Adnodau Beiblaidd Poblogaidd o Mathew 24

Rhanna

ac am fod anhrefn ar gynnydd, fe fydd cariad llaweroedd yn oeri. Ond pwy bynnag a ddalio hyd y diwedd a gaiff ei achub.

Fe bregethir y Newyddion Da am y Teyrnasiad drwy’r byd i gyd, yn dystiolaeth i bob cenedl; ac yna fe ddaw diwedd y byd.

Fe gewch glywed am ryfeloedd a sôn am ryfeloedd, ond gofelwch beidio ag ofni. Rhaid i’r pethau hyn ddigwydd, ond mae’r diwedd eto i ddod.

Fe gwyd cenedl yn erbyn cenedl, a theyrnas yn erbyn teyrnas, ac fe fydd newyn a daeargrynfâu mewn llawer lle. Ond dechrau gwewyr esgor oes newydd fydd y pethau hyn i gyd.

Fe â nef a daear heibio ond nid â fy ngeiriau i heibio fyth.

“Fe ddaw llawer yn cymryd f’enw i arnyn nhw, a dweud, ‘Fi yw’r Meseia,’ ac fe fyddan nhw’n camarwain llawer.

“Pryd hynny fe gewch eich cosbi a’ch lladd, ac fe fydd pob cenedl yn eich casáu chi am eich bod yn dwyn f’enw i. Pryd hynny fe fydd llawer yn colli’u ffydd, ac yn bradychu a chasáu ei gilydd. Ie, ac fe gwyd llawer o broffwydi gau a chamarwain llawer o bobl

“Cymerwch ofal rhag i neb eich twyllo chi,” meddai Iesu.

Byddwch chithau hefyd barod, oherwydd fe ddaw Mab y Dyn pan na fyddwch chi’n ei ddisgwyl.

“Byddwch effro, felly, gan na wyddoch chi ddim pa bryd y daw eich Arglwydd.

“Ond am y dydd hwnnw a’r awr, does neb a ŵyr — hyd yn oed angylion y nefoedd, na’r Mab, ond y Tad yn unig.

Oherwydd fe ddaw twyllwyr yn cymryd arnyn nhw fod fel Meseia ac yn broffwydi ac yn dangos arwyddion mawr a rhyfeddodau, nes camarwain hyd yn oed y rhai sy wedi’u dewis, petai hynny’n bosibl.

“Fel roedd pethau yn nyddiau Noa, felly y byddan nhw pan ddaw Mab y Dyn. Yn y dyddiau hynny, cyn y dilyw, roedden nhw’n bwyta ac yn yfed, yn priodi ac yn cael eu priodi, tan y dydd yr aeth Noa i’r arch, heb wybod dim nes i’r dilyw ddod a’u hysgubo nhw i gyd i ffwrdd. Fel yna y bydd hi pan ddaw Mab y Dyn