Fakasigadan 31
31
Akub Nalagyu Laban
1Akub nadungug Laban at ngay baguama nu glong te, “Arvs fagayu wan Akub at nabul tam mama at ramraman. Fagayu at ramraman siginan way tam mama.” 2Akub nasaful te, Laban nu gdama anya anbali wan, wa kata ya ebi ginan.
3Yawi nalong sas Akub te, “Afolii sa am mangaguyang at fagbanwanan, am ngay kalongan at talun, ay gufud kban emu.”
4Ay Akub nafauro at mangena fagdua Rakel ay Lia sat fagalagaan at ngay tupa. 5Ay kanya nalong te, “Nasaful au te, anbali wan ay mama nu gdama angku, wa kata ya ebi ginan. Dewa katanya, ku mama at Dius wa gfabayan angku. 6Nasaful wam te, nafakamulun au sa ay mama kaksvn ku fagmakatuun. 7Dewa katanya, kanya nafamuag way sa angku. Safulu ginan gfabadbalian nu gbayad sa angku. Dewa katanya, Dius wa naylat nu gafalingunan au. 8Ay mama nu nalong te, ‘Ku famayad sa emu tagridrirukun fag ngay kambing riangan,’ kafag ngay kambing nu griangan tanan way lang gridrirukun. Ay nu nalong angku te, ‘Ku famayad sa emu tagbadbalangun fag ngay riangan,’ kafag ngay fagbaugun tanan way lang gbadbalangun nu griangan. 9Dius nabul ay mama at ngay fagbaugun ay nafon sa angku.”
10Ay Akub nalong yay te, “Gina ngay fagbaugun gfaulul fag buknga, nataginfan au. Nalag au unu sik ngay kambing tama nu gulul sa sangay kambing tina tagbadbalangun ay tagridrirukun ay at mabarunan. 11Ay kaduge au gtaginfan, Dius at tagbarita nauro angku te, ‘Akub.’ Ay nabalus au anya te, ‘Wain?’ 12Ay kanya nalong te, ‘Damai kafag ngay tama kambing at nangulul sa sangay tina kambing tagbadbalangun ay tagridrirukun ay at mabarunan. Nafakamulun au takatanya, aroro nalag au Laban at nafakamulun fagayu sa emu. 13Au Dius at kinsure sa emu sis Betel, sis talun nu inda nu gbusbus o langis sam nafalindug fag gang laman sik famamatang, ay sim fagfatuyanan sa angku. Katsi falganani ay loi wan ste ginan fag talun, ay afolii wan sam fakasalugan.’ ”
14Rakel ay Lia nabalus Akub te, “Wami e fagagbilugun siginan em mama. 15Em mama nu gdama emi kata waymi lang sik betaw. Ay kanya nafalao wan emi ay nafamin wan at famayad emi fag salapi. 16Anud, siwa emi ay si em ngay sisian, Dius at nabul fag fagmaramramanun fagayu siginan em mama. Nu katanya, fakamuluni Dius at nalong sa emu fagayu.”
17-18Ay Akub nafalganan wa vtv laman kafoli sas Kanaan, sat mama Isak at talun. Ay kanya nafasakay at ngay sisian ay at ngay mangena sat ngay kamelyu, ay nataban wan fagayu at fagbaugun ay fagayu at ramraman at nafaful gina sis Padan-Aram.
19Ay ginanya, antunggu Laban nu glao laman nangufo at ngay tupa. Ay kaduge Laban yud sanya, Rakel nafangkamul at mama at ngay fagsegan. 20Akub nadaya Laban fag taw Aram, ay wa nafasaful ya nu glao. 21Ay Akub gina glao, gbuba wan fagayu at ramraman. Ay kanya fagayu nadife Liskung Eufrates ay nataglayun sa sangay buksul tagsis talun Gilyad.
Laban Nafafalo Akub
22Ay nu nlangfe tuluk menit, Laban nasaful te, Akub nalo wan. 23Nu katanya, Laban nanamafalo gadgaloan at ngay kalongan kaduge fituk menit. Ay Laban nasud Akub sis Buksul Gilyad. 24Ginanya fag yabi, Dius ansure sas Laban fag taw Aram, siginan sik taginfan. Ay Dius nalong sa anya te, “Lag o gfakamulun at mauri sas Akub.”
25Ay Akub kawat at bale ramit sis Buksul Gilyad gina Laban gsud anya. Ay Laban ay at ngay kalongan nawat yangay sanya at ngay bale ramit. 26Laban nalong sas Akub te, “Wain am fagnafakamulunun sa angku takatanya? Wain am fagnadayaun angku? Sarokta, nataban wo fagayu ku ngay sisian kata sik ngay taw at natabanan gina e awayan. 27Wain am fagnadayaun angku? Wain am fagyudun nafasaful ya sa angku te, glao wo? Nu nalong di o, gfalo kro fia emu manabayan ay gfauseganan siginan sa ngay fagfawangun. 28Wo nafon ya angku buknga laman gugwan au ku ngay fufu ay ku ngay sisian gina am glao. Wa masine takatanya am nafakamulun sa angku. 29Siginan takatanya, e fanlonganan au laman gfakamulun sa emu at mauri. Dewa katanya, Dius nafararang sa angku aro sad yabi te, lag au gfakamulun sa emu at mauri. 30Nasaful au te, maksvn nu gauliun o. Ay wain am fagnafangkamulun ku ngay fagsegan?”
31Ay Akub nabalus anya, “Kwa nafasaful ya sa emu aroro kalimu au te, mabul o am ngay baguina siginan angku. 32Ay nu saman baliwa am ngay fagsegan at nalyam, nu nalag o sas nusnga sinu si emi, fabuli wan anya. Iste si tam ngay kalongan at daga salubangan, rvbvyi wan o e fagagbilugun o ste si emi, ay nu e nalag tuo buli wan.” Akub wa nasaful te, Rakel at nafangkamul Laban at ngay fagsegan.
33Nu katanya, Laban nasakbo sas Akub at bale ramit, ay sat mangena Lia at bale ramit ay sat fagsuguan fag duak mangena at bale ramit laman nanrvbvy at ngay fagsegan. Ay dewa katanya, Laban we nalag. Ay kanya naduksun siginans Lia at bale ramit ay nasakbo sas Rakel at bale ramit. 34Ay Rakel nasuksuk wan at mama at ngay fagsegan sis daga fanagmak kamelyu at tungud guyuy, ay kanya malunggung sanya. Ay Laban narvbvy at ngay fagsegan sas Rakel at bale ay we nalag. 35Ay Rakel nalong te, “Mama, lag o kauri angku, kwa mamalindug aroro e fangigusan au.” Ay Laban gtaglayun nu grvbvy ay we nalag.
36Ay Akub maksvn nu kadotama, ay glong sas Laban te, “Nataw ku nafakamulun sa emu at mauri am fagnamafaloun yay angku? 37Ay katsi narvbvy wo sa ku wa ramraman. O ay e nalag o? Nu e nalag tuo, fastiei sa ku daga salubangan ay tam ngay kalongan wa ro tagfatuyan. Ay kanya wa ro fagayu taglong te, sinu ta at ke asalanan. 38Kaduge duak safuluk banwa nu si au emu, we nalyam am ngay kambing ay am ngay tupa. 39Ay tagfangagat fag ngay mela at nagat fag ngay fagbaugun, kwa nabuba ya sa emu. Ay natubus kwa vtv. Ay nasugu o sa angku te, ‘Bangsii fagayu at nalyam,’ nu gafangkamulan dewa swa menit ay dewa sad yabi. 40Katatuy nu mabanwan au: galay menit gagwantan au ginroyan, ay galay yabi gagwantan au ginriosan. Ku tiug faggugat wa kasakan. 41Katanya nu gbanwan au magamut si emu kaduge duak safuluk banwa. Ay kaduge labi ufatk banwa gafagsuguanan au emu laman sa am baguina fagdua. Ay nafagsuguanan kyangay fia unum yak banwa laman galaga au am ngay fagbaugun. Ay dewa katanya setain am nafakamulun sa angku? Safulu ginan o gfabadbalian nu gbayad o sa angku. 42Ku mama Isak ay ku fufuama Abrayam at Dius yaman galo angku, malgau ro naiyan wo angku kwe famubaun nusnga setaw. Dewa katanya, Dius nalag tua nu gidapan au gfakamulun, kanya wan at fagnafararangun sa emu sad yabi.”
Akub ay Laban at Nasadian
43Ay Laban nabalus te, “Kanya fag ngay mangena ku ngay baguina, ay at ngay sisian ku ngay fufu. Ay kafag ngay fagbaugun, au way tagagbilug. Fagayu am lagan ku fagagbilugun way. Dewa katanya, katsi kwa gfatawad ya ku ngay sisian ay ku ngay fufu nu glao. 44Masine nu kawat ta sik nasadian tagfamatang anta ay tagfatuyan te, ansadi tua ta.”
45Nu katanya, Akub nabul sik gang daul ay nafalindug sanya laman sik famamatang. 46Ay Akub nasugu at ngay kalongan laman gfaful ngay gang. Ay kanya fagayu gfangon sit day fafulan fag ngay gang. 47Ay Laban nafangayan kafag fafulan gang te, Egar-Saaduta. Ay Akub nafangayan kafag fafulan gang te, Galeed.#31:47 Egar-Saaduta (sas Aramaiku fag fangaringang) ay Galeed (sas Ebreu fag fangaringang), at masuad te, Sik fafulan gang laman famamatang.
48Ay Laban nalong te, “Tuy fag ngay gang at mafafulan tagfatuyan te, ansadi tua ta.” Kanya wan at fagnafangayanun te, Galeed. 49Ay kafag fafulan gang at ngayan yangay te, Mispa,#31:49 Mispa: at masuad, Bale ngabat fagulitan. aroro Laban nalong te, “Yawi tagdiri anta nu gsaruayan ta. 50Ay nu dway ban masine nu gfalag o am fagmasineun sa ku ngay sisian ay nu nafamubay yay ban o sat dayu, amatangani te, deyud kban nasaful takatanya, Dius wan tagfatuyan ta ngay nasadian.”
51Ay Laban nalong yay fia sas Akub te, “Tuy fag ngay gang at mafafulan ay ku nafaturuk fag gang tagfatuyan te, ansadi tua ta. 52Tuy fag ngay gang at mafafulan, ay at mafaturukan fag gang tagfatuyan te, kwa glangfe ste fag fafulan gang laman namauri au emu, ay wo masine glangfe ste fag fafulan fag gang ay at mafaturukan fag gang, laman namauri o angku. 53Nangus am fufuama Abrayam at Dius ay ku mama Nakur at Dius ay ku fufuama Tera yangay at Dius tagfaurianan nusnga sinu ta at kinke asalanan.” 54Ay Akub nafon sik fagbaugun laman at fanggalangun gina sis buksul, ay kanya nafauro at ngay kalongan laman nanfangon. Ay ginanya fag yabi sanya wan kanya fagayu nu gtiug.
55Ay balabag di, sdaga kamenit, Laban naugwan ay nafadante at ngay baguina ay at ngay fufu, ay kanya noli wan.
Dewis Presennol:
Fakasigadan 31: OCCT
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Copyright © 2021 by OMF International, Philippines
Fakasigadan 31
31
Akub Nalagyu Laban
1Akub nadungug Laban at ngay baguama nu glong te, “Arvs fagayu wan Akub at nabul tam mama at ramraman. Fagayu at ramraman siginan way tam mama.” 2Akub nasaful te, Laban nu gdama anya anbali wan, wa kata ya ebi ginan.
3Yawi nalong sas Akub te, “Afolii sa am mangaguyang at fagbanwanan, am ngay kalongan at talun, ay gufud kban emu.”
4Ay Akub nafauro at mangena fagdua Rakel ay Lia sat fagalagaan at ngay tupa. 5Ay kanya nalong te, “Nasaful au te, anbali wan ay mama nu gdama angku, wa kata ya ebi ginan. Dewa katanya, ku mama at Dius wa gfabayan angku. 6Nasaful wam te, nafakamulun au sa ay mama kaksvn ku fagmakatuun. 7Dewa katanya, kanya nafamuag way sa angku. Safulu ginan gfabadbalian nu gbayad sa angku. Dewa katanya, Dius wa naylat nu gafalingunan au. 8Ay mama nu nalong te, ‘Ku famayad sa emu tagridrirukun fag ngay kambing riangan,’ kafag ngay kambing nu griangan tanan way lang gridrirukun. Ay nu nalong angku te, ‘Ku famayad sa emu tagbadbalangun fag ngay riangan,’ kafag ngay fagbaugun tanan way lang gbadbalangun nu griangan. 9Dius nabul ay mama at ngay fagbaugun ay nafon sa angku.”
10Ay Akub nalong yay te, “Gina ngay fagbaugun gfaulul fag buknga, nataginfan au. Nalag au unu sik ngay kambing tama nu gulul sa sangay kambing tina tagbadbalangun ay tagridrirukun ay at mabarunan. 11Ay kaduge au gtaginfan, Dius at tagbarita nauro angku te, ‘Akub.’ Ay nabalus au anya te, ‘Wain?’ 12Ay kanya nalong te, ‘Damai kafag ngay tama kambing at nangulul sa sangay tina kambing tagbadbalangun ay tagridrirukun ay at mabarunan. Nafakamulun au takatanya, aroro nalag au Laban at nafakamulun fagayu sa emu. 13Au Dius at kinsure sa emu sis Betel, sis talun nu inda nu gbusbus o langis sam nafalindug fag gang laman sik famamatang, ay sim fagfatuyanan sa angku. Katsi falganani ay loi wan ste ginan fag talun, ay afolii wan sam fakasalugan.’ ”
14Rakel ay Lia nabalus Akub te, “Wami e fagagbilugun siginan em mama. 15Em mama nu gdama emi kata waymi lang sik betaw. Ay kanya nafalao wan emi ay nafamin wan at famayad emi fag salapi. 16Anud, siwa emi ay si em ngay sisian, Dius at nabul fag fagmaramramanun fagayu siginan em mama. Nu katanya, fakamuluni Dius at nalong sa emu fagayu.”
17-18Ay Akub nafalganan wa vtv laman kafoli sas Kanaan, sat mama Isak at talun. Ay kanya nafasakay at ngay sisian ay at ngay mangena sat ngay kamelyu, ay nataban wan fagayu at fagbaugun ay fagayu at ramraman at nafaful gina sis Padan-Aram.
19Ay ginanya, antunggu Laban nu glao laman nangufo at ngay tupa. Ay kaduge Laban yud sanya, Rakel nafangkamul at mama at ngay fagsegan. 20Akub nadaya Laban fag taw Aram, ay wa nafasaful ya nu glao. 21Ay Akub gina glao, gbuba wan fagayu at ramraman. Ay kanya fagayu nadife Liskung Eufrates ay nataglayun sa sangay buksul tagsis talun Gilyad.
Laban Nafafalo Akub
22Ay nu nlangfe tuluk menit, Laban nasaful te, Akub nalo wan. 23Nu katanya, Laban nanamafalo gadgaloan at ngay kalongan kaduge fituk menit. Ay Laban nasud Akub sis Buksul Gilyad. 24Ginanya fag yabi, Dius ansure sas Laban fag taw Aram, siginan sik taginfan. Ay Dius nalong sa anya te, “Lag o gfakamulun at mauri sas Akub.”
25Ay Akub kawat at bale ramit sis Buksul Gilyad gina Laban gsud anya. Ay Laban ay at ngay kalongan nawat yangay sanya at ngay bale ramit. 26Laban nalong sas Akub te, “Wain am fagnafakamulunun sa angku takatanya? Wain am fagnadayaun angku? Sarokta, nataban wo fagayu ku ngay sisian kata sik ngay taw at natabanan gina e awayan. 27Wain am fagnadayaun angku? Wain am fagyudun nafasaful ya sa angku te, glao wo? Nu nalong di o, gfalo kro fia emu manabayan ay gfauseganan siginan sa ngay fagfawangun. 28Wo nafon ya angku buknga laman gugwan au ku ngay fufu ay ku ngay sisian gina am glao. Wa masine takatanya am nafakamulun sa angku. 29Siginan takatanya, e fanlonganan au laman gfakamulun sa emu at mauri. Dewa katanya, Dius nafararang sa angku aro sad yabi te, lag au gfakamulun sa emu at mauri. 30Nasaful au te, maksvn nu gauliun o. Ay wain am fagnafangkamulun ku ngay fagsegan?”
31Ay Akub nabalus anya, “Kwa nafasaful ya sa emu aroro kalimu au te, mabul o am ngay baguina siginan angku. 32Ay nu saman baliwa am ngay fagsegan at nalyam, nu nalag o sas nusnga sinu si emi, fabuli wan anya. Iste si tam ngay kalongan at daga salubangan, rvbvyi wan o e fagagbilugun o ste si emi, ay nu e nalag tuo buli wan.” Akub wa nasaful te, Rakel at nafangkamul Laban at ngay fagsegan.
33Nu katanya, Laban nasakbo sas Akub at bale ramit, ay sat mangena Lia at bale ramit ay sat fagsuguan fag duak mangena at bale ramit laman nanrvbvy at ngay fagsegan. Ay dewa katanya, Laban we nalag. Ay kanya naduksun siginans Lia at bale ramit ay nasakbo sas Rakel at bale ramit. 34Ay Rakel nasuksuk wan at mama at ngay fagsegan sis daga fanagmak kamelyu at tungud guyuy, ay kanya malunggung sanya. Ay Laban narvbvy at ngay fagsegan sas Rakel at bale ay we nalag. 35Ay Rakel nalong te, “Mama, lag o kauri angku, kwa mamalindug aroro e fangigusan au.” Ay Laban gtaglayun nu grvbvy ay we nalag.
36Ay Akub maksvn nu kadotama, ay glong sas Laban te, “Nataw ku nafakamulun sa emu at mauri am fagnamafaloun yay angku? 37Ay katsi narvbvy wo sa ku wa ramraman. O ay e nalag o? Nu e nalag tuo, fastiei sa ku daga salubangan ay tam ngay kalongan wa ro tagfatuyan. Ay kanya wa ro fagayu taglong te, sinu ta at ke asalanan. 38Kaduge duak safuluk banwa nu si au emu, we nalyam am ngay kambing ay am ngay tupa. 39Ay tagfangagat fag ngay mela at nagat fag ngay fagbaugun, kwa nabuba ya sa emu. Ay natubus kwa vtv. Ay nasugu o sa angku te, ‘Bangsii fagayu at nalyam,’ nu gafangkamulan dewa swa menit ay dewa sad yabi. 40Katatuy nu mabanwan au: galay menit gagwantan au ginroyan, ay galay yabi gagwantan au ginriosan. Ku tiug faggugat wa kasakan. 41Katanya nu gbanwan au magamut si emu kaduge duak safuluk banwa. Ay kaduge labi ufatk banwa gafagsuguanan au emu laman sa am baguina fagdua. Ay nafagsuguanan kyangay fia unum yak banwa laman galaga au am ngay fagbaugun. Ay dewa katanya setain am nafakamulun sa angku? Safulu ginan o gfabadbalian nu gbayad o sa angku. 42Ku mama Isak ay ku fufuama Abrayam at Dius yaman galo angku, malgau ro naiyan wo angku kwe famubaun nusnga setaw. Dewa katanya, Dius nalag tua nu gidapan au gfakamulun, kanya wan at fagnafararangun sa emu sad yabi.”
Akub ay Laban at Nasadian
43Ay Laban nabalus te, “Kanya fag ngay mangena ku ngay baguina, ay at ngay sisian ku ngay fufu. Ay kafag ngay fagbaugun, au way tagagbilug. Fagayu am lagan ku fagagbilugun way. Dewa katanya, katsi kwa gfatawad ya ku ngay sisian ay ku ngay fufu nu glao. 44Masine nu kawat ta sik nasadian tagfamatang anta ay tagfatuyan te, ansadi tua ta.”
45Nu katanya, Akub nabul sik gang daul ay nafalindug sanya laman sik famamatang. 46Ay Akub nasugu at ngay kalongan laman gfaful ngay gang. Ay kanya fagayu gfangon sit day fafulan fag ngay gang. 47Ay Laban nafangayan kafag fafulan gang te, Egar-Saaduta. Ay Akub nafangayan kafag fafulan gang te, Galeed.#31:47 Egar-Saaduta (sas Aramaiku fag fangaringang) ay Galeed (sas Ebreu fag fangaringang), at masuad te, Sik fafulan gang laman famamatang.
48Ay Laban nalong te, “Tuy fag ngay gang at mafafulan tagfatuyan te, ansadi tua ta.” Kanya wan at fagnafangayanun te, Galeed. 49Ay kafag fafulan gang at ngayan yangay te, Mispa,#31:49 Mispa: at masuad, Bale ngabat fagulitan. aroro Laban nalong te, “Yawi tagdiri anta nu gsaruayan ta. 50Ay nu dway ban masine nu gfalag o am fagmasineun sa ku ngay sisian ay nu nafamubay yay ban o sat dayu, amatangani te, deyud kban nasaful takatanya, Dius wan tagfatuyan ta ngay nasadian.”
51Ay Laban nalong yay fia sas Akub te, “Tuy fag ngay gang at mafafulan ay ku nafaturuk fag gang tagfatuyan te, ansadi tua ta. 52Tuy fag ngay gang at mafafulan, ay at mafaturukan fag gang tagfatuyan te, kwa glangfe ste fag fafulan gang laman namauri au emu, ay wo masine glangfe ste fag fafulan fag gang ay at mafaturukan fag gang, laman namauri o angku. 53Nangus am fufuama Abrayam at Dius ay ku mama Nakur at Dius ay ku fufuama Tera yangay at Dius tagfaurianan nusnga sinu ta at kinke asalanan.” 54Ay Akub nafon sik fagbaugun laman at fanggalangun gina sis buksul, ay kanya nafauro at ngay kalongan laman nanfangon. Ay ginanya fag yabi sanya wan kanya fagayu nu gtiug.
55Ay balabag di, sdaga kamenit, Laban naugwan ay nafadante at ngay baguina ay at ngay fufu, ay kanya noli wan.
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Copyright © 2021 by OMF International, Philippines