Y Salmau 20
20
I'r Cyfarwyddwr: Salm. I Ddafydd.
1Bydded i'r ARGLWYDD dy ateb yn nydd cyfyngder,
ac i enw Duw Jacob dy amddiffyn.
2Bydded iddo anfon cymorth i ti o'r cysegr,
a'th gynnal o Seion.
3Bydded iddo gofio dy holl offrymau,
ac edrych yn ffafriol ar dy boethoffrymau.
Sela
4Bydded iddo roi i ti dy ddymuniad,
a chyflawni dy holl gynlluniau.
5Bydded inni orfoleddu yn dy waredigaeth,
a chodi banerau yn enw ein Duw.
Bydded i'r ARGLWYDD roi iti'r cyfan a ddeisyfi.
6Yn awr fe wn
fod yr ARGLWYDD yn gwaredu ei eneiniog;
y mae'n ei ateb o'i nefoedd sanctaidd
trwy waredu'n nerthol â'i ddeheulaw.
7Ymffrostia rhai mewn cerbydau ac eraill mewn meirch,
ond fe ymffrostiwn ni yn enw'r ARGLWYDD ein Duw.
8Y maent hwy'n crynu ac yn syrthio,
ond yr ydym ni'n codi ac yn sefyll i fyny.
9O ARGLWYDD, gwareda'r brenin;
ateb ni pan fyddwn yn galw.
Dewis Presennol:
Y Salmau 20: BCND
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
© Cymdeithas y Beibl 2004
© British and Foreign Bible Society 2004