Adnodau Beiblaidd Poblogaidd o GÉNESIS 1

Rhanna

Aptomjac nic nat mocjam Dios: —Pac ongilanac sat enlhit najan quilvana. Jinlhojoc sat nincoo. Colhic sat almovan cotnejic avisqui ac aclhamoclhojo quilasma najan aclhamoclhojo nata najan aclhamoclhojo ninatoscama najan aclhamoclhojo asoc navjac najan aclhamoclhojo asoc alpilhyevaycam nalhpop— nic nat aptomjac. Lhama ilhnic nat apquillana Dios enlhit najan quilvana. Apnoc nic nat aptemaclha Dios. Apquillanac nic nat Dios enlhit najan quilvana.

Intasic nic nat appayvam Dios appamejitsa: —Ilhamasiclha sat aplhamoclhojo apquitquic najan aptovana, eleyoc sat lhalhma anco. Itne sat lhip avisqui ac as nalhpop, najan avisqui ac aclhamoclhojo quilasma najan aclhamoclhojo nata najan aclhamoclhojo asoc alpilhyevaycam nalhpop— nic nat aptomjac Dios.

Apquillanac nic nat siclhoc anco Dios netin najan nalhpop.

Am nic nat coyitnac siclhoc anco lhop. Acvamlha ilhnic nat siclhoc anco yingmin acvanyam. Jalh nic nat ilhma siclhoc anco. Apyitnec nic nat tacjalhit yingmin Dios espíritu apanco.

Aptomjac nic nat appametamcaa Dios: —¡Cotyip ayitsayolhma!— nic nat aptomjac. Intipquic nic nat ayitsayolhma.

Apvitac nic nat Dios aclhamoclhojo actamila apquilantipquiscama. Seis acnim nic nat intomjac.

Apvitac nic nat Dios ayitsayolhma actomja actamila anco. Appiquinquic nic nat nicja ayitsayolhma najan moc nicja yatescamalhma.

Aptomjac nic nat mocjam Dios: —Quip ilanojo. Almasquic lhip najan lhiya aclhamoclhojo actemaclha nintom, aclhamoclhojo actic ayinyema paat najan yamit acyilhna.

Apquiltimec nic nat ayitsayolhma Dios acvisay “acnim”. Apquiltimec nic nat yatescamalhma acvisay “alhtaa”. Lhama acnim nic nat intomjac.

Aptomjac nic nat mocjam Dios appametamcaa: —Coytic sat yingmin netin najan coning, anit acyitnamaclha sat cotnejic— nic nat aptomjac. Inquilhpanec nic nat.

Almasquic actamila paat yoyam coltovamcoc asoc navjac najan asoc alpilhyevaycam nalhpop najan aclhamoclhojo nata— nic nat aptomjac. Intipquic nic nat actemaclha aplhanma Dios.

Aptomjac nic nat mocjam Dios: —Colanteypoc sat alitsasquiscamalhma netin. Colitsasquisic sat ilhma as nalhpop. Cotnatsalhquejec sat acnim najan alhtaa. Cotnatsalhquejec sat acvamlha acnim najan acvamlha mocjitma (años) najan yavamlha eltimjic nalhit acnim— nic nat aptomjac. Inquilantipquic nic nat.

Aptomjac nic nat mocjam Dios: —Coticteypoc sat nalhpop aclhamoclhojo actemaclha paat najan yamtaa. Colhic sat actic aclhamoclhojo paat. Colhic sat acyilhna aclhamoclhojo yamtaa— nic nat aptomjac. Intictipquic nic nat.

Appiquinquic nic nat Dios anit acyitnamaclha. Lhama acyitnamaclha yingmin nic nat appiquinac coning. Moc nic nat appiquinac netin.

Inquilantipquic nic nat aclhamoclhojo actemaclha paat acma actic najan actemaclha yamtaa acma acyilhna. Apvitac nic nat Dios actemaclha actamila.

Apquilantipcasquic nic nat Dios anit alitsasquiscamalhma. Lhama acyivey anco actomja ayitsasquiscamalhma acnim. Moc yamacyivey actomja ayitsasquiscamalhma alhtaa. Apquilantipcasquic nic nat Dios aclhamoclhojo apyova.

Aptomjac nic nat mocjam Dios: —Cotyapoc sat lhama nicja acyitnamaclha yingmin, yoyam coytic sat mepqui lha yingmin— nic nat aptomjac. Intipquic nic nat. Apquiltimec nic nat Dios acyamayoclhilhma acvisay “lhop” (lhopactic). Acyitnamaclha yingmin nic nat acvisay “yingmin acvanyam”. Apvitac nic nat Dios actemaclha actamila.

Aptomjac nic nat Dios: —Inquiltasi nac silantipquiscama aclhamoclhojo asoc aleyvam. Collhamiclha sat aclhamoclhojo nayingmin. Collhamiclha sat aclhamoclhojo nata as nalhpop— nic nat aptomjac.

Aptomjac nic nat mocjam Dios: —Colanteypoc sat as nalhpop aclhamoclhojo asoc aleyvam nalhpop. Colanteypoc sat ninatoscama najan asoc navjac najan asoc alpilhyevaycam nalhpop— nic nat aptomjac. Inquilantipquic nic nat.

Aptomjac nic nat mocjam Dios: —Colanteypoc sat aclhamoclhojo asoc aleyvam nayingmin. Colquimpam sat netin aclhamoclhojo nata as nalhpop— nic nat aptomjac. Inquilantipquic nic nat.

Apvitac nic nat Dios aclhamoclhojo asoc aleyvam nalhpop. Aptivac nic nat Dios actemaclha actamila.