Fakasigadan 29
29
Akub Andasug sas Laban at Bale
1Akub gfataglayun glao yakmay andasug sas fakamenitan baliwa fag ngay afud daga. 2Ay kanya nalag sik bubun sanya fag talun. Ay e tuluk gaban tupa gfiangalay sis tigyangan bubun. Ay sanya ginan wan ngay taw at fagnamulan mamam laman at famainum at ngay fagbaugun. Ay at fanuklub kafag bubun sik dalifi daul. 3Ngay tagalaga gfaful yay fagayu at fagbaugun nu namadaging wan kafag fanuklub bubun laman namainum. Ay nu nafainum wan, gsuklub wan.
4Ay Akub nainto sa sangay tagalaga tupa te, “Ku ngay faduksay, daginan am fag talun?”
Ay kanya fagayu gbalus te, “Siginan amis talun Karan.”
5Ay Akub gfataglayun ginto te, “O toglag am Laban, Nakur at fufu?”
Ay kanya fagayu gbalus te, “Sabv.”
6Akub gfataglayun yay gugat ginto te, “O Laban mabayan tua?”
Ay kanya fagayu gbalus yay fia te, “Sabv, mabayan ngawan. Ay damai, at baguina Rakel kadasug gtabanan at ngay fagbaugun.”
7Akub nalong sanya fagayu te, “Ya kayabi ay ya masine gfaful ngay fagbaugun, fainumi yap lang ay nandog yap namafangonan.”
8Ay kanya fagayu gbalus te, “Yakmay anful fagayu fagbaugun, yami gfainum. Ginanya ya ro nu gfadaging ami fanuklub laman namainum ami.”
9Ay gina Akub gfakamatoan ngay tagalaga fagbaugun, Rakel andasug ay gtabanan at mama at ngay tupa aroro sia wan tagulit. 10Akub nu nalag Rakel, at sai Laban at baguina, nu gtabanan at ngay fagbaugun, kanya nalo sas bubun laman namadaging dalifi ay namainum at sai at ngay fagbaugun. 11Ay nu nafainum wan, kanya naugwan Rakel ay gwayway at kaksvnan nu guseganan. 12Ay nalong sas Rakel te, “Rebeka au at baguama, ay am mama au at mangwai.” Ay Rakel gabanganan mandi guli namansulit sat mama.
13Ay Laban nu nadungug te, sanya at mangwai Akub, Rebeka at baguama, kanya nanamablang wa vtv ay naugwan anya ay natabanan sat bale. Ay nu ndasug wan sat bale, Akub nalong sas Laban fagayu at kinfasludan. 14Ay Laban nalong sa anya te, “Matuyan, ku kalongan o.”
Akub Gfakamulun sis Laban laman sas Rakel ay sas Lia
15Ay nu nlangfe sik magdanun Akub nu gbanwan sis Laban at fagbanwanan, Laban nalong sa anya te, “Duan, wa masine nu gfakamulun o si angku at yud e famayad aroro ku mangwai o. Longi angku nu seyu am fakaylatun ku famayad sa emu.”
16Ay Laban at sisian duak baguina. At faglon Lia, ay at ngenge Rakel. 17Lia at mata masine, ay sas Rakel amasine yap. 18Ay aroro Akub at fakaylatun Rakel tua, kanya nalong sas Laban te, “Gfakamulun kban sa emu kaduge fituk banwa nu gfon tua ban o sa angku am baguina Rakel.”
19Ay Laban nabalus te, “Amasine yap nu gfon au sa emu Rakel laman am bubay ban, nu gamut sa tibak mangama. Nu katanya, banwani yap ste.” 20Nu katanya, Akub nafakamulun sas Laban kaduge fituk banwa laman sat bubay ban Rakel. Aroro kanya maksvn nu kesug anya, dewa kadugenya fag buknga, nu sa anya, kata way nu seyuk menit.
21Ay nu nlangfe wan fituk banwa, Akub nalong sas Laban te, “Antabu wan nu gfakamulun au sa emu. Nu katanya, katsi foni wa angku Rakel.” 22Laban naylat ay nafalganan sik fagmafulun, ay nagewan sanya fag furuan at ngay taw. 23Ay nu nyabi wan, abat ngate Rakel, Laban at nataban sas Akub, Lia way. Ay Akub nafataladan Lia. 24Laban nafon sas Lia at fagsuguan fag mangena Silpa laman ban Lia at fagsuguan.
25Balabag di, Akub nasaful te, at nafataladan, Lia way. Nu katanya, kanya nalao sas Laban ay nalong te, “Wain am fagnafakamulunun sa angku takatanya? Nafagsuguan o angku laman namubay au Rakel. Katsi, wain am fagnafalingunun angku?”
26Laban gbalus te, “Duan, ste si em talun at faugali, at kaka tua taguna gfangindugan. 27Fanyai yap sadik buknga linggu siginan nu kadadwa am, ay ginanya ban gfon kwan sa emu Rakel, ay gdog yay ban o gfakamulun sa angku fitu yak banwa.”
28Akub naylat Laban at nalong. Ay nu nlangfe wan sik linggu siginan nu kadadwa sas Lia, Laban nafon wan sas Akub Rakel. 29Laban nafon sas Rakel at fagsuguan fag mangena Bila laman at fagsuguan ban. 30Nu katanya, Akub nafataladan yangay Rakel. Akub nu kesug Rakel gtungud tua nu kesug Lia. Ay Akub gdog yay nafakamulun sas Laban fitu yak banwa.
Akub at ngay Baguama
31Yawi nalag te, Akub wa fia kesug Lia. Nu katanya, naylat Lia nu kae sisian ay Rakel sik tagaranas way. 32Ay Lia nafafion ay nafasalug sik munama ay nafangayan te, Rubin,#29:32 Rubin: at masuad, At nalag ku fagidapun. ay nalong te, “Yawi nalag ku fagidapun, ay katsi matuyan ku indugan kesug wan angku.” 33Ay kanya nadog yay fia nafafion ay nafasalug sik munama, ay nadog nalong te, “Yawi nadog yay nafon angku sik sisian munama aroro nadungug te, ku indugan wa kesug angku.” Ay kanya nafangayan kafag ngenge te, Simyun.#29:33 Simyun: at masuad, At nadungug. 34Ay Lia gdog yay fia gfafion ay nafasalug sik munama. Ay kanya nalong te, “Katsi ku indugan kesug wan angku aroro tulu wan em munama.” Ay kanya nafangayan kafag ngenge te, Lebi.#29:34 Lebi: at masuad, At nafakbang. 35Ay Lia gdog yay fia gfafion ay nafasalug sadi yak munama. Kanya nalong te, “Guseganan au sas Yawi.” Nu katanya, kanya nafangayan kafag ngenge te, Uda.#29:35 Uda: at masuad, Segi anya. Sanya ginan, Lia antabu wan nu gsisian.
Dewis Presennol:
Fakasigadan 29: OCCT
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Copyright © 2021 by OMF International, Philippines
Fakasigadan 29
29
Akub Andasug sas Laban at Bale
1Akub gfataglayun glao yakmay andasug sas fakamenitan baliwa fag ngay afud daga. 2Ay kanya nalag sik bubun sanya fag talun. Ay e tuluk gaban tupa gfiangalay sis tigyangan bubun. Ay sanya ginan wan ngay taw at fagnamulan mamam laman at famainum at ngay fagbaugun. Ay at fanuklub kafag bubun sik dalifi daul. 3Ngay tagalaga gfaful yay fagayu at fagbaugun nu namadaging wan kafag fanuklub bubun laman namainum. Ay nu nafainum wan, gsuklub wan.
4Ay Akub nainto sa sangay tagalaga tupa te, “Ku ngay faduksay, daginan am fag talun?”
Ay kanya fagayu gbalus te, “Siginan amis talun Karan.”
5Ay Akub gfataglayun ginto te, “O toglag am Laban, Nakur at fufu?”
Ay kanya fagayu gbalus te, “Sabv.”
6Akub gfataglayun yay gugat ginto te, “O Laban mabayan tua?”
Ay kanya fagayu gbalus yay fia te, “Sabv, mabayan ngawan. Ay damai, at baguina Rakel kadasug gtabanan at ngay fagbaugun.”
7Akub nalong sanya fagayu te, “Ya kayabi ay ya masine gfaful ngay fagbaugun, fainumi yap lang ay nandog yap namafangonan.”
8Ay kanya fagayu gbalus te, “Yakmay anful fagayu fagbaugun, yami gfainum. Ginanya ya ro nu gfadaging ami fanuklub laman namainum ami.”
9Ay gina Akub gfakamatoan ngay tagalaga fagbaugun, Rakel andasug ay gtabanan at mama at ngay tupa aroro sia wan tagulit. 10Akub nu nalag Rakel, at sai Laban at baguina, nu gtabanan at ngay fagbaugun, kanya nalo sas bubun laman namadaging dalifi ay namainum at sai at ngay fagbaugun. 11Ay nu nafainum wan, kanya naugwan Rakel ay gwayway at kaksvnan nu guseganan. 12Ay nalong sas Rakel te, “Rebeka au at baguama, ay am mama au at mangwai.” Ay Rakel gabanganan mandi guli namansulit sat mama.
13Ay Laban nu nadungug te, sanya at mangwai Akub, Rebeka at baguama, kanya nanamablang wa vtv ay naugwan anya ay natabanan sat bale. Ay nu ndasug wan sat bale, Akub nalong sas Laban fagayu at kinfasludan. 14Ay Laban nalong sa anya te, “Matuyan, ku kalongan o.”
Akub Gfakamulun sis Laban laman sas Rakel ay sas Lia
15Ay nu nlangfe sik magdanun Akub nu gbanwan sis Laban at fagbanwanan, Laban nalong sa anya te, “Duan, wa masine nu gfakamulun o si angku at yud e famayad aroro ku mangwai o. Longi angku nu seyu am fakaylatun ku famayad sa emu.”
16Ay Laban at sisian duak baguina. At faglon Lia, ay at ngenge Rakel. 17Lia at mata masine, ay sas Rakel amasine yap. 18Ay aroro Akub at fakaylatun Rakel tua, kanya nalong sas Laban te, “Gfakamulun kban sa emu kaduge fituk banwa nu gfon tua ban o sa angku am baguina Rakel.”
19Ay Laban nabalus te, “Amasine yap nu gfon au sa emu Rakel laman am bubay ban, nu gamut sa tibak mangama. Nu katanya, banwani yap ste.” 20Nu katanya, Akub nafakamulun sas Laban kaduge fituk banwa laman sat bubay ban Rakel. Aroro kanya maksvn nu kesug anya, dewa kadugenya fag buknga, nu sa anya, kata way nu seyuk menit.
21Ay nu nlangfe wan fituk banwa, Akub nalong sas Laban te, “Antabu wan nu gfakamulun au sa emu. Nu katanya, katsi foni wa angku Rakel.” 22Laban naylat ay nafalganan sik fagmafulun, ay nagewan sanya fag furuan at ngay taw. 23Ay nu nyabi wan, abat ngate Rakel, Laban at nataban sas Akub, Lia way. Ay Akub nafataladan Lia. 24Laban nafon sas Lia at fagsuguan fag mangena Silpa laman ban Lia at fagsuguan.
25Balabag di, Akub nasaful te, at nafataladan, Lia way. Nu katanya, kanya nalao sas Laban ay nalong te, “Wain am fagnafakamulunun sa angku takatanya? Nafagsuguan o angku laman namubay au Rakel. Katsi, wain am fagnafalingunun angku?”
26Laban gbalus te, “Duan, ste si em talun at faugali, at kaka tua taguna gfangindugan. 27Fanyai yap sadik buknga linggu siginan nu kadadwa am, ay ginanya ban gfon kwan sa emu Rakel, ay gdog yay ban o gfakamulun sa angku fitu yak banwa.”
28Akub naylat Laban at nalong. Ay nu nlangfe wan sik linggu siginan nu kadadwa sas Lia, Laban nafon wan sas Akub Rakel. 29Laban nafon sas Rakel at fagsuguan fag mangena Bila laman at fagsuguan ban. 30Nu katanya, Akub nafataladan yangay Rakel. Akub nu kesug Rakel gtungud tua nu kesug Lia. Ay Akub gdog yay nafakamulun sas Laban fitu yak banwa.
Akub at ngay Baguama
31Yawi nalag te, Akub wa fia kesug Lia. Nu katanya, naylat Lia nu kae sisian ay Rakel sik tagaranas way. 32Ay Lia nafafion ay nafasalug sik munama ay nafangayan te, Rubin,#29:32 Rubin: at masuad, At nalag ku fagidapun. ay nalong te, “Yawi nalag ku fagidapun, ay katsi matuyan ku indugan kesug wan angku.” 33Ay kanya nadog yay fia nafafion ay nafasalug sik munama, ay nadog nalong te, “Yawi nadog yay nafon angku sik sisian munama aroro nadungug te, ku indugan wa kesug angku.” Ay kanya nafangayan kafag ngenge te, Simyun.#29:33 Simyun: at masuad, At nadungug. 34Ay Lia gdog yay fia gfafion ay nafasalug sik munama. Ay kanya nalong te, “Katsi ku indugan kesug wan angku aroro tulu wan em munama.” Ay kanya nafangayan kafag ngenge te, Lebi.#29:34 Lebi: at masuad, At nafakbang. 35Ay Lia gdog yay fia gfafion ay nafasalug sadi yak munama. Kanya nalong te, “Guseganan au sas Yawi.” Nu katanya, kanya nafangayan kafag ngenge te, Uda.#29:35 Uda: at masuad, Segi anya. Sanya ginan, Lia antabu wan nu gsisian.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Copyright © 2021 by OMF International, Philippines