Adnodau Beiblaidd Poblogaidd o Luc 3

Rhanna

Wedi iddo fedyddio’r holl bobl, ac Iesu hefyd wedi ei fedyddio ac yn gweddïo, agorodd y nef, a disgynnodd yr Ysbryd Glân arno mewn ffurf gorfforol fel colomen; a daeth llef o’r nef, “Ti yw fy Mab annwyl, ynot ti y’m bodlonwyd.”

atebodd Ioan iddynt oll, “Myfi yn wir sydd yn eich bedyddio â dwfr; ond y mae fy nghryfach yn dyfod, un nad wyf deilwng i ddatod carrai ei esgidiau; ef a’ch bedyddia chwi â’r Ysbryd Glân ac â thân

Dygwch, ynteu, ffrwythau teilwng o’ch edifeirwch; ac na ddechreuwch ddywedyd ynoch eich hunain, ‘Y mae gennym ni Abraham yn dad’; canys meddaf i chwi, fe ddichon Duw o’r cerrig hyn godi plant i Abraham.

Eisoes yn wir y mae’r fwyall wedi ei gosod wrth wraidd y prennau; pob pren, ynteu, heb ddwyn ffrwyth da, yr ydys yn ei dorri i lawr a’i daflu yn tân.”

fel yr ysgrifennwyd yn llyfr geiriau Eseia’r proffwyd: Llef un yn bloeddio yn y diffeithwch, Paratowch ffordd yr Arglwydd, unionwch ei lwybrau ef. Pob cwm a lenwir, a phob mynydd a bryn a wastateir, a bydd y lleoedd gŵyrgam yn ffyrdd union, a’r ffyrdd geirwon yn llyfn; a gwêl pob cnawd iachawdwriaeth Duw