Luke 24
24
1A pats nshèlèkura'a te pats luma, a prèk te gai, ta shkè a gi dzavai, a ta cko ɓurdi man ta tildahai. 2A ta ngots ngezlambar kwa, ngudumbala auda te ma gi dzavi ma. 3Aman to do a pa, ta ngatsa va Bi Yèsu te pa ɓai. 4Aman ta hur ma haha a vata, ngurhi cèw, a maslaka a va, man a si dai, ta zlatsa a ma ta. 5A zlau a ndza ta a vata, a ta peda di ta a hai. Aman ngurhi ta gaƋa ta:
Kin woya ndo man a zhè a nshèffè te va ndohi m'metsa'a èhèmè? 6Nenga'a az a haha ɓai, nenga'a a nslambaƋ na ma. Vahuro, ara man a gaƋa kinè, man a zhè te kokwar Galilée dai, man a ngaƋa: 7Sèi ta va na Kra-ndo a ri a ndohi malihai, a ta gezlala'a, te deɓ m'mèn makar a da slambaƋkaƋauda.
8A ma nenga'a a nhaka ta a gèƋ. 9A ta men ta a deɓa, a ta gaƋa ta ma haha a tengahi 11, a ndohi ngiƋè tèlèba. 10Tenga"a man ta ngreda ta skwi haha a ndohi sak: Marie Magdala, a Jeanne, a Marie, mam Jacques, a ngwozi ngiƌè man ta zhè a sam ta. 11A ta tsena ma haha ara tsaval ambalai, a ta ca a ndav ɓai.
12Aman Pierre a nslambaƋa, a nhu a gi dzavai, a nguɓda deɓa a hai, a nrka maslaka nsuda te pa. A n"ndo na ngwai, a nrzl na a géƌ skwi man a rka"a.
13Na haha, a pats nasa, ndohi Yésu cèw to do a kokwar ngiƌè, nzlembaƌ na Emmaus, dra daf kata te kokwar Jérusalem. 14A ta tsutsaval a géƌ skwi tèlèba man a ga. 15Te deɓa'a ngu ar haha: Aman ta gèƌè, Yèsu a ri na a nherda ta va, a Ƌè a nda tenga'a. 16Aman ta sun ɓai, nenga'a a nyakeda ta va a dai. 17A nenga'a a ngaƌa ta:
Ma mè, man kin gèƌè a civèƋ? A ta zlatsa a pa, a ta lèyè.
18StaƋ te va tenga'a, nzlembaƋ na Cléopas, a m'mbeƋa na a ma:
Ka staƋgenè te kokwar Jérusalem, man ka sun skwi man a gu te pa tok tok sata ɓi Ƌè?
19A nenga'a a ngaƋa ta:
Mè?
A ta gaƋa na:
Ma Yèsu, ndo Nazareth, ndo nhadka ma, man a ngu mizlinè njèma a wuƋai a sam di Zhiklè, a sam ndohi tèlèba. 20Ara ndohi mvi skwi a Zhiklè mbibihia'a, a bihi ta gso, ta ga na kita a gèƌ, a ta gezlala'a. 21Nga, nga huro, nenga'a ndo m'mbel Israel. M'mèn mamakar antanta, man skwi haha a gau.
22Aman ngwozi nga ngiƋè ta dzakaɓama nga gèƋ, a to do a prèk a gi dzavai. 23A ta ngatsa va nenga'a ɓai. A ta shkè, a ta gaƋa, ta rka golahi Zhiklè, man ta gaƋa ta, na zhè a nshèffè. 24A ndohi ngiƋè te va nga to do a gi dzavai, a ta ngotso, ara ngwozi ta menda nga; aman ta rka nenga'a ɓai.
25A nenga'a a ngaƋa ta:
Kinè ndohi man maya kinè azɓai, kin wosl ɓai, aman kin cè ma ndohi nhadka ma a ndav. 26Sèi skwa a dza na Kristi di ka ɓi ƌè, ga a Ƌè a sam n'njèl nenga'a?
27Te deɓa'a a hinè a sam Moise, a sam ma ndohi nhadka ma tèlèba, a nsenda ta ma tèlèba te ƌèlèwèr Zhiklè a géƌ Yèsu. 28A ta ndulndul a kokwar man ta woy a ta Ƌè a pa. A nenga'a a ngu ara man a woya a nƋè a ma ma. 29A ta tsu ria'a, a ta gaƌa na:
Nza a sam nga, ani dakwaƌ ma, pats a woya a nkèlè ma.
A nenga'a a mdo, a ta nzi a nda tenga'a. 30Te deɓa'a, aman ta nza a sam skwi n'ndai, a nco movar, a nshüd gèƌ, a ntsaka'a, a mva ta. 31A di tenga'a a mwin na, a ta sun nenga'a. A nasa nasa cerk n'az a sam ta ɓai. 32A ta goƌ a va ta:
A m'mbeƋama nga ndav ɓi Ƌè, aman a nsenda nga ma a civeƋ, a n'ngreda nga ma Zhiklè?
33A nasa nasa ta slambaƌa, a ta men ta a deɓa a kokwar Jérusalem. A ta ngats ta 11, aman ta ɓica va. 34A ta gaƋa:
Bai a nslambaƋkaƋauda a vava, a ngudoko na va a di a Simon.
35A ta ngra ta skwi tèlèba man a gau a civèƋ, ara man ta sun nenga'a, man a tsaka ta movar. 36Aman ta gèƋè te rai, nenga'a a nzlatsa te va tenga'a, a ngaƋa ta:
gumi a nda kinè!
37Aman tagudzai, a ta gu zlau, a ta huro, ta rka mèzhèɓ skwi ngiƋè. 38A nenga'a a ngaƋa ta:
Kin gudzi èhèmè, a kin hér gèƌ zlau èhèmè? 39Varka'a ri ga a sak ga, i nenga'a. Vatarahayè, varka; aman mèzhèɓ a n'ngots zluèd va a vatasl ɓai, ara man kin rka man i ngotso.
40[Aman a ngaƋa ta ma haha, a n'ngra ta ri nenga'a a sak nenga'a.] 41Aman ta ca a ndav di ɓai, a géƋ man ta wuffè, a ta rzl ta, a ngaƋa ta:
Kin ngots skwi n'ndi a haha Ƌè?
42A ta va na klèf msula kètè. 43A nenga'a a mco, a n'ndau a sam di ta. 44Te deɓa'a a ngaƋa ta:
Ma haha man i gaƋa kinè, man i zhè a sam kinè dai: Aman skwi tèlèba man ta windo a géƋ ga te Ƌèlèwèr Moise, a ndohi nhadka ma, a Psaumes, sèi a gai.
45Te deɓa'a a winè maya ta, aman ta sun ma Zhiklè, a ngaƋa ta:
46Gar haha ta windo te Ƌèlèwèr Zhiklè, sèi skwa a dza na Kristi. Te deɓ m'mèn makar a da slambaƋkaƋ na te m'metsai. 47A ta da njè ma n'ngwèƋè ndav, a ma mprè malai a nzlembaƋ na a ndohi herkeda tèlèba, a hinè te kokwar Jérusalem. 48Aman kinè, kin gi a ndohi malwuƋihi te skwi sa. 49Anai i zlinda kinè skwi man bab ga a mpasla kinè rai. Aman kinè, vanza a kokwar, ha pats man kin ngots wuƋi te zhiklè.
50A Yèsu a nde ta auda a kokwar Béthanie, a mpeda ri a zhiklè, a mpshè ta ma. 51Te deɓa'a n'nga ar haha: Man a mpshè ta ma, a mdo na auda a sam di ta, a mdo na zhiklè. 52A ta tsi ria'a, a ta men ta a deɓa a kokwar Jérusalem a mwuffè mbia'a. 53A ta nza a gi Zhiklè pèc pècèk, a ta slubordo Zhiklè.
S'ha seleccionat:
Luke 24: MAFNT
Subratllat
Comparteix
Copia
Vols que els teus subratllats es desin a tots els teus dispositius? Registra't o inicia sessió
Mofa New Testament © The Bible Society of Cameroun, 1989