Ko-Dabirɛnu 16
16
Hega anubɛ Sirayi Wara-Koe
1Buramala musi Sirayi ma den sɔrɔn fɔlɔn kɔnɔ Iyipiti yɔɔn-musi do taranta ale Sirayi bolo. A tɔgɛ le Hega. 2-3Burama san tan nyɔgɛ ma Kenan nyamanɛ rɔ, Sirayi ya a fɔ a ye ko, “Nba, Mari ma den di n ma nkɛkuna, i yandi, i ni nna yɔɔn-musi kɛ latenbi i kɔma. Tumado yɔɔn-musi kɛ si ma nna bon-sɔlɛ la.”
Burama ya Sirayi kuman-kan bira. Sirayi ya ala yɔɔn-musi Hega bi ka a latenbi ala kei ma. 4Burama ya yɔɔn-musi wo latenbi a kɔma tumɛ min, wo ya buyi bi.
Hega ya a yen tumɛ min ko a ara buyi bi, a tigi Sirayi wo bɔrɔ ma taran ale Hega ye tun. 5Sirayi ya a fɔ Burama ye ko, “Hega wo ara yoo n ma min kɛ, i gbɛ le wo la. N bara yɔɔn-musi min natenbi i ma, wo ara a yen min kɛ ko a kolomɛ le, n bɔrɔ sa a ye tun. Alamɛ Mari ya kiti tɛgɛ malebɛ ile tɛma.”
6Burama ya a fɔ Sirayi ye ko, “Ile letan ila yɔɔn-musi la. Min di i ye, i ni wo ma a la.” Sirayi ya karagbɛlɛyɛ sigi ala yɔɔn-musi wo la tumɛ min, a ya a buri Sirayi kɔrɔ.
7Mari nara melikala muninyɛ rɔ ka Hega wo yen tenke dafɛ wulɛ rɔ, tenke min bi Sura wularɔ-kilɛ la, kɔni. 8Melika wo ya a fɔ a ye ko, “Ile Sirayila yɔɔn-musi, Hega, i bɔnɛ mintɔ? I ye tala mintɔ?”
A ko, “N bi n burila n tigi Sirayi kɔrɔ.”
9Melika wo ya a fɔ a ye ko, “Sɛgi i tigi wara ka i nyɛrɛ lasɔnnaya a ye.” 10Melika wo ya Hega yili-madiya ko,
“I sibole si siyaya ha a dan ti ban lɔnna.
11I si den-kei sɔrɔn.
I si a tɔgɔ sa Sumanyila kamasɔrɔn nde, Mari ara ila tɔrɔyɛ di-kɛ-kan namɔɛn.
Sumanyila wo kɔrɛ le ko, ‘Alla si ko lamɔɛn.’
12Ila dan wonubɛ a bɔnsɔnnu si ma iko sofɛli-kolobɛlɛ.
Anu si ma mɔgɛ bɛɛ yoge la.
Mɔgɛ bɛɛ si ma anu yoge la.
Anubɛ anu na-kelen-nyɔgɛnu ti sigi kan-tina-kelen sɔndɔma-finteyɛ bolo.”
13Mari min kumara Hega ye, Hega ya wo tɔgɔ sa “Alla min kolonkɛ ye n na.” A ko, “Alla Min Kolonkɛ Ye N Na, n bara wo yen n yɛ la kɔnɔ n ma faga.” 14Woletɔ kɔlɔn min bi Kɛdɛsi soe anubɛ Bɛrɛdi soe tɛma, anu bi wo kelela ko, “Alla Min Kolonkɛ Ye N Na, Wota Kɔlɔn.”
15-16 #
Kalesiya 4.22
Hega ye den-kei wo sɔrɔnna Burama ma tumɛ min, wo ya a taran, Burama sɔrɔn ara san bi-segin ani san wɔrɔ bɔ. Burama ya ala dan wo tɔgɔ sa Sumanyila.
Dewis Presennol:
Ko-Dabirɛnu 16: KCLB
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Kuranko Common Language Bible © The Bible Society in Sierra Leone, 2006.