿᓚᖕᒧᑦ ᑕᑯᓴᕆᑦ, ᐅᓪᓗᕆᐊᑦ ᓈᓴᒃᑭᑦ, ᓈᓴᕈᓐᓇᕈᕕᒋᑦ.” ᐅᖃᐅᑎᒃᑲᓐᓂᕐᓗᒍᓗ, “ᑍᒫᒃ ᐅᓄᕐᑐᑎᒋᔪᓂᒃ ᑭᖑᕚᖃᕈᒫᕐᐳᑎᑦ.”
6 #
ᕉᒪᒥᐅᓄᑦ 4:3; ᒐᓔᑎ 3:6; ᔧᒥᓯ 2:23. ᐂᑉᕋᐅᓪᓗ ᐊᑕᓂᖅ ᐅᒃᐱᕆᕚ; ᑕᒪᑐᒧᖓᓗ ᐊᑕᓂᐅᑉ ᐃᓱᐊᕐᓯᑎᑕᐅᓂᕋᓚᐅᕐᐹ.
7ᐅᖃᐅᑎᓪᓗᒍᓗ, “ᐅᕙᖓᐅᕗᖓ ᐊᑕᓂᖅ, ᓄᓇᒥᑦ ᐅᕐᒥᑦ ᑲᐅᓪᑎᐊᒦᑦᑐᒥᑦ ᐊᐅᓪᓚᕐᑎᓚᐅᕐᐸᒋᑦ, ᑕᒪᓐᓇ ᓄᓇ ᑐᓂᔪᒪᓪᓗᒍ ᐃᓕᖕᓄᑦ ᓄᓇᑖᕆᔭᐅᖁᓪᓗᒍ.”
8ᐂᑉᕋᐅᓪᓕ ᐊᐱᕆᕚ, “ᐊᑕᓃᖅ ᒎᑏ, ᖃᓄᕐᓕ ᖃᐅᔨᓂᐊᕐᐳᖓ ᓄᓇᑖᕆᓂᐊᕐᒪᖔᒃᑯ?”
9ᐊᑕᓂᐅᑉ ᑭᐅᕚ, “ᐃᒻᒧᒃᓯᐅᒐᕐᒥᒃ ᕾᑦᓯᓚᐅᕆᑦ, ᐱᖓᓱᓂᒃ ᐊᕐᕌᒍᓕᖕᒥᒃ, ᒎᑦᓯᒥᒡᓗ ᐊᕐᓇᓪᓗᖕᒥᒃ ᐱᖓᓱᓂᒃ ᐊᕐᕌᒍᓕᖕᒥᒃ, ᓰᐱᒥᒡᓗ ᐊᖑᓴᓪᓗᕐᒥᒃ ᐱᖓᓱᓂᒃ ᐊᕐᕌᒍᓕᖕᒥᒃ, ᑑᕕᒥᒡᓗ ᐊᕿᒡᒋᐅᔮᕐᑐᒥᒡᓗ ᐱᐊᕋᕕᓂᕐᒥᒃ.” 10ᑕᕝᕙ ᑖᒃᑯᓂᖓ ᐆᒪᔪᓂᒃ ᐋᑦᓯᕗᖅ, ᖁᐱᓪᓗᒋᓪᓗ ᐊᕕᒃᐰᑦ ᒪᕐᕉᓕᓪᓗᒋᑦ, ᐃᓕᐅᕋᕐᐰᑦ ᐊᑭᓕᕇᒃᑕᕐᑎᓪᓗᒋᑦ ᒪᕐᕈᐃᖑᓕᕐᑎᑉᐰᑦ; ᑎᖕᒥᐊᒡᓕ ᐊᕕᓐᖏᓛᒃ. 11ᑎᖕᒥᐊᓪᓗ ᓂᕿᑐᓲᑦ ᐆᒪᔪᕕᓂᕐᓄᑦ ᐅᓂᓪᓗᑎᒃ ᒥᑦᓴᕐᑐᕐᐳᑦ, ᐂᑉᕋᐅᓪᓕ ᕿᒪᒃᓯᑎᑉᐰᑦ.
12 #
ᔫᐱ 4:13,14. ᓯᕿᓂᕐᓕ ᐊᒃᐸᓕᕐᒪᑦ, ᐂᑉᕋᒻ ᐃᑎᔪᒥᒃ ᓯᓂᓕᕐᐳᖅ; ᑕᑯᒋᓪᓗ, ᑲᑉᐱᐊᓇᕐᑐᒥ#15:12 ᑲᑉᐱᐊᓇᕐᑐᖅ ᐃᒻᒪᖄ ᐅᖁᒪᖏᕐᓂᖅ ᑖᕐᑐᐊᓗᖕᒦᓕᕐᐳᖅ. 13#ᒨᓯᓯ ᐂᑉᐸᖏᑦ 1:1-14; ᐋᐴᓯᑕᓖᑦ 7:6.ᑕᕝᕙ ᐊᑕᓂᐅᑉ ᐂᑉᕋᒻ ᐅᖃᐅᑎᕚ, “ᓱᓕᔪᒥᒃ ᖃᐅᔨᑦᓯᐊᕆᑦ ᑭᖑᕚᑎᑦ ᓂᐅᕐᕈᐊᖑᔪᒫᕐᐳᑦ ᓄᓇᒥ ᓄᓇᒋᓐᖏᑕᒥᖕᓂ; ᑕᕝᕙᓂᓗ ᓄᓇᒥ ᓯᐊᓛᕆᔭᐅᔪᒫᕐᐳᑦ,#15:13 ᓯᐊᓛᖅ ᐅᕝᕙᓗ ᑭᐸᓗᒃ ᐅᖁᒤᒃᓴᕐᑎᑕᐅᔪᒫᕐᓗᑎᒡᓗ ᐊᕐᕌᒍᓂᒃ 400ᓂᒃ; 14#ᒨᓯᓯ ᐂᑉᐸᖏᑦ 12:40,41; ᐋᐴᓯᑕᓖᑦ 7:7.ᑖᒃᑯᐊᓕ ᓱᒋᐊᕈᒫᕐᐸᒃᑲ ᐃᓅᖃᑎᒌᒡᔪᐊᑦ ᑖᒃᑯᓂᖓ ᓯᐊᓛᖃᕐᑐᑦ,#15:14 ᓯᐊᓛᖅ ᐅᕝᕙᓗ ᑭᐸᓗᒃ ᑕᕝᕙᓐᖓᓪᓗ ᓄᓇᒥᑦ ᓄᓇᒋᓐᖏᑕᒥᖕᓂᑦ ᐊᐅᓪᓚᓕᕈᑎᒃ, ᐊᔪᕐᓴᖏᑦᔪᑎᕐᔪᐊᓂᒃ ᓇᒃᓴᕈᒫᕐᐳᑦ. 15ᐃᕝᕕᓪᓕ ᓯᕗᓕᕐᓄᑦ ᐂᔪᒫᕐᐳᑎᑦ ᓮᒪᓗᑎᑦ; ᐃᓗᕕᕐᑕᐅᔪᒫᕐᐳᑎᓪᓗ ᐃᓄᑐᖃᒻᒪᕆᐅᓕᕐᓗᑎᑦ. 16ᑭᖑᕚᑎᓪᓕ ᐃᕐᓂᕇᑦ ᓯᑕᒪᖏᑦ ᑭᓯᐊᓂ ᐊᓂᒍᕐᐸᑕ ᑕᒪᐅᖓ ᓄᓇᒧᑦ ᐅᑎᕈᒫᕆᕗᑦ, ᐊᒧᕅᑎᑦ ᐊᔪᕐᑐᓕᓂᖏᑦ ᓱᒋᐊᕐᑕᐅᓚᐅᖏᒻᒪᑕ ᓱᓕ.”
17ᓯᕿᓂᕐᓕ ᓂᐱᓯᒪᓕᕐᑎᓪᓗᒍ ᑖᕐᓯᖕᒪᑦ, ᑕᑯᒋᑦ, ᐃᑯᒪᔪᒥᒃ ᐳᔫᕐᑐᒥᒡᓗ ᐃᑯᐊᓚᔪᒥᒃ ᓇᓂᕈᐊᕐᒥᒃ ᓴᖅᑭᑦᑐᖃᕐᐳᖅ ᐆᒪᔪᕕᓃᓪᓗ ᐊᒡᒍᕐᓯᒪᔪᑦ ᖁᓛᑦᑎᒎᕐᓗᓂ. 18#ᐋᐴᓯᑕᓖᑦ 7:5.ᑕᕝᕙ ᐊᑕᓂᖅ ᐅᓪᓗᒥ ᑕᕝᕙᓂ ᐂᑉᕋᒻᒥᒃ ᐊᖏᖃᑎᒌᒍᑎᓕᐅᕐᐳᖅ. ᐅᖃᕐᓗᓂ, “ᑭᖑᕚᕐᓄᑦ ᑕᒪᓐᓇ ᓄᓇ ᑐᓂᕙᕋ, ᐄᑦᔨᑉᑎᐅᑉ ᓄᓇᖓᑕ ᑭᒡᓕᖓᓂᑦ ᐱᒋᐊᕐᓗᒍ ᑰᒡᔪᐊᕌᓗᒃ, ᐃᕗᕅᑎᐅᑉ ᑰᖓ ᑎᑭᓪᓗᒍ, 19ᐅᑯᓄᖓ ᓄᓇᒋᔭᐅᔪᑦ ᑭᓁᑎᓄᑦ, ᑭᓂᔧᑎᓄᓪᓗ, ᑲᑦᒧᓁᑎᓄᓪᓗ, 20ᕼᐃᑍᑎᓄᑦ, ᐱᕆᔧᑎᓄᑦ, ᕆᐰᒻᓄᓪᓗ, 21ᐊᒧᕅᑎᓄᓪᓗ, ᑬᓇᓂᒥᐅᓄᓪᓗ, ᒋᕐᒐᓮᑎᓄᓪᓗ, ᔨᐳᓮᑎᓄᓪᓗᑦᑕᐅᖅ.”
S'ha seleccionat:
ᒨᓯᓯ ᓯᕗᓪᓖᑦ 15: EAIB
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Eastern Arctic Inuktitut Bible © Canadian Bible Society, 2012, 2021-2023.