زەبوورەکان 1:110-7
زەبوورەکان 1:110-7 پەیمانی نوێ و زەبوورەکان بە سۆرانی (PNTZS)
په‌روه‌ردگار به په‌روه‌ردگارمی فه‌رموو: “له ده‌سته‌ڕاستم دانیشه. تاكو دوژمنانت بخه‌مه ته‌خته‌پێ بۆ پێیه‌كانت”. په‌روه‌ردگار دارده‌ستی توانات له سیهیۆنه‌وه ده‌نێرێت. له‌نێو دوژمنه‌كانت فه‌رمانڕه‌وایی ده‌كه‌یت. گه‌له‌كه‌ت له ڕۆژی هێزت خۆیان پێشكه‌ش ده‌كه‌ن، به ئاراییشتێكی پارساوه له منداڵدانی به‌ره‌به‌یانه‌وه، تۆ شه‌ونم له گه‌نجییه‌تیت وه‌رده‌گرێت. په‌روه‌ردگار سوێندی خواردووه و پاشگه‌ز نابێته‌وه: “تاهه‌تایه تۆ كاهینیت له پله‌ی مه‌لكزده‌ق”. په‌روه‌ردگارم له‌لای ڕاستته، له ڕۆژی تووڕه‌یی پاشایان وردوخاش ده‌كات. له‌نێو نه‌ته‌وه‌كاندا حوكم ده‌دات. خاكی به‌رینیان پڕ له ته‌رم ده‌كات. سه‌رۆكه‌كان وردوخاش ده‌كات. له ڕووباری ده‌م ڕێگا ده‌خواته‌وه. بۆیه سه‌ری به‌رز ڕاده‌گرێت.
زەبوورەکان 1:110-7 كوردی سۆرانی ستانده‌رد (KSS)
یەزدان بە خاوەن شکۆی منی فەرموو: «لە دەستەڕاستم دابنیشە، هەتا دوژمنانت دەکەمە تەختەپێ بۆ پێیەکانت.» یەزدان لە سییۆنەوە هێز و دەسەڵاتەکەت فراوان دەکات، لەناو دوژمنەکانت فەرمانڕەوایەتی دەکەیت. گەلەکەت لە ڕۆژی هێزت خۆیان پێشکەش دەکەن، بە ئاراییشتێکی پیرۆزەوە لە منداڵدانی بەرەبەیانەوە، تۆ شەونم لە گەنجییەتیت وەردەگریت. یەزدان سوێندی خواردووە و بڕیاری ناگۆڕێت: «هەتاهەتایە تۆ کاهینیت لە پلەی مەلکیسادق.» خاوەن شکۆ لە دەستەڕاستی تۆیە، لە ڕۆژی تووڕەییەکەی پاشایان وردوخاش دەکات. لەنێو نەتەوەکان حوکم دەدات، خاکیان پڕ دەکات لە تەرم، سەرۆکەکان لەسەر هەموو زەوی وردوخاش دەکات. پاشا لە جۆگەی دەم ڕێگا دەخواتەوە، لەبەر هەموو ئەمانە سەری بەرز ڕادەگرێت.