Adnodau Beiblaidd Poblogaidd o San Lucas 9

Rhanna

Mit Jesús inʉmgʉs̈au nu'pʉjʉjnat: —Te tu'c jayau iwamp tʉs̈natspoguiyáj, ma nijawiyo't lo que iwampay, mit ma tsʉ̱na dispuestu iguitunas̈wa'n cada s̈ʉjw, mit we'n oyáj tʉs̈natspoguip.

Ni'c pʉmba'tu iwampay iguicuida̱twa'n ivida pa je'yu, i-actogoyáj. Mit pʉmba'tu i-actsʉ̱námpay ivida por togoyic ni'c tʉs̈wamp ʉ̱, iguarda̱táj pa tu'c vida cacʉs̈ámpay.

Mit Jesús inʉjmau: —Te tu'c jayau chu̱chip yos̈watpay araduni'c mit te nimugus̈-e'jpʉp, ayé caservia̱tp. We'ney caservia̱tp pa Dios iguimanda̱táj tu'c jayau jeme pitucpay pa mugus̈á̱m.

Ni'c ¿pa ti oy te tu'c jayau i-aguep nu'pʉjʉn itpay en ayʉ̱́j mundu mit i-actogoyp ivida?

Ni'c jeme tʉs̈tuwinchu̱gámpay ʉ̱ mit lo que tʉnyʉmpay, ʉ̱ jeme tʉjatway jayau tʉntuwinchu̱gámpey je' cuandu tʉmi'nwa'n oymanac, ni'c tʉmi'náj oymanac as̈am tʉnte̱t Dios, mit oymanac as̈am ayé ángejlat i-aguepcʉs̈pay Dios.

Po Jesús inʉjmau: —Zurrí̱yujat itcʉjʉp cʉt mam itsʉ̱nga, mit jonwájat itcʉjʉp ipe'jnat, po ʉ̱ jeme tʉjatway jayau tʉnga-aguep laj mam tʉpo'cs̈wa'n.

Mit inʉmgʉs̈au: —Pʉmba'tu jeme ipʉctsowámpay ayʉ̱́j qui'chwáy ni'c ʉ̱ tʉs̈wamp, casi ʉ̱ tʉs̈pʉctso̱p. Mit jeme tʉs̈pʉctsowámpay ʉ̱, ipʉctso̱pey Dios jeme tʉs̈ajyu'tway. Ni'c jeme más camʉjninʉmicway mam intsʉ̱nga minu'pʉjʉjnat, je' tanáj más mʉjninʉmic.