Fakasigadan 32
32
Akub Gfalganan laman Nangablang Isaw
1Kaduge Akub ay at ngay fadgaloan glao, Dius at ngay tagbarita nafablang anya. 2Ay Akub nu nalag anya fagayu, kanya nalong te, “Kanya Dius at ngay tagfawayan.” Ay nu katanya, nafangayan kafag talun te, Makanaim.#32:2 Makanaim: at masuad, duak fulan ngay tagfawayan.
3Akub nasugu at ngay tagfosuk longan laman nangguna anya ay nanlag at faduksay Isaw sas talun Seir, sik talun at ngayan yangay te, Edum. 4Akub nafoyung wan sat nasugu fag ngay fagsuguan at fagnanlongun ro sas Isaw. Kanya glong te, “Longi sas Isaw te, glugo wan nu gbanwan au sis Laban, ay kya batang guli sa em talun dasug katsi. 5Ay longi yangay anya te, ang au e ngay baka, ay e ngay asnu, ay e ngay tupa, ay e ngay kambing, ay e ngay fagsuguan mangama ay mangena. Longi sa anya te, nasugu au ayu laman get sa anya te, nangus masine wan at amatanganan sa angku.”
6Akub at nasugu fag ngay taw nu nfoli wan, kanya fagayu nalong anya te, “Nasa wamis Isaw, ay kanya ban glo stae laman namablang emu. Ay e galo ban anya ufatk sandank mangama.”
7Ay Akub maksvn nu kalimu ay gasagsagan at amatanganan, ay nu katanya, kanya nafud sas duak afud at ngay fadgaloan ay katanya yangay anggan at ngay tupa, ay at ngay baka, ay at ngay kambing, ay at ngay kamelyu. 8Aroro kanya namatangan te, Isaw ro dewa namawayan at sadik fulan, at sadi ro anlagyu yay. 9Akub gdarangin te, “Yawi, ku fufuama Abrayam at Dius ay ku mama Isak at Dius, o wan at nalong sa angku te, ‘Afolii wan sa am ngay kalongan, sa am fakasalugan fag talun, ay gfae ramraman kban emu.’ 10Kwa masine gbul fagmasineun ay fagmatuyanun am nafalag sa angku am fagsuguan. Aroro ebi gina au gdife Liskung Urdan, kwe buba sangay ku tulag, ay dewa katanya katsi, e tabanan ktua duak gaban. 11Ay get au sa emu te, falangfei angku siginan ku faduksay Isaw. Aroro kalimu au te, kanya manga at fagstieun namabul way emi fagayu. 12Dewa katanya, nafatuyanan o sa angku te, gfae ramraman ban o angku laman gfayu ku ngay kasugfunanan kayu lagnas sis tigyangan dagat at yud katap ya.”
13Ay ginanya fag yabi, Akub natiug sanya. Ay balabag di, Akub nafili at ngay fagbaugun laman at fon sas Isaw: 14duak sandank tina kambing, ay duak safuluk tama kambing, ay duak sandank tina tupa, ay duak safuluk tama tupa, 15ay tuluk safuluk tina daul kamelyu tagalo at ngay tumad ayu daul, ay ufatk safuluk tina baka ay safuluk tama daul, ay duak safuluk tina asnu ay safuluk tama asnu. 16Akub nafud duak gaban at ngay fagbaugun, ay galay sik gaban e ngay fagsuguan tagalaga. Ay nalong sat ngay fagsuguan te, “Gunai wa angku, ay fae wabilugi galay sik gaban.”
17Ay kanya nalong yangay sat fagsuguan tagalaga taguna fag gaban fagbaugun te, “Isaw nu namablang way emu ay nu nainto te, sinu at ke fagsuguan emu ay dada o, ay nu sinu at ke fagbaugun am tabanan, 18balusi anya te, ‘Am arian Akub at ngay fagbaugun, kanya at famonun sa emu.’ Ay longi anya te, gguyan kwa ayu.”
19Katanya yangay Akub at nalong sat faduak fagsuguan ay sat fatulu ay sas fagayu at ngay fagsuguan tagalo at ngay fagbaugun. 20Ay Akub nafamatang sa anya fagayu te, “Lag kalyam glong sas Isaw te, gguyan au ayu.” Aroro Akub namatangan te, “Namon kban sas Isaw ku nafaguna fag ngay famonun, aroro bangaran ban nu naladlagan ami, kaylat yay ku nadasugan.” 21Nu katanya, Akub nafaguna wan at ngay famonun, dewa katanya, kanya ya nalao ginanya fag yabi.
E Nafagbuan Akub sis Talun Penyel
22Ginanya fag yabi Akub anfulo ay nataban at mangena fagdua, ay at dua at fagsuguan fag mangena, ay at sisian fag labi sadi, ay kanya fagayu nadife Liskung Abuk. 23Ay nafadife yangay fagayu at ngay ramraman. 24Ay Akub gina gsesadian, sik mangama andasug sa anya ay nafagbuan anya at kadugean sitsigons sdaga kamenit. 25Kafag mangama nu gamatang wa te, Akub ro gbabo way anya, nafalang wa vtv Akub at rawang ay at bini anfiskal. 26Ay kafag mangama nalong te, “Falfasi angku, gakamenitun wan.”
Ay Akub gbalus te, “Kwa ro gfalfas emu yakmay ro wo nafadante angku.”
27Kafag mangama nainto te, “Sinu am ngayan?”
Ay kanya nabalus te, “Akub.”
28Ay kafag mangama nalong sa anya te, “Siginan ban katsi Israel#32:28 Israel: at masuad, Dius nafafabadbaboan. wan am ngayan, bunwa ban Akub ya, aroro nafawayan o Dius ay anggan ngay taw, ay nababo o.”
29Ay Akub nainto yangay anya te, “Longi yangay sa angku am ngayan.”
Ay kafag mangama nabalus te, “Lag o ginto ya ku ngayan.” Ay kanya nafadante Akub.
30Ay Akub nafangayan sanya te, Penyel#32:30 Penyel: at masuad, Dius at kamatan. ay nalong te, “Nalag au Dius at kamatan ay dewa katanya, gleleg kyay.”
31Ay Akub nu glao siginans Penyel, menit ansure wan. Ay kanya galbian glao, aroro naslu at rawang. 32Ay dasug katsi katanya wan ngay taw Israel at fagyudun kon fagbaugun at ugat sit wa rawang fag afud, aroro Dius nu gfaslu Akub, sanya wa fag afud.
Dewis Presennol:
Fakasigadan 32: OCCT
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Copyright © 2021 by OMF International, Philippines
Fakasigadan 32
32
Akub Gfalganan laman Nangablang Isaw
1Kaduge Akub ay at ngay fadgaloan glao, Dius at ngay tagbarita nafablang anya. 2Ay Akub nu nalag anya fagayu, kanya nalong te, “Kanya Dius at ngay tagfawayan.” Ay nu katanya, nafangayan kafag talun te, Makanaim.#32:2 Makanaim: at masuad, duak fulan ngay tagfawayan.
3Akub nasugu at ngay tagfosuk longan laman nangguna anya ay nanlag at faduksay Isaw sas talun Seir, sik talun at ngayan yangay te, Edum. 4Akub nafoyung wan sat nasugu fag ngay fagsuguan at fagnanlongun ro sas Isaw. Kanya glong te, “Longi sas Isaw te, glugo wan nu gbanwan au sis Laban, ay kya batang guli sa em talun dasug katsi. 5Ay longi yangay anya te, ang au e ngay baka, ay e ngay asnu, ay e ngay tupa, ay e ngay kambing, ay e ngay fagsuguan mangama ay mangena. Longi sa anya te, nasugu au ayu laman get sa anya te, nangus masine wan at amatanganan sa angku.”
6Akub at nasugu fag ngay taw nu nfoli wan, kanya fagayu nalong anya te, “Nasa wamis Isaw, ay kanya ban glo stae laman namablang emu. Ay e galo ban anya ufatk sandank mangama.”
7Ay Akub maksvn nu kalimu ay gasagsagan at amatanganan, ay nu katanya, kanya nafud sas duak afud at ngay fadgaloan ay katanya yangay anggan at ngay tupa, ay at ngay baka, ay at ngay kambing, ay at ngay kamelyu. 8Aroro kanya namatangan te, Isaw ro dewa namawayan at sadik fulan, at sadi ro anlagyu yay. 9Akub gdarangin te, “Yawi, ku fufuama Abrayam at Dius ay ku mama Isak at Dius, o wan at nalong sa angku te, ‘Afolii wan sa am ngay kalongan, sa am fakasalugan fag talun, ay gfae ramraman kban emu.’ 10Kwa masine gbul fagmasineun ay fagmatuyanun am nafalag sa angku am fagsuguan. Aroro ebi gina au gdife Liskung Urdan, kwe buba sangay ku tulag, ay dewa katanya katsi, e tabanan ktua duak gaban. 11Ay get au sa emu te, falangfei angku siginan ku faduksay Isaw. Aroro kalimu au te, kanya manga at fagstieun namabul way emi fagayu. 12Dewa katanya, nafatuyanan o sa angku te, gfae ramraman ban o angku laman gfayu ku ngay kasugfunanan kayu lagnas sis tigyangan dagat at yud katap ya.”
13Ay ginanya fag yabi, Akub natiug sanya. Ay balabag di, Akub nafili at ngay fagbaugun laman at fon sas Isaw: 14duak sandank tina kambing, ay duak safuluk tama kambing, ay duak sandank tina tupa, ay duak safuluk tama tupa, 15ay tuluk safuluk tina daul kamelyu tagalo at ngay tumad ayu daul, ay ufatk safuluk tina baka ay safuluk tama daul, ay duak safuluk tina asnu ay safuluk tama asnu. 16Akub nafud duak gaban at ngay fagbaugun, ay galay sik gaban e ngay fagsuguan tagalaga. Ay nalong sat ngay fagsuguan te, “Gunai wa angku, ay fae wabilugi galay sik gaban.”
17Ay kanya nalong yangay sat fagsuguan tagalaga taguna fag gaban fagbaugun te, “Isaw nu namablang way emu ay nu nainto te, sinu at ke fagsuguan emu ay dada o, ay nu sinu at ke fagbaugun am tabanan, 18balusi anya te, ‘Am arian Akub at ngay fagbaugun, kanya at famonun sa emu.’ Ay longi anya te, gguyan kwa ayu.”
19Katanya yangay Akub at nalong sat faduak fagsuguan ay sat fatulu ay sas fagayu at ngay fagsuguan tagalo at ngay fagbaugun. 20Ay Akub nafamatang sa anya fagayu te, “Lag kalyam glong sas Isaw te, gguyan au ayu.” Aroro Akub namatangan te, “Namon kban sas Isaw ku nafaguna fag ngay famonun, aroro bangaran ban nu naladlagan ami, kaylat yay ku nadasugan.” 21Nu katanya, Akub nafaguna wan at ngay famonun, dewa katanya, kanya ya nalao ginanya fag yabi.
E Nafagbuan Akub sis Talun Penyel
22Ginanya fag yabi Akub anfulo ay nataban at mangena fagdua, ay at dua at fagsuguan fag mangena, ay at sisian fag labi sadi, ay kanya fagayu nadife Liskung Abuk. 23Ay nafadife yangay fagayu at ngay ramraman. 24Ay Akub gina gsesadian, sik mangama andasug sa anya ay nafagbuan anya at kadugean sitsigons sdaga kamenit. 25Kafag mangama nu gamatang wa te, Akub ro gbabo way anya, nafalang wa vtv Akub at rawang ay at bini anfiskal. 26Ay kafag mangama nalong te, “Falfasi angku, gakamenitun wan.”
Ay Akub gbalus te, “Kwa ro gfalfas emu yakmay ro wo nafadante angku.”
27Kafag mangama nainto te, “Sinu am ngayan?”
Ay kanya nabalus te, “Akub.”
28Ay kafag mangama nalong sa anya te, “Siginan ban katsi Israel#32:28 Israel: at masuad, Dius nafafabadbaboan. wan am ngayan, bunwa ban Akub ya, aroro nafawayan o Dius ay anggan ngay taw, ay nababo o.”
29Ay Akub nainto yangay anya te, “Longi yangay sa angku am ngayan.”
Ay kafag mangama nabalus te, “Lag o ginto ya ku ngayan.” Ay kanya nafadante Akub.
30Ay Akub nafangayan sanya te, Penyel#32:30 Penyel: at masuad, Dius at kamatan. ay nalong te, “Nalag au Dius at kamatan ay dewa katanya, gleleg kyay.”
31Ay Akub nu glao siginans Penyel, menit ansure wan. Ay kanya galbian glao, aroro naslu at rawang. 32Ay dasug katsi katanya wan ngay taw Israel at fagyudun kon fagbaugun at ugat sit wa rawang fag afud, aroro Dius nu gfaslu Akub, sanya wa fag afud.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Copyright © 2021 by OMF International, Philippines