'Olic 3
3
O Pitolon to Dafak a Milongoc to Pipadama
O 'olic ni Tafiti, i ikor no pilaliw ningra to wawa ningra ci Apsaloman.
1 Tapangaw, wata: ko nika 'aloman no misa'adaay i takowanan.
'Aloman ko milooday i takowanan.
2Sowal sa cangra to pakayniay i takowanan,
<<Caay ko papadamaen no Kawas cingra,>> saan cangra.
3Nikawrira, Tapangaw, Kiso ko midipotay a sapatada ako.
Papipakalowiden Iso kako, ta ma^dengho a pakapica'a ko fongoh ako.
4Pasayra kako i Tapang a milongoc to pipadama Ningra i,
paca'of Cingra i takowanan nai fangcalay a lotok Ningra.
5Ano mafoti'to kako, ano mapalalto kako i,
ira ko Tapang a midipot i takowanan.
6Saka, ano iraira ko pinapi:na a 'ofad a 'ada a milikot#3.6 milikot -- o roma i, mitaliyok (Posko), miliyok (ka'amis). i takowanan i,
caay ka talaw kako.
7 Tapangaw, kalomowad!
Kawasaw ako, pa'oripen kako!
Pekpeken Iso ko ngaroy no 'ada ako a ma^min,
folfolen Iso ko wadis no tatiihay a tamdaw a ma^min.
8O nano Tapang ko sakapakalowid,
nanay mapalmed Ningra ko finawlan Ningra.
Dewis Presennol:
'Olic 3: AMIS2019
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© The Bible Society in Taiwan, 2019