Joaancha Laenai 18

18
Caseteconeein Cana Coaunera Calaohi Jesoso amaauruha Romanocurune
(Mt 26.47-56; Mr 14.43-50; Lc 22.47-53)
1Cana Inaca aina irihane baihate, aina nerelanaa nichaanune amaain, Sedroon neein curuajaain nenaa nucuesoro jera que cue Cana Coaunera Calaohi Jesoso, cuu nii enuha inaa necojoai turuha canacaanu ainane coina.
2Nii jaunte raotojoeein Jesoso cunaja coitucuhane jaun, canacaanu caaijie turuha uhe Jodasi. Belaichaneein niha Jesoso natiin, Jesoso colurujueein soondarooru uhaain turuha uhe. 3Nii soondarooru, chaaen batirichuru curuaanaacuru, fariseeocuru, naaonjoainuri letono folisihacuru uhaain turuha uhe nii Jodasi. Rejoon, sabere rijijieein nenaa esefara, naaonjoain que biji achunequiin, raafariin, conee, naaonjoain que conoquiin turuha uure. 4Nii jaunte inae raotojoeein nitohanai que siturichaainne coitucuhane jaun, acaauru que tacaain: “Chate ariicheta”, naain bajaa Cana Coaunera Calaohi Jesosone jana:
5-6“Nasarete cocoaicha Jesosona arihacaanura”, naauruhane jana:
“Saan. Canune aca neeunra”, naa acaauru rai Jesosone janate, nii niicha uhaauri soondarooru aina jiniiquiin janori nichaae richootoroalaain tocojoaain tacae nii Jesoso colurujuera Jodasi. 7Nii jaunte:
“Chate esinae ariicheta”, naain coaiteen nacoauneein bajaa acaauru caje Jesosone jana:
“Nasarete cocoaicha Jesosona arihacaanura”, naauruhane jana:
8“Inae rauhijiriin bihanu inara rai. Canune aca neeun. Cariha aaichene, caa caniha nenacaauru jianecuchete amuuruhine”, nae acaauru rai Jesoso. 9“Coatiha leinjiinejein nitajerinaain carai Ofa tenojoinunri cachaauru”, naain inae aitosiha Cana Coaunera Calaohi Jesosone jaunte nitohane.
10Nii janate sabere sirihane jaun rocohitiin, que leinjiin uricho raotono nichajai beuhite Fedoro. Nii niicha uricho beuhitite batirichuru curuaanaa cachaneein nenaa Malco ne.
11Nii jaunte: “Jelaiha curu cuhane nii ishabere teeura. Ta caletoaa Ofana jaan icharichaunnine coitucuhin quesenetaaineta”, nae Fedoro rai Jesoso.
Batirichuru curuaanaa Anasi rene, caseteconeein Jesoso amaauruha soondaroorune
(Mt 26.57-58; Mr 14.53-54; Lc 22.54)
12Nii jaunte Cana Coaunera Calaohi Jesoso mucuure caseteconeein soondarooru acaauru curuaanaa aina uhin, chaaen Jorioocuru rai folisihacuru, naaonjoaihunri.
13Nitohaneein mucuhinte Cana Coaunera Calaohi Jesoso amaaure soondarooru, Anasi loreri asaae. (Nii Anasite, Caifasi tanaa ne.) Nii janate, nii ajaanaa cuhane batirichuru curuaanaaneein ne nii Caifasi. 14Nii Caifasite, jauriaa Jorioocuru rai “Cana caohachanu quetejia, cana atane coreniha ohane ore leinjiin cachara”, naain Jorioocuru rai erenaane.
Fedoro caje bajaa nii acuujua beraichane
(Mt 26.69-70; Mr 14.66-68; Lc 22.55-57)
15Canacaanune, Simoon Fedoro aina Jesoso sacuha cuhacaanu. Nii jana, canu coitucuha batirichuru curuaanaa jaunna, Jesoso jiniichaain enoon batirichuru curuaanaa loreri asaae. 16Jana Fedorote nedae airiniha acuujua rohan. Nii jaunna, acuujua beraicha ranuna rai ereeun, Fedoro enohane coina.
17Nii jaunte Fedoro enoaain: “Tana taa cacha aina nerelanaaneeine”, naain bajaa Fedoro caje nii acuujua beraichane jana:
“Acanihanaunta”, naain benaa jerene Fedoro. 18Nii jaunte, jelarotohane jaun usi mocohin que nichaateeuruha Anasi cachaauru, Jorioocuru rai folisihacuru, naaonjoainurine jaun acaauru aina nichaatiha ne Fedoro.
“Chaquete cachaauru relaaita”, naain, Jesoso caje bajaa batirichuru curuaanaane
(Mt 26.59-66; Mr 14.55-64; Lc 22.66-71)
19Nii jana, cuu nii loreri asaae ucuha cuhane niha Cana Coaunera Calaohi Jesosone janate:
“Chaauru caa iicha relaaurineein ne. Chaquete acaauru relaaita”, naain bajaa Jesoso caje batirichuru curuaanaane janate:
20“Satiin aonajeeuruha cachaaurune acatiha teeinna canu, rauhijiriin aitonajacoon. Coatiha asinojoineein cachaauru relaaun. Sinacoca asaae, satiin itataojiauruha Jorioocurune jaan Teenforo asaaene acaauru relanajacoon. 21Chanuna nii bajaain cacaje. Nii relanajaanune jana aonaraauru caje bajaaute, raajenihane acaauru relaanune jaan beeuruhine”, nae Jesoso.
22Niritoha Jesosone janate, ecu niha Teenforo rai folisiaane jaun: “Niritiina erereei batirichuru curuaanaa rai te”, naain Cana Coaunera Calaohi Jesoso meri faohitohane jana:
23“Baaso neeinoone aitoon. Chanuna caque ichohi teein aitohi”, nae Cana Coaunera Calaohi Jesoso nii Teenforo rai folisiaa rai.
“Acanihanaunta”, naain nesuujiha Fedorone
(Mt 26.71-75; Mr 14.69-72; Lc 22.58-62)
24-25Nii batirichuru curuaanaa Caifasi loreri asaae niha Jesosone tonohanaute, jelai cuu inae neeoriha Fedorone jana: “Ta ii taa cacha aina nerelanaa neeine”, naain bajaauruhane jana:
“Acanihanaunta”, naain benaa jereniha Fedorone jana:
26“Tana, ii coaracaaunlu aina, enuha inaa neeonjoain jana neeine janane”, naain bajaa leinjiin batirichuru curuaanaa cacha nii niicha uricho beuhiti cacha araineein nenaane janate:
27“Acanihanaunta”, naain nesuujiha coaiteen Fedorone jana, inae ere ataohari.
Jesoso colurujeeuruha Filato raine
(Mt 27.1-2, 11-14; Mr 15.1-5; Lc 23.1-5)
28Nii janate Caifasi loreri caje coberenadoro Filato loreri asaae Cana Coaunera Calaohi Jesoso amaauruhane jana, inae nemataracajiha janonaane jaun, enonaa nainecurene Jorioocuru, coberenadoro loreri asaae. Jorioo neniha nii coberenadorona jaunte, coberenadoro loreri asaae enonaa nainecurene Jorioocuru, enooruhane Fasocoa beseta bitoanaa nainecurenihane coataa. 29Nii jaunte airiniha mituhin:
“Chatoanai ichaane corenihane caa cacha colurujueeiche”, naain bajaa coberenadoro Filato, Jorioocuru cajene jana:
30“Nechu aansai taebinae neein nenihanenoone, ichei colurujuerichaanu”, naauruha Jorioocurune jaunte:
31“Saan. Aihachuhisi niqui. Inara, amaain jeriquichene tocohaneein teeuche”, naa Filato, Jorioocuru raina jaunte:
“Nihei canacaanu rai rauhi, chunei sohin jaohacaanune coinata”, naaure Jorioocuru Filato rai.
32Rauhijiriin coitucuhin, “Naaonjoaainte catinaa cuurureeincha”, naa Cana Coaunera Calaohi Jesosone rijijieeinte, rauhijiriin ichacure.
33Nii jaunte coaiteen nacoauneein loreri asaae Jesoso cotijiaain, caje bajae Filato: “Ii ina Jorioocuru curuaanaa reey neei”, naain bajaa caje Filatone jana:
34“Ishuujua cuhane aitiina bajaain. Ainihane leochaauruna ichei Jorioocuru curuaanaa nihanune que aitoha”, naa Filato rai Jesosone janate:
35“Chasiina Jorionichaaunne coalanaala caraajenihane aitiin aitoreeun. Charaaichuru, batirichuru curuaanaacurute carai icholurujue. Chatoanai najian ichaaite icholuruhecure”, naa Filatone jana:
36“Coatiha cajiha caa chauratane que nenacaauru curuaanaa nihaaunta. Caa chauratane que nenacaauru curuaanaa nihanunete, sonaacurure quere tonoraeraauru, catohaneein caetecuruha Jorioocurune coataa”, naa Jesosone jana:
37“Aihana jaun, iina curuaanaa reey neeite”, naa Filatone janate:
“Ejeen, aca nichaaun. Nii aitohine rijijieeine acaneeun. Canune caa chauratane que uhin nejanoaaunlu cachaneein, esinae Cana Coauneraacha jerei rauhi coitucuuruha cachaaurune coina. Satiin Cana Coauneraacha jerei rauhi tonoraaurerate quere tonorae”, naa Jesosone jaunte:
38“Chatoanai Cana Coauneraacha jerei rauhi esinena”, naain bajaa Filato, Jesoso cajene baihate, enacoaauneein coaiteen mituhin Jorioocuru aina iriha cue.
“Coatiha chatoanai ichaai carai caa cachata. 39Inarate, Fasocoa beseta naineei, Fasocoa beseta catainajeein, naaonjoaain niha catohanei casetecone, nii beseta situ reeintiaain jianerate najaaoquiche. Tonaquiche, jerecuchene caa Jorioocuru curuaanaa reey jiane beseta situ reeintiaain”, naa Filato, Jorioocuru raine janate:
40“Aihei. Coa nii jianiha. Nii Barabasi jianeeujian laaen”, naainte nujuae soaisoaihure Jorioocuru, Filato rai, nii Barabasi asijiatoneein nenaa que.

S'ha seleccionat:

Joaancha Laenai 18: URA

Subratllat

Comparteix

Copia

None

Vols que els teus subratllats es desin a tots els teus dispositius? Registra't o inicia sessió