Yoane 1
1
Ottu nyia Nekiana Irahan A tulo
1Tetteri hirre owon nyia Nekiana, awattatio nyia nekiana ania jio Hollum buo fe Inyi ara Hollum. 2Tetteri hirre owon nyia inyi iko Hollum. 3Tenyi, oyyeu nyia Hollum erre 'daŋ. Obeŋ nyia riŋ onno oyyeuni buo inyi obeŋ. 4Inyi nyia iyaŋuno nesu,#1:4 Inyi nyia iyaŋuno nesu : kuyya isui erre hunyia oyyeuni tenyi. buo nesu ania ette iyaŋuno afaŋan jio aati 'daŋ. 5Odulo nyia afaŋan ania inuaha idumele, ati ittallik nyia edumele itaduny inyi.
6 #
Mat 3:1; Mar 1:4; Luk 3:1-2 Ifahu nyia Hollum eyani sayyo honyi, afure honyi Yoane, 7linyia ottu 'to iramana aati eram ono afaŋan jio, oŋida isi itaniŋuni asayyo hunia ette iruk. 8Obeŋ nyia Yoane ta ahuan honyi ara afaŋan, ati ottu nyia inyi iramaniere eram ono afaŋan, 9afaŋan anna ara 'to ahode, onno ottu 'to ifau itafaŋiere aati 'daŋ.
10Owon nyia Nekiana ania ihiji waati hutta fau, oyyeuni nyia isi 'daŋ tenyi, ati obeŋi nyia isi oheruni inyi. 11Ottu nyia inyi imiji hosi, ati obeŋ nyia miji hosi ifuotuni inyi. 12Ati ifuotuni nyia omuk inyi, ette iruk inyi, buo inyi ette iŋatana jihosi amaji irari aduri Hollum. 13Obeŋi nyia isi arai aduri Hollum te esiuna, ihuo enne isiuniere atulo aduri honyi, ati Hollum ara Amonye hosi.
14Ottu nyia ekiana irahan a tulo, ette imanya ihiji hohoi. Ifut nyia ayiji taji iko elahode jihonyi. Ette hohoi igonyuna akuatan honyi, akuatan ninyia ifuotu inyi ta arahan honyi leto olobotie olo Monye.
15Ikiana nyia Yoane tenyi ninyia iwuwoŋitari inyi jiojio, “Inyi alia linyia ajio ni jio, ‘Ottu adi te ehalu hoŋ, ati agalik inyi ani. Owon nyia inyi hobeŋi isiuni nani.’ ”
16Nyio, te efut ono ayiji taji jihonyi, ajak inyi hohoi edasita arriai. 17Ifahu nyia Hollum efahita tottolo Mose, buo ayiji taji iko elahode ofuonni tottolo Yesu Kristo. 18Hobeŋ tulo igonyu Hollum; ati, itahutak Lonyi honyi olobotie inyi. Lonyi honyi alla ara 'to ihuo inyi, ollo owon 'to iger Monye.
Asayyo huno Yoane Etifuotoni Batisimo
(Mat 3:1-12; Mar 1:1-8; Luk 3:1-18)
19Iduhuni nyia elettaha Yudei hutto Yerusalem, ette ifahina omuk ehumak to woyo Levi hétefuahi ifiyo Yoane jio, “Iyye ŋai?”
20Obeŋ nyia Yoane iha etarraŋ isi, ati opulok nyia inyi jihosi sar sar jiojio, “Obiaŋara nani Olonyimoto.”
21 #
Edasita 18:15, 18; Mat 4:5 Buo isi ette ifiyo inyi ojio, “Iyye ti ŋai? Iyye Elija?”
Buo Yoane ette itarraŋ isi ojio, “Obiaŋara ani inyi!”
“Iyye ti Ekianani Hollum.”#1:21 Ekianani Hollum : linyia ojiori ottu adi iramaniere attuna ono olonyimoto.
Buo Yoane fe itarraŋ jio “Obeŋ.”
22Buo isi ette jiaran jihonyi, “Iramak ti hohoi ŋai iyye, oŋida hohoi, enyiaharu etarraŋi jio hia, hoduo ifahuni 'to hohoi. Ijio soho iyye, iyye luŋa ŋai?”
23 #
Isaya 40:3 (LXX) Attati Yoane itarraŋ isi te ekiana Isaya, ekianani Hollum, onno ojio 'to jio:
“Ani ‘etuk atulo elle iwuwoŋita 'to ihidiofo:
Itabisana alor jio, Lamonye idahari!’ ”
24Attati#1:24 Attati eyak sayyo hunyia ifahuni Farisei : kuyya arai nyia hia, hunyia ifahuni, a hulo Farisei; isi. eyak sayyo hunyia ifahuni Farisei 25ifiyo Yoane jio, “Nyioti itifuocio iyye batisimo; elle ibeŋ iyye ira Olonyimoto, kuyya Elija, kuyya a hekianani Hollum?”
26Itarraŋ nyia Yoane isi ojio, “Etifuocio ni itai batisimo ta aari, ati owon obo ihiji hatai elle itimoti itai. 27Inyi ollo ottu te ehalu hoŋ. Abeŋ ni asiru duadi bu ihouniere amuha honyi.”
28Ikianai nyia isi erre hunia 'daŋ Betani ifohor owore Yordano, ette iduoŋi holoŋ, amaji ninyia itifuociere Yoane batisimo.
Olosobe olo Hollum
29Jio ebotie holoŋ, igonyu nyia Yoane, Yesu ottu ajihonyi, ette jiaran, “Imijiete, Olosobe olo Hollum fe lia, elle iduha 'to addi eyyata waati! 30Inyi alia oŋole ajio ni jio, ‘Ottu adi obo latulo ihalu hoŋ alla agalik 'to ani; nyio, owon nyia inyi hobeŋi ani isiuni.’ 31Abeŋ nyia ni amijak ŋai inyi, ati attu nyia ni elle etifuocio batisimo ta aari itahutaniere inyi jio aati Israele.”
32Attati Yoane ihum ikukubonia jiojio, “Egonyu nyia ni Oloholio osuu tedou ihuo awolo ette irasahino jihonyi. 33Hatimo nyia ni 'daŋ jio inyi alia, ati iramak nyia Hollum elle ifahu 'to nani itifuociere batisimo ta aari jio, ‘Igonyu adi iyye Oloholio osuu tedou, ette irasahino jio latulo alia; inyi alia ollo ottu 'to itifuocio batisimo to Loholio Olibo.’ 34Egonyu ni inyi, buo fe ehum iramana itai jio, inyi alia Lonyi Hollum.”
Lejifak Yesu Etterita
35Jio ebotie holoŋ, owotia nyia Yoane iko lejifak honyi arrihai, 36ette inyi igonyuna Yesu olo tolia, ette jiaran, “imijiete, Olosobe Hollum fe lia!”
37Itaniŋuni nyia lejifak honyi hula arrihai hulia ekiana honyi ania, ette ijifaru Yesu. 38Ofiala nyia Yesu, ette igonyuna isi ijifunie inyi, ette ifiyo isi jio, “Iwahata itai anyio?” Itarraŋi nyia isi ojio, “Rabi, imanya iyye ajia?” (Onno ojio 'to jio, “Hettiyanani.”)
39Buo Yesu ette itarraŋ ojio, “Ifuanna imijata.” (Ara nyia ihuo asaa aŋuan otto otoriai.) Ania, ette isi ifuatan ikonyi, ette igonyuna amaji anna amanyari inyi, ette ituhonia oloŋ nyia 'daŋ ikonyi. 40Obo olosi nyia Andrea, illa Simone Petro. 41Teya teya, onyurak nyia inyi illanyi Simone ette iramana inyi jio, “Enyurak hohoi Olonyimoto!” (Elle iloŋoi te ekiana Grik jio, Kristo.) 42Attati inyi iyaru Simone jio Yesu.
Buo ninyia igonyu Yesu, Simone, ette inyi jiaran, “Afure hoi Simone Lonyi Yoane, ati iloŋoi adi iyye Kefas.” (Onno orriama 'to iko afure anna anya 'to Petro, onno ojio 'to jio, “Omoruo.”)
Iloŋu Yesu, Filipo iko Nataniel
43Jio ebotie holoŋ, odioto nyia to hou Yesu ilari Galilea. Orumak nyia inyi Filipo, ette jiaran jihonyi, “Ijifunie ani”. 44(Ara nyia Filipo to Besseyida, a maji ninyia amanyarik ba Andrea iko Petro.) 45Onyurak nyia Filipo Nataniel, ette iramana inyi jio, “Enyurak hohoi latulo linyia igiorok Mose eram honyi ibuk ono Efahita, buo fe ekianak Hollum igioroni eram honyi. Inyi Yesu, olo Nasaret lonyi Yosefu.”
46Buo Nataniel ette jiaran, “Oremik obo ariŋ onno oyyu 'to ittuna to Nasaret?”
Itarraŋ nyia Filipo inyi jiojio, “Waŋ, ilo imija.”
47Ninyia igonyu Yesu Nataniel ottu ajihonyi, ette inyi ikiana eram honyi jio, “Olo Israeli atibuo olo hode, obeŋ obo agesemi jihonyi!”
48Buo Nataniel ette ifiyo Yesu ojio, “Aŋai imijak iyye nani?”
Itarraŋ Yesu nyia inyi jiojio, “Egonyu duo ni iyye to woyo ŋaboli, hobeŋ Filipo iloŋu iyye.”
49Itarraŋ nyia Nataniel inyi jio, “Hettiyanani, iyye Lonyi Hollum! Iyye Hobu Israele!”
50Buo Yesu ette itarraŋ inyi jiojio, “Iruhok iyye eram ania ta ajiaran hoŋ jio, egonyu duo ni iyye to woyo ŋaboli? Igonyu adi iyye erre hunna agalihini 'to hunia bebe!” 51Attati Yesu jiaran jihosi jio, “Eramak ni itai hode hode jio, igonyuna adi itai edou aŋaa buo ajilohien hulo Hollum odohi ahide, buo omuk osuuni jio Lonyi Tulo.”
Právě zvoleno:
Yoane 1: EA2003
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in South Sudan 2003