Ko-Dabirɛnu 20
20
Iburayima anubɛ Abimɛlɛki
1Iburayima bɔra ala dagɛ rɔ Mamireta kɔlɔmanu kɔrɔ ka ta tagama rɔ Kenan nyamanɛ wo dugula wara la. A tara a sigi Kɛdɛsi soe anubɛ Sura wulɛ tɛma. Wo kɔma, a ya wati do kɛ Kirari soe burɔ. 2#Ko-Dabirɛnu 12.13; 26.7 Kirari Mansa Abimɛlɛki, wo ya mɔgɛ sɔ Sira bi tinɛ kamasɔrɔn Iburayima ya a fɔ nun ala musi Sira ma ko a tirisan-musi le a la.
3Kɔnɔ suyi do rɔ, Alla ya a fɔ ale mansɛ ye kiyo rɔ ko, “Ile si na faga. I wara mɔgɔna-musi bi.”
4Nba, wo ya a taran, Abimɛlɛki ma a sa wɛ Iburayimala musi kɛ fɛ nun. Mansɛ wo ya a fɔ Mari ye ko, “Mari, n ma ko-yogomɛ min ma, i si mabɛ nna mɔgɛnu faga wola ko la? 5Ala kei le ma a fɔ n ye nun ko a tirisan-musi le, ado musi kɛ fanan ko a tirisan-kei le? N ya musi kɛ bi nun kɔnɔ n ma a lɔn ko n bara ko-yogoma ma.”
6Alla ya a fɔ ale mansɛ wo ye kiyo wo rɔ ko, “Ɔnde, n ya a lɔn i wara kɛ ma i yisi-gbɛnɛ la. Woletɔ n ma sɔn i ni i bole tugu ale Sira la ka hakɛ kɛ nde la. 7I ni kei wola musi lasɛgi a ma kaka kamasɔrɔn nɛbi le ale la. A si madiyali kɛ i ye alako i ni beli. Kɔnɔ ni i ma Sira lasɛgi ala kei ma, i ni a lɔn serr, ko wobɛ ila mɔgɛnu si faga, yɔ!”
8Woletɔ mansɛ wo ya a lasɔ subaga ma ka ala mɔgɔ-banu kele ka koe kɛ bɛɛsi rakaran anu ye. Mɔgɛ wonu kilanta kati! 9Mansɛ wo ya Iburayima kele ka a fɔ a ye ko, “Ile ara nfen ma ma la kɛ la? Nde ya nfen ko-yogoma ma ile la, i ye hakɛ kɛ sufa lanala ma kuma? I wara ko sigi n ma mɔgɔ ti min sigi mɔgɛ ma.” 10Mansɛ ya a fɔ tun ko, “Nfen ya a to gbɛ, i ya kɛ ma ma la?”
11Iburayima ya a fɔ a ye ko, “Ni i ya a yen n ya kɛ ma, n ya a lɔn ko mɔgɔ sa nyamanɛ kɛ rɔ min si kilan Alla la bawo n ya a lɔn ko anu si n faga ka nna musi kɛ bi n bolo. 12Min sanɛ wo kuma, n tirisan-bɛrɛbɛrɛ le ale la. Fa kelen de ma la kɔnɔ na kelen ma ma la woletɔ n ya a furu. 13Alla ya n nabɔ n fa warɛ tumɛ min, n ya a fɔ nna musi Sira ye ko a ni ko-nyimɛ min kɛ n ye, wo le kɛ la. Ma wa ta kan-bo-kan, a ni a fɔ n ma ko a tirisan-kei le nde la.”
14Mansɛ wo ya Iburayimala musi Sira lasɛgi a ma. A ya yɔɔnnu anubɛ kolo-fannu di a ma fanan wo wati rɔ. 15Mansɛ wo ya a fɔ ale Iburayima ye ko, “Nta nyamanɛ mafɛlɛn. Kan-tina wo kan-tina diyara i ye, i sigi nyɔ.”
16Mansɛ wo ya a fɔ Sira fanan ye ko, “N bara wodi-gbɛ-gbu waga kelen di i tirisan-kei ma. Wo si ma sereyɛ la mɔgɛ bɛɛ yala ko i wara yo sɔrɔn bawo i ma ko tinya.”
17-18Alla ya a ma, musi minnu bi ale mansɛla bɔn la, wonu mara gbandɛ la ka a tɛgɛ Sira wara-koe ma. Kɔnɔ Iburayima ya Alla madiya mansɛ wo ye tumɛ min, Alla ya anubɛ ala bonna-mɔgɛnu nakɛndɛya. Alla ya a ma, musi wonu kera dannu sɔrɔnna tun.
Dewis Presennol:
Ko-Dabirɛnu 20: KCLB
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Kuranko Common Language Bible © The Bible Society in Sierra Leone, 2006.