Adnodau Beiblaidd Poblogaidd o Jénésis 1

Rhanna

Ne Osówo o-raa o/fu, byichi banet ba-kyú wǎ be, ba-bí bě, ḿbé ekworê nyí ké kace ne bunurung ḿbú kyíbóng ne byitú ne ejíí kángkáng ne [kángkáng enyam nyí nyi ké ejíí] byidakyú ké bubwô ebe. Ne Osówo kâng o-chi banet wǎ nyǐ oyén. O/chi kámbé onyinchéng ne onyinyi.

Ne Osówo o-jware kámbé, o-sét kámbé o/fu, kû n̂g efwon ba-jê, ba-sú ké ejíí emúmú, e-kyú ké bubwô enen. Kyú n̂g ne busa kyi-kim ne ekworê nyí ké kace ne bunurung ḿbú kyíbóng ne kángkáng enyam nyí nyi ké ejíí.

[Ké kiimkpet kyikû, Osówo o/chi bubóng ne esí.]

Esí e/mû byiryibyiryi, nang chwǒm kyi/mû kyi*fí ké nyǐ*. Ne baya ḿbé ba/mû ba/cít ké nyǐ ba/mû kyifip kyífip. [Busun ḿbú Osówo] bu/mû bu-byí i kyíbóng zírízírí bu-wáp ng baya ámbe.

Ne Osówo o-kye busa o/fu, kiinwángé kyibyí, ne kiinwángé kyi-byí.

Ne Osówo o-ri kángkáng byěm ḿbyí o/chi, ne byi/mû byi-nwa ng kanong kanong. Ne dyikurúku dyi-fyi, dyicófóróng dyi-cé, ací nyâchât a-shwôm.

Ne Osówo o-ri o/fu, kiinwángé ánkyi nkyi kanong, ne o-kyii kiinwángé ne kyifip.

Ne Osówo o-raa ne banet o/fu, me nn/kye běn kángkáng byichí ḿbyí mbyi byi-zím m byirim ne ḿbyí mbyi byi-zím m esang ké ejíí. Kû n̂g eryí kámbyí.

Osówo o/kó kiinwángé, dyicí, o-kó kyifip, buchú. Ne dyikurúku dyi-fyi, dyicófóróng dyi-cé, dyicí dyibónge dyi-shwôm.

Ne Osówo o-kye busa o/fu, chwǒm wǎ mbwôm kyikyú ké otyém-baya ámbe, ne o-chi kánkyí kâng kyi-kyii kámbé ba-firi byikit byifee, omu mú kyíbóng ne baya ḿbé kyísí. Ne kyi-chi éné.

Ne kángkáng enyam nyí ké ejíí ne bunurung ḿbú kyíbóng ne kángkáng enyam nyí boǒníng ne kángkáng byěm ḿbyí mbyi ne dyikpen, me nn/kye kányí byichí ḿbyí edaryí. Ne kyi-chi éné.

Ne Osówo o-kye busa o/fu, byěm ḿbyí byidakûkye kiinwángé byibyí kyíbóng, byi-kyii buchú ne esû, byi-tông ekap nyí ací ne aje ne ajî-byifen

Ne Osówo o-kye busa o/fu, byichí ḿbyí byidazím esang ne ḿbyí byidazím byirim byibyí ké esí ké azong ké azong. Ne kyi-chi éné.

Ne Osówo o-kye busa o/fu, chwǒm wǎ mbwôm kyikyú ké otyém-baya ámbe, ne o-chi kánkyí kâng kyi-kyii kámbé ba-firi byikit byifee, omu mú kyíbóng ne baya ḿbé kyísí. Ne kyi-chi éné.

Ne byichí byi-byí kâng ké esí, ḿbyí byidazím esang ne byirim ké azong ké azong. Ne Osówo o-ri o/fu, nkyi kanong.

Ne Osówo o-chi kâng byěm ḿbyí byi/rêe ḿbyí byidakye kiinwángé byifee. O/fu, óbyísû okyú otu mú esû, ne otukáku mú kaǎníng okyú otu mú buchú. Osówo o-chi to ékpére.

Ne Osówo o-kye busa o/fu, baya ḿbé kyísí bacibi ba-jâ kyicê kyibónge, eringe nyí esí edabyí. Ne kyi-chi éné. Osówo o/kó esí, esí, o-kó baya ḿbé ba/cibi ba-jâ kyicê kyibónge, baya ḿbé baryên. Ne Osówo o-ri o/fu, nkyi kanong.

Ne Osówo o-jware kámbyí byimúmú. Ne o-raa ne byěm ḿbyí ké baya o/fu, kû n̂g efwon ba-jê ng ba-câ ba-sú ké buce ne baya, o-raa ne bunurung o/fu, bufwon bu-sú ké ejíí.

Ne Osówo o-kye busa o/fu, enyam ebyí ké ejíí ké azong ké azong, byitú ne enyam-dyikán nyí eryên ne nyí boǒníng. Ne kyi-chi éné.

Ne Osówo o-kye busa o/fu, azong-enyam chwóó ne ekworê byisú ké baya, ne bunurung ḿbú budabyí kyíbóng bubyí.

Ne Osówo o-chi kâng enyam nyí ké ejíí ké azong ké azong ne byitú ké azong ké azong ne kángkáng enyam nyí boǒníng ké azong ké azong. Ne Osówo o-ri o/fu, nkyi kanong.