METHIU 26
26
Jesu Thehnii Ensir
(Mk 14.1-2; Luk 22.1-2; Jhn 11.45-53)
1Jesu ing hava vakhae i ariirchir inuwna asebok ae ningna ariir, 2“Nenuw ing nemanghuwsa amachuve inii ninii aanuwna manlaennii kuurva inii vaata, amana Mee Sapa chu meekik charnaka khros na jamvaatae.”
3Changlaenche aanchung jaethiim aere lipah ipuh vakhae Aanchung Jaethiim Kaiphas eennache yngkong-sae, 4amana Jesu chu suwr ae naka thehva enchii khaena ynruwhjaeh inche ensirpa. 5Changvakonchu manlaennii kuurva sungna phusiir phuraang asuwhniimah khaena kuurva sungna tumahmanuw enchiipa.
Jesu chu Bethani na Richiithou Yntaehpeeh
(Mk 14.3-9; Jhn 12.1-8)
6Bethani khuwna ong ynchor mee Simon een sungna Jesu ing aonglae, 7#Luk 7.37,38rupanuw yngkheh ing amen iruwpak richiithou buwr yngkheh vechika Jesu rusae nache achirpa. 8Amachu sebok ae ing emutah nache embarung sikka enriir, “Ynchii khaena amen iruwpak havi amampaamva? 9Akhaechuve havana richiithou havi amen inem-pakna juwr manuwka sara ae ningna ipeehsah aruva.”
10Jesu ing enriir chongchu amang-huwtah nache sebok ae ningnache ariir, “Ynchii khaena rupanuw havi nemanjava? Ama ing kaningna isapak nong yngkheh yntupeehsa. 11Nenuw chuve apha vakhaena sara aethoh onghakva nenta, changvakonchu ki chuve apha vakhaena nenuw thoh onghakjaeh mahmanuw. 12Ama ing kataklina richiithou achir i yndimva kachiichu thoraang yntupeehva. 13Ki ing neningna atatak ing kariirnah, laaruw paam apham siirna havana isa chong i aantong raenche, rupanuw havi inge atu arichu yndennii khaena ynriir vaata.”
Judas ing Jesu Arensah
(Mk 14.10-11; Luk 22.3-6)
14Changlaenche sebok suum ariinii kaarna ynvae Judas Iskariot ing aanchung jaethiim ae ningting vakka asiipae, 15“Ki ing neningna Jesu chu pining chuwcha, nenuw ing kaningna ynchii ipiva nenchiiva?” Amana enuw ing khampher somthum apeehpae. 16Chutahnache amanache basenka ama ing irensahnii khaena apha chavachii amanjongpa.
Jesu ing Sebok aethoh Manlaennii Thaemin Asahhak
(Mk 14.12-21; Luk 22.7-14,21-23; Jhn 13.21-30)
17Chor ynvaemah tar isahnii kuurva abasennii iniina sebok ae ing Jesu ningna theng aeka asiiae, “Manlaennii thaemin isahniichu nakhaena kenuw ing unakhe sir ae naka ynchiivachii?”
18Jesu ing eningna ariir, “khuw-ruung tingse vaknuwna achuw yngkheh mee ningnache taruw, Oja ing ariirva, kaaniichu ynneengsa; na-een sungna kasebok aethoh manlaennii kuurva iniichu tusakata achiinah taruw.”
19Jesu ing ariir inuwzii inche asebok ae ing manlaennii thaemin isahniichu ensirpa.
20Khuri hungvika imaarnii khaena Jesu re sebok aechu ongsae. 21Enuw ing thaemin ensah raenche Jesu ing ariir, “Atatak ing neningna kariirnah, nengkaarna yngkheh ing ki irensava nenta.”
22Amana sebok aechu inempak embarungriir jaasa vokhehkho yngkheh yngkheh ing Aafhuw kipingmo ta aeka iriir embasenpa.
23Amana Jesu ing abasang ae, “Isahnii bukamna kik kengafhuwrhak mee inche ki irensavaata. 24Mee Sapa ing thikvachii khaena ynthiing thiimziihna ariir inuwzii ing atuva. Changvakonchu Mee Sapa arensah mee khaena chembe ijaniisapa! Ama meechu ynlaarmah vanave, akhaena sakseh vachiiva.”
25Jesu chu arensah Judas ing ariir, Oja, ki ynchiinii vachiimo taka asiitah nache, nataksah ing nariirsahpa taka abasang.
Aafhuw Ningsiih Thaemin
(Mk 14.22-26; Luk 22.15-20; 1 Kor 11.23-25)
26Amana enuw ing thaemin ensah raenche, Jesu ing tarchu verika, bor pika vokhehkho abakhiipa, amanche asebok ae ningnache jepika aiir, “Verinuwna saruw, havi ki kashava.”
27Aanuwnache ama ing kamchu verika vokhehkho manpahsaka, aman-che eningnache jepika ariir, “Nenuw nengkheng inruw; 28akhaechuve havi itharpeh chongiir mee aanem isii kuhnii khaena ynta kasii va. 29Ki ing neningna kariirnah, atae basen naka kapa iruwng lipah nache ki ing nenuwthoh itharpeh vomrip chii inva kachii aaniichu aphamahri raentaang vomrip chii havi inmahning.”
30Amana enuw ing la tu aeka aanuwnache Oleep Bung tingche sisae.
Pitar ing Jesu Rumahvachii Maen ing Ajeer
(Mk 14.27-31; Luk 22.31-34; Jhn 13.36-38)
31Apha ichiinache Jesu ing eningna ariir, “Atanii jaen nenuw nengkheng taenchir tanuwka imavanenta, akhaechuve ynziihka omna, ‘Ki ing jao aacheerchu manvarva kata, amanche jao aruwr aechu kiichir vaatae.’ 32#Met 28.16Changvakonchu ki athar hangring ningka Galili ting maen henginsa vakata.”
33Changlaenche Pitar ing basangka aningna ariir, “Mee areh ing imakhang nakho, ki chuve utaraenkho bathenmah ningchii!”
34Jesu ing Pitar ningna ariir, “Ki ing atatak ing naningna kariirnah, amachuve atanii jaen aarkhuung ing akhuwngmah rirae nang ing ki vathumchak irumah tanii.”
35Amana Pitar ing abasang, “Ki nangthoh ithiihak phavakachii vakhang nakho, ki ing nangchu irumah tumahdeh ningchii.” Sebok vakhae aengkho changche enriirpa.
Getsamani na Athamsah
(Mk 14.32-42; Luk 22.39-46)
36Changlaenche Jesu ing asebok aethoh Getsamani enchii mintingche vaksae. Amana Jesu ing sebok ae ningna ariir, “Nenuw havane heongruw, ki chungtingse hangningka thamsa kata.” 37Changlaenche ama ing Pitar re Zebedi sapa ynniimeh aechu aruwpae. Amana Jesu inempak ija ing rungneh ynthehsa. 38Amatah nache ama ing eningna ariir, “Kalaetha i adongniichak ithii aru phanii ing jaana, nenuw hane ongnuwna kithoh ynruw ing hahjaehruw.”
39Jesu ing topoh yndahhak ing kar vekhiingka amana aruw barupka athamsah, “O Apa! Runave, havana kam i kaningtanii imanlaenpeehsar, changvakonchu ki ing kamanden ynsuwhmahsana, nang ing naman-denchu ynsuwhrasiing.”
40Aanuwnache sebok ae ningting ajuwngtah nache enuw ihejaar atinpa, amana Pitar ningnache ama ing ariir, “Ynchii khaena nenuw kithoh ynruw ing apha yngkheh pangkho nenghah chehmahva? 41Nenuw batheem ting nenbukniimah ing hahruw vokhehkho thamsaruw. Laetha inchembe aman-denna changvakonchu hakchaang inchembe suurna.”
42Avomanii athar vaanrika atham-sah, “Apa, havana kam i kaningtanii ynlaen rumah naka, inmah arumah vanave, nang ing namandenchu ynsuwhrasiing.” 43Athar vokheh ajuwnglaen chenkho asebok ae hejaar aechu atinpa; akhaechuve enuw emik inempak khuksa.
44Chukhaenache ama ing enuwchu maka avomanthumnii ithamnii khaena athar sisa, amana achingnii thohkhe aanghakjaeh ing athamsahpa. 45Amana asebok ae ningting juwngka ariir, “Nenuw ataraen phanii ing jaarchuwka nenja nenbasumva? Enruw! Mee Sapa chu isii icher ae kikting charvachii aphachu thengsa. 46Hangsuwruw, inuw sitaruw; enruw, ki ynrensah mee thohche ynneeng samuw.”
Jesu Getsamani na Ensuwr
(Mk 14.43-50; Luk 22.47-53; Jhn 18.3-12)
47Jesu ing achong raenche, aanchung jaethiim aere lipah aapuh upa vakhae ing isii, chemthar, vokhehkho rumor chiaeka laarchang mee inempak aechu suum ariinii kaarna ynvae Judas ing veruw aeka vaksae. 48Amana Jesu arensah mee inche eningna buwtinnii inche ariir, “Ki ing aabeeng katum mee chuva, ama meechu suwrruw.”
49Ama ing anikung nache Jesu buumting vakka ariir, “Kabariimsah nahchii Oja taka aabeeng atum.”
50Changlaenche Jesu ing aningna ariir, “Kaarang, ynchii khaena hane nang ivatheng vachii?” Changlae enuw ing akik nache bachuw aeka ensuwrpa. 51Chutahnache Jesu ing aanruwfhuw kaartanii mee yngkheh ing achem isuwka aanchung jaethiim ameenaechu atuktah nache aana asaehjohpa. 52Amana Jesu ing aningna ariir. “Nachemkha akhumting thinla. Chem aachi vakhae ing chemna maangvaatae. 53Atarae ki ing kapa ningting vaarmee laarchang lejan suum ariinii athi ing jenbathenla taningka thamcheh mahnii ichii ing nemandenva? 54Changche ichii ing tunacha, ynsaangkhe ynthiing thiimziihchu hungchumcheh vaate?”
55 #
Luk 19.47; 21.37 Changlaenche Jesu ing laarchang ae ningnache ariir, “Taakuw isuwrvaang chemthar re rumor chichuwka ki isuwr ithengvachuw? Anasiir rumniieenna kamanchuw aerae nenuw ing isuwrmahchuw. 56Changvakonchu havana isuwh vakhae havi ynthiing thiimziihna jaephar aeng embaziihchu ahungchumnii khaenava.” Changlaenche sebok aenche Jesu bathen aeka taenchirsae.
Jesu ing Sanhedrin ae Maana Ingiir
(Mk 14.53-65; Luk 22.54-55,63-71; Jhn 18.13-14,19-24)
57Amana Jesu aasuwr aenche thiimthang ae vokhehkho upa ae ing Aanchung Jaethiim Kaiphas eenna yngkongchak ae nache enveruwpa. 58Changvakonchu Pitar ing Aanchung Jaethiim vajeernii een sukmae ipha inche yndahhak ing avejiipa; amanche sungting varuwhka ynchii suwhvaate ichii achimahtaang ennii khaena aarung mee ae thohche ong. 59Amanache Aanchung jaethiim, upa ae, vokhehkho aanchungpuh vakhae ing Jesu ithehnii khaena amiraar ajongpae; 60changvakonchu ichummah saarkhii aajaeh pikhang ae nakho araarsa ichiichu tuwhcheh mahsae. Chutahnache aningkuurna ichummah saarkhii ynniimeh ahenpeeh ae, 61#Jhn 2.19“Ki ing rumniieen i mamaang ningka amana inii nithum sungna mangiirva kata achii ta aeka enriir.”
62Amana Aanchung Jaethiim ing hangiirka Jesu ningna ariir, “Nakhaena ichummah ing ichong ae i yntangkho basangmah tanii?” 63Changvakonchu Jesu ing huwdaejaeh ing ongsa. Amana Aanchung Jaethiim ing aningna ariir, “Nang Thangnang sapa Khrista vataniive, keningna nasaarkhiichu iring Thangnang rumingna iriirnii khaena apha kapeehnahchii.”
64Jesu ing aningna abasang, “Nang ing nariir churapping. Chukhaenache ki ing naningna kariirnah, atarae basen naka Mee Sapa ing ruwreng ipirpak tachangna ongnaka thangbaen ruwrduh taklina ijuwngchu nenuw ing muvanenta!”
65Changlaenche Aanchung Jae-thiim ing apeen isiihka ariir, “Ama ing Thangnang taklina ithipak ing chongsa! Inuw ing havi chungna ynchii saarkhii ijongfhuw omkhang! Atae ama ing Thangnang taklina ithipak ing ichongkha nenuw ingkho nensiipa!”
66Nenuw ynchii nemandenva? Enuw ing embasang, ama ithii apha matik chaana.
67Amana enuw ing amaena bachir aeka, manvar aeka amanche areh aenche ibeeng aeka enriir, 68“O Khrista! Achuw ing nangchu man-varva? Keningna riirla.”
Pitar ing Jesu Arumah
(Mk 14.66-72; Luk 22.56-62; Jhn 18.15-18,25-27)
69Atii Pitar ing vajeernii een sukmae nache aonglae meenae rupanuw yngkheh ing aningna ariir, “Nangkho Galili Jesu thohne ynruw-hakrem vachii.”
70Changvakonchu mee ae maensok nache ama ing rumahka ariir, “Nenuw ing nenriir chong khaene ki mang-huwmah ing.” 71Ama ing vajeernii een sukmae ting ajungsuwhtah nache reentaang meenae rupanuw yngkheh ing amupa, amana rupanuw inche abuumna ingiir ae ningna ariir, “Hava mee ikho Nazaret Jesu thoh ynruwhakpae.”
72Athar vokheh Pitar ing rumahka vokhehkho chongreep tuka ariir, “Hava mee i ki manghuwmah ing.”
73Apha topoh aanuwna abuumna ingiir aeng Pitar ningting henganeeng aeka enriir, “Nangkho enuwthoh ynruwhak kaarna yngkheh vachii ichii nachongna huwna.”
74Amana Pitar ing chongsii laksii iriir basenka vokhehkho chongreep tuka ariir, “Mee havi ki manghuwmah ing.” Aphachak nache aarkhuung inche khuwngsa. 75Amana aarkhuung ing akhuwngmah rirae nang ing ki vathumchak irumah tanii taka Jesu ing ariir chongchu Pitar ing aansiipa. Amana Pitar ing taangting jungsuwhka abarungriir asuhsahhpak ing chapsa.
Dewis Presennol:
METHIU 26: MOYO
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.
METHIU 26
26
Jesu Thehnii Ensir
(Mk 14.1-2; Luk 22.1-2; Jhn 11.45-53)
1Jesu ing hava vakhae i ariirchir inuwna asebok ae ningna ariir, 2“Nenuw ing nemanghuwsa amachuve inii ninii aanuwna manlaennii kuurva inii vaata, amana Mee Sapa chu meekik charnaka khros na jamvaatae.”
3Changlaenche aanchung jaethiim aere lipah ipuh vakhae Aanchung Jaethiim Kaiphas eennache yngkong-sae, 4amana Jesu chu suwr ae naka thehva enchii khaena ynruwhjaeh inche ensirpa. 5Changvakonchu manlaennii kuurva sungna phusiir phuraang asuwhniimah khaena kuurva sungna tumahmanuw enchiipa.
Jesu chu Bethani na Richiithou Yntaehpeeh
(Mk 14.3-9; Jhn 12.1-8)
6Bethani khuwna ong ynchor mee Simon een sungna Jesu ing aonglae, 7#Luk 7.37,38rupanuw yngkheh ing amen iruwpak richiithou buwr yngkheh vechika Jesu rusae nache achirpa. 8Amachu sebok ae ing emutah nache embarung sikka enriir, “Ynchii khaena amen iruwpak havi amampaamva? 9Akhaechuve havana richiithou havi amen inem-pakna juwr manuwka sara ae ningna ipeehsah aruva.”
10Jesu ing enriir chongchu amang-huwtah nache sebok ae ningnache ariir, “Ynchii khaena rupanuw havi nemanjava? Ama ing kaningna isapak nong yngkheh yntupeehsa. 11Nenuw chuve apha vakhaena sara aethoh onghakva nenta, changvakonchu ki chuve apha vakhaena nenuw thoh onghakjaeh mahmanuw. 12Ama ing kataklina richiithou achir i yndimva kachiichu thoraang yntupeehva. 13Ki ing neningna atatak ing kariirnah, laaruw paam apham siirna havana isa chong i aantong raenche, rupanuw havi inge atu arichu yndennii khaena ynriir vaata.”
Judas ing Jesu Arensah
(Mk 14.10-11; Luk 22.3-6)
14Changlaenche sebok suum ariinii kaarna ynvae Judas Iskariot ing aanchung jaethiim ae ningting vakka asiipae, 15“Ki ing neningna Jesu chu pining chuwcha, nenuw ing kaningna ynchii ipiva nenchiiva?” Amana enuw ing khampher somthum apeehpae. 16Chutahnache amanache basenka ama ing irensahnii khaena apha chavachii amanjongpa.
Jesu ing Sebok aethoh Manlaennii Thaemin Asahhak
(Mk 14.12-21; Luk 22.7-14,21-23; Jhn 13.21-30)
17Chor ynvaemah tar isahnii kuurva abasennii iniina sebok ae ing Jesu ningna theng aeka asiiae, “Manlaennii thaemin isahniichu nakhaena kenuw ing unakhe sir ae naka ynchiivachii?”
18Jesu ing eningna ariir, “khuw-ruung tingse vaknuwna achuw yngkheh mee ningnache taruw, Oja ing ariirva, kaaniichu ynneengsa; na-een sungna kasebok aethoh manlaennii kuurva iniichu tusakata achiinah taruw.”
19Jesu ing ariir inuwzii inche asebok ae ing manlaennii thaemin isahniichu ensirpa.
20Khuri hungvika imaarnii khaena Jesu re sebok aechu ongsae. 21Enuw ing thaemin ensah raenche Jesu ing ariir, “Atatak ing neningna kariirnah, nengkaarna yngkheh ing ki irensava nenta.”
22Amana sebok aechu inempak embarungriir jaasa vokhehkho yngkheh yngkheh ing Aafhuw kipingmo ta aeka iriir embasenpa.
23Amana Jesu ing abasang ae, “Isahnii bukamna kik kengafhuwrhak mee inche ki irensavaata. 24Mee Sapa ing thikvachii khaena ynthiing thiimziihna ariir inuwzii ing atuva. Changvakonchu Mee Sapa arensah mee khaena chembe ijaniisapa! Ama meechu ynlaarmah vanave, akhaena sakseh vachiiva.”
25Jesu chu arensah Judas ing ariir, Oja, ki ynchiinii vachiimo taka asiitah nache, nataksah ing nariirsahpa taka abasang.
Aafhuw Ningsiih Thaemin
(Mk 14.22-26; Luk 22.15-20; 1 Kor 11.23-25)
26Amana enuw ing thaemin ensah raenche, Jesu ing tarchu verika, bor pika vokhehkho abakhiipa, amanche asebok ae ningnache jepika aiir, “Verinuwna saruw, havi ki kashava.”
27Aanuwnache ama ing kamchu verika vokhehkho manpahsaka, aman-che eningnache jepika ariir, “Nenuw nengkheng inruw; 28akhaechuve havi itharpeh chongiir mee aanem isii kuhnii khaena ynta kasii va. 29Ki ing neningna kariirnah, atae basen naka kapa iruwng lipah nache ki ing nenuwthoh itharpeh vomrip chii inva kachii aaniichu aphamahri raentaang vomrip chii havi inmahning.”
30Amana enuw ing la tu aeka aanuwnache Oleep Bung tingche sisae.
Pitar ing Jesu Rumahvachii Maen ing Ajeer
(Mk 14.27-31; Luk 22.31-34; Jhn 13.36-38)
31Apha ichiinache Jesu ing eningna ariir, “Atanii jaen nenuw nengkheng taenchir tanuwka imavanenta, akhaechuve ynziihka omna, ‘Ki ing jao aacheerchu manvarva kata, amanche jao aruwr aechu kiichir vaatae.’ 32#Met 28.16Changvakonchu ki athar hangring ningka Galili ting maen henginsa vakata.”
33Changlaenche Pitar ing basangka aningna ariir, “Mee areh ing imakhang nakho, ki chuve utaraenkho bathenmah ningchii!”
34Jesu ing Pitar ningna ariir, “Ki ing atatak ing naningna kariirnah, amachuve atanii jaen aarkhuung ing akhuwngmah rirae nang ing ki vathumchak irumah tanii.”
35Amana Pitar ing abasang, “Ki nangthoh ithiihak phavakachii vakhang nakho, ki ing nangchu irumah tumahdeh ningchii.” Sebok vakhae aengkho changche enriirpa.
Getsamani na Athamsah
(Mk 14.32-42; Luk 22.39-46)
36Changlaenche Jesu ing asebok aethoh Getsamani enchii mintingche vaksae. Amana Jesu ing sebok ae ningna ariir, “Nenuw havane heongruw, ki chungtingse hangningka thamsa kata.” 37Changlaenche ama ing Pitar re Zebedi sapa ynniimeh aechu aruwpae. Amana Jesu inempak ija ing rungneh ynthehsa. 38Amatah nache ama ing eningna ariir, “Kalaetha i adongniichak ithii aru phanii ing jaana, nenuw hane ongnuwna kithoh ynruw ing hahjaehruw.”
39Jesu ing topoh yndahhak ing kar vekhiingka amana aruw barupka athamsah, “O Apa! Runave, havana kam i kaningtanii imanlaenpeehsar, changvakonchu ki ing kamanden ynsuwhmahsana, nang ing naman-denchu ynsuwhrasiing.”
40Aanuwnache sebok ae ningting ajuwngtah nache enuw ihejaar atinpa, amana Pitar ningnache ama ing ariir, “Ynchii khaena nenuw kithoh ynruw ing apha yngkheh pangkho nenghah chehmahva? 41Nenuw batheem ting nenbukniimah ing hahruw vokhehkho thamsaruw. Laetha inchembe aman-denna changvakonchu hakchaang inchembe suurna.”
42Avomanii athar vaanrika atham-sah, “Apa, havana kam i kaningtanii ynlaen rumah naka, inmah arumah vanave, nang ing namandenchu ynsuwhrasiing.” 43Athar vokheh ajuwnglaen chenkho asebok ae hejaar aechu atinpa; akhaechuve enuw emik inempak khuksa.
44Chukhaenache ama ing enuwchu maka avomanthumnii ithamnii khaena athar sisa, amana achingnii thohkhe aanghakjaeh ing athamsahpa. 45Amana asebok ae ningting juwngka ariir, “Nenuw ataraen phanii ing jaarchuwka nenja nenbasumva? Enruw! Mee Sapa chu isii icher ae kikting charvachii aphachu thengsa. 46Hangsuwruw, inuw sitaruw; enruw, ki ynrensah mee thohche ynneeng samuw.”
Jesu Getsamani na Ensuwr
(Mk 14.43-50; Luk 22.47-53; Jhn 18.3-12)
47Jesu ing achong raenche, aanchung jaethiim aere lipah aapuh upa vakhae ing isii, chemthar, vokhehkho rumor chiaeka laarchang mee inempak aechu suum ariinii kaarna ynvae Judas ing veruw aeka vaksae. 48Amana Jesu arensah mee inche eningna buwtinnii inche ariir, “Ki ing aabeeng katum mee chuva, ama meechu suwrruw.”
49Ama ing anikung nache Jesu buumting vakka ariir, “Kabariimsah nahchii Oja taka aabeeng atum.”
50Changlaenche Jesu ing aningna ariir, “Kaarang, ynchii khaena hane nang ivatheng vachii?” Changlae enuw ing akik nache bachuw aeka ensuwrpa. 51Chutahnache Jesu ing aanruwfhuw kaartanii mee yngkheh ing achem isuwka aanchung jaethiim ameenaechu atuktah nache aana asaehjohpa. 52Amana Jesu ing aningna ariir. “Nachemkha akhumting thinla. Chem aachi vakhae ing chemna maangvaatae. 53Atarae ki ing kapa ningting vaarmee laarchang lejan suum ariinii athi ing jenbathenla taningka thamcheh mahnii ichii ing nemandenva? 54Changche ichii ing tunacha, ynsaangkhe ynthiing thiimziihchu hungchumcheh vaate?”
55 #
Luk 19.47; 21.37 Changlaenche Jesu ing laarchang ae ningnache ariir, “Taakuw isuwrvaang chemthar re rumor chichuwka ki isuwr ithengvachuw? Anasiir rumniieenna kamanchuw aerae nenuw ing isuwrmahchuw. 56Changvakonchu havana isuwh vakhae havi ynthiing thiimziihna jaephar aeng embaziihchu ahungchumnii khaenava.” Changlaenche sebok aenche Jesu bathen aeka taenchirsae.
Jesu ing Sanhedrin ae Maana Ingiir
(Mk 14.53-65; Luk 22.54-55,63-71; Jhn 18.13-14,19-24)
57Amana Jesu aasuwr aenche thiimthang ae vokhehkho upa ae ing Aanchung Jaethiim Kaiphas eenna yngkongchak ae nache enveruwpa. 58Changvakonchu Pitar ing Aanchung Jaethiim vajeernii een sukmae ipha inche yndahhak ing avejiipa; amanche sungting varuwhka ynchii suwhvaate ichii achimahtaang ennii khaena aarung mee ae thohche ong. 59Amanache Aanchung jaethiim, upa ae, vokhehkho aanchungpuh vakhae ing Jesu ithehnii khaena amiraar ajongpae; 60changvakonchu ichummah saarkhii aajaeh pikhang ae nakho araarsa ichiichu tuwhcheh mahsae. Chutahnache aningkuurna ichummah saarkhii ynniimeh ahenpeeh ae, 61#Jhn 2.19“Ki ing rumniieen i mamaang ningka amana inii nithum sungna mangiirva kata achii ta aeka enriir.”
62Amana Aanchung Jaethiim ing hangiirka Jesu ningna ariir, “Nakhaena ichummah ing ichong ae i yntangkho basangmah tanii?” 63Changvakonchu Jesu ing huwdaejaeh ing ongsa. Amana Aanchung Jaethiim ing aningna ariir, “Nang Thangnang sapa Khrista vataniive, keningna nasaarkhiichu iring Thangnang rumingna iriirnii khaena apha kapeehnahchii.”
64Jesu ing aningna abasang, “Nang ing nariir churapping. Chukhaenache ki ing naningna kariirnah, atarae basen naka Mee Sapa ing ruwreng ipirpak tachangna ongnaka thangbaen ruwrduh taklina ijuwngchu nenuw ing muvanenta!”
65Changlaenche Aanchung Jae-thiim ing apeen isiihka ariir, “Ama ing Thangnang taklina ithipak ing chongsa! Inuw ing havi chungna ynchii saarkhii ijongfhuw omkhang! Atae ama ing Thangnang taklina ithipak ing ichongkha nenuw ingkho nensiipa!”
66Nenuw ynchii nemandenva? Enuw ing embasang, ama ithii apha matik chaana.
67Amana enuw ing amaena bachir aeka, manvar aeka amanche areh aenche ibeeng aeka enriir, 68“O Khrista! Achuw ing nangchu man-varva? Keningna riirla.”
Pitar ing Jesu Arumah
(Mk 14.66-72; Luk 22.56-62; Jhn 18.15-18,25-27)
69Atii Pitar ing vajeernii een sukmae nache aonglae meenae rupanuw yngkheh ing aningna ariir, “Nangkho Galili Jesu thohne ynruw-hakrem vachii.”
70Changvakonchu mee ae maensok nache ama ing rumahka ariir, “Nenuw ing nenriir chong khaene ki mang-huwmah ing.” 71Ama ing vajeernii een sukmae ting ajungsuwhtah nache reentaang meenae rupanuw yngkheh ing amupa, amana rupanuw inche abuumna ingiir ae ningna ariir, “Hava mee ikho Nazaret Jesu thoh ynruwhakpae.”
72Athar vokheh Pitar ing rumahka vokhehkho chongreep tuka ariir, “Hava mee i ki manghuwmah ing.”
73Apha topoh aanuwna abuumna ingiir aeng Pitar ningting henganeeng aeka enriir, “Nangkho enuwthoh ynruwhak kaarna yngkheh vachii ichii nachongna huwna.”
74Amana Pitar ing chongsii laksii iriir basenka vokhehkho chongreep tuka ariir, “Mee havi ki manghuwmah ing.” Aphachak nache aarkhuung inche khuwngsa. 75Amana aarkhuung ing akhuwngmah rirae nang ing ki vathumchak irumah tanii taka Jesu ing ariir chongchu Pitar ing aansiipa. Amana Pitar ing taangting jungsuwhka abarungriir asuhsahhpak ing chapsa.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Moyon Naga New Testament - ITHAR CHONGHAK
Copyright © 2008 by The Bible Society of India
Used by permission. All rights reserved worldwide.