Adnodau Beiblaidd Poblogaidd o MATEO 15

Rhanna

Peru shimipita yarqoqqa, shonqupitam yarqun; i keymi muyan nunata. Shonqupitam yarqun mana alli yarpakacheykuna, wanutsikiykuna, olteron keykuna, lluta wátanakiykuna, suwakiykuna, uli willakiykuna, maldisikiykuna.

Shimiman yeykoqqa manam nunata muyantsu; shimipita yarqoqmi, muyan nunataqa.

Key pwebluqa shiminkunallawanmi onraman; shonqunqa noqapita karuchowmi. Ardeymi onrayáman, yachatsikur yachatsikiykunatanow, nunakunapa kamatsikiyninkunata.

Tseynam Jesús yaskirnin, nerqan: —¡Warmi, jatunmi kreyikiyniki! Rurakátsun qamwan munanqeykinow. I wawan kachakashqa karqan tsey órapita.

Tseynam pey shamorqan i qonqurikiykurqan peypa nowpanman, nirnin: —¡Señor, ankupeykallámey! Yaskirnin pey, nerqan: —Manam allitsu tsurikunapa tantanta tsari, i chuschukunapaq jitari. Warminam nerqan: Awmi, Señor. Peru chushchukunapis mikuyanmi dweñunkunapa mesanpita tanta pakipikuna shikwaqta.