Adnodau Beiblaidd Poblogaidd o Mak 12

Rhanna

Jisas bep mini nuhu, “Gonahe niah kawu bi mamjikte, naah niah bep nuhu, ‘Gimi ah tarut at Isrel karu rorongtak. Subu God nante niah bibi nondo God bi nondo Subu. Kon mwegololo i nom Subu God le jinem, bi le nom masan, bi le nom vihnian, bi le rowom seranae.’ Karuan ah kawu bi mamjikte tapmak ba naah bep nuhu, ‘Konetpe davim ni tapmak goah kom mwatpe kik ma.’ Dalek telingling go temubulong niah kawu tapmak goi karu nong.”

Jisas mahu non tarutni vautbwaleh bi bep mini ni nuhu, “Mwetaknga letlet nabep mini gimi, bwe rahe ba tewohni mane kawu ngate le tangin mane ahe vali go sera ah rat wohni. Gonani datngin ajini ba entorah rabohni no mane ba ramali go nge ah mwidi masen, dini no bwera mane ah mwidi. Ba u bwe rahe ba tedoskak sera gonae ah tei non. Teskak sera goah tei mamjin non niah tedok lin.”

Jisas tesadok dobo sasari ut ah rat wohni mane iginan le valin God. Tesadok negita goah tarutni rat tepma newohni no mane. Tei aji meresan halkwu niah rat wohni mane kawu. Tesadok ngama ba bwe bwaleh mapma bi bohni biribiri mane karu biribiri mane nong ba bat keni sen bwaleh.

Bi aji manetpe God nante le jinen bi le non masan bi le rowon sera, bi manetpe davinni tapmak goah matpe ni ma. Tewoswos ngate nagoah aji bat ioh li dalek telingling i karu nong vali goah bateli leut tegagal bi maskani i non sekakan mini God.”

Jisas bep mini ni nuhu, “Apma ah non Sisa ba karugele mini Sisa bi apma ah non God ba karugele mini God.” Ni seranae rat tetkoh tokol i non vehuran ah tevep mini ni.