Mateus 1
1
Marahara Sapitohori Hesus Kristo
(Lukas 3.23-38)
1Iyahar na hatataril marahara sapitohori Hesus Kristo. Iiye e sapitoho ma ifiri Dabid we e sapitoho ma ifiri Abraham.
2-6aIyer na hatataril marahara la bwitoho ma ifiri Abraham eda bwitiwo uwawori King Dabid: Abraham, Isak, Yakob, Yuda ma marahara weribwidir; eda Peres ma Serah (dirael ra Tamar), eda Hesron, Raam, Aminadab, Nason, Salmon, Boas, (iiteri neirar ra Rahab), eda Obed, (iiteri neirar ra Rud), Jesse, eda King Dabid.
6b-11Iyer na hatataril marahara la bwitoho ma ifiri Dabid eda bwitiwo räni yatowe la hasüyael sawori Israel lada hädilaraho Babilon: Dabid, Solomon (neirar faifire we liiri Uria), eda Rehoboam, Abia, Asa, Jehosafat, Jehoram, Usia, Jodam, Ahas, Hesekia, Manasse, Amon, Josia, eda Jehoiakin ma marahara weribwidir.
12-16Iyer na hatataril ma werimwiliri-mo la wehitafaari ma Babilon eda tohongari fadari Hesus: Jehoiakin, Sealtiel, Serubabel, Abiud, Eliakim, Asor, Sadok, Akim, Eliud, Eleasar, Madan, Yakob eda Hosei we liiri Maria ra dini Hesus, we la fadöngüngeri bwa Mesias.
17Deih ma faatari tani yalemat ma ifiri Abraham eda bwitiwo ifiri Dabid, nga deih ma faatari tani yalemat ma ifiri Dabid eda tohongari-mo la hasüyael sawori Israel lada hädilaraho Babilon, nga deih ma faatari tani yalemat ma werimwiliri na la hädilaraho Babilon eda tohongari fadari Mesias.
Fadari Hesus Kristo
(Lukas 2.1-7)
18Iyer na e faülü na fadari Hesu Kristo. La hädi neirar Maria lada hafatofatongari Hosei, nga imowari na labwe liili nga Maria eda diyar ifi namari Ngörü Liya.
19Hosei we e haye faülü söhü titiro maho, e tamasari hatawadiye titini Maria, eda kupeti yarari na ebwe hatawolaraho sahü na yael liili. 20Ifiri na e mamangiya titiror, nga yaari Tamoru anghel eda hirengari ma räni yaar ttar eda haüya bwa, “Hosei we ho sapitoho ma ifiri Dabid, ho tawai matahü na hobwe hädi Maria bwa lumu, bwa Ngörü Liya sapir na eda rari. 21Iiye ra ebwe hafada demarü happala mwaare hoda haiteitangari bwa Hesus, bwa iiye na ebwe haruul yaar sawo ma ifiri tammaüül.”
22E faülüyehi uruteri marahar bwa ebwe nnah bwa hatödü-mo Tamoru e faaülü profeta bwa ebwe tapawau, 23“Demarü birhen ebwe diyar eda hafada demarü happala mwaare lada dölü bwa ebwe iitar Imanuel”, (nifaari mere ra “Dios e mire uworus”).
24Hosei eda haneraho eda hädi Maria bwa liir eda weya sahü-mo yaari Tamoru anghel e haüya bwa ebwe faülü. 25Nga dari na Hosei e tai pülüye Maria madülü eda tohongari na e hafada raur happala mwaare. Hosei eda haiteitangari bwa Hesus.
Právě zvoleno:
Mateus 1: SOV
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
(Active) © Wycliffe Bible Translators, Inc. All rights reserved.