Salmau 59
59
SALM 59
Duw, fy nerth
Llanfair 74.74 D
1-4O fy Nuw, amddiffyn fi
Rhag gwŷr cryfion
Sydd yn bygwth f’einioes i
Â’u cynllwynion.
Heb fod pechod ynof fi,
Maent yn chwennych
Fy nifetha, cyfod di,
Tyrd ac edrych.
5-7Arglwydd Dduw y Lluoedd, ti
Yw Duw Israel.
Cosba’r bobloedd sydd â ni
Yn ymrafael.
Dônt fin nos drwy’r dref fel cŵn
Wynebgaled,
Gan fytheirio’n fawr eu sŵn:
“Pwy sy’n clywed?”
8-10Ond fe’u gwawdi di, fy Nuw,
Hwy a’u hyfdra.
O fy Nerth, ti’n unig yw
F’amddiffynfa.
Sefi di o’m plaid, heb os,
Arglwydd graslon;
Rho im fuddugoliaeth dros
Fy ngelynion.
11-15Paid â’u lladd, ond gwasgar hwy,
A’u darostwng,
Am fod geiriau’u genau’n fwy
Nag annheilwng.
Am eu balchder mawr a’u bri
Tyrd i’w cosbi,
Fel y gwelo’r byd mai ti
Sy’n rheoli.
16-17Canaf innau am dy nerth
A’th uniondeb;
Gorfoleddu a wnaf yng ngwerth
Dy ffyddlondeb.
Buost amddiffynfa i mi
Mewn cyfyngder.
Canaf byth fy mawl i ti,
Dduw, fy Nghryfder.
Dewis Presennol:
Salmau 59: SCN
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© Gwynn ap Gwilym 2008