Jon 12
12
Meri te wura i wokon Jisas
1Ren telapaleh tedi ba mwe gai taron kan leutan u Pasova. Jisas mwe sak Betane ut ah Lasaros te dok iginan. Lasaros niah Jisas te vamwesa bamula dini mete. 2Rat leli kan kan leutan iginan. Mata mwe apko kan leutan nong mapma, ba Lasaros te sadok dobo ben goah rat ti ne gan mini Jisas, ben bwelakain kan leutan. 3Meri mali wura, niah tei han ha nad, gel nan tei bwerakte, bi bunun tei tekabkabis. Mapma bi mabura i wokon Jisas ini, bi mwe sa bahka i ilin. Ut leval te wewe lip i bunun wura nong. 4Judas Iskariot niah tei datngin tarut non Jisas, niah tei tega wos i Jisas, bep nuhu, 5“U apma ba aji ah mogodori wura ahe? Bat ti nge ini matan goah bat beji aji songo ni nokon gel nan. Tigoah bat ti ini ba bat teli dola tewudelu va kajil nokon.” 6Tei te ket nge nuhu te vihni aji songo ni, ba tei ni aji nan lasan bi te ruju tangin no mane, bi bat beji bamula ni nokon gel nan ah bat tepma. 7Jisas bep mini nuhu, “Ko ba godoran ini! Nega leli ma tapmak. Nega leli ma bovani torah ran dipmi nana lelen. 8Aji songo ni ba ran di ras bemi, ba nana ba nan ba di ras tenga bemi.”
Rat leli hal noh rama hi Lasaros
9Hal kawu lengleng nan Jiusni ah rat rongo vepnan nuhu Jisas tedok Betane, bi ra ban iginan, rat ba van tenga nante u Jisas, ba ratmu van nuhu rama kita Lasaros niah Jisas te vamwesa bamula dini mete. 10Aji salean ni le valin God ram leli hal u goah ra bat tehi Lasaros. 11Tei u apma ah tekap vanokon Lasaros, ba Jiusni hal kawu lengleng rat ling gabarani salena bi ra bihni mwetaknga nan Jisas.
Jisas te van Jerusalem
12Temui le ren go ba tarutmumu niah rat tepma le kanleut nan Pasova ram rongo goah Jisas bat tepma Jerusalem. 13Ram apko run kulkul, bi run mwel bi raban gorogoro bi ram ngaa ra bep nuhu, “Tam haphawi God! God man bagabis i aji ah mapma le han Subu! God man bagabis i Subu nan at Isrel!” 14Jisas te wutdihi dongke bi mwesadok lin, tapmak go nge ah matpo le ululan at mwate niah te vep nuhu,
15“Gimi ah at Jerusalem ba kan bamtaji tean!
Nanong ba nomi Subu mapma bemi,
Mu hural mapma li malu dongke.”
16Non tarutni rat baililngi tenga ento nanong ba tei limalen entorah Jisas tedumre bamul dini mete vale meresan, ba ram ga vihni lenga mwetani goah ululan at mwate te doptop nokon, bi rat leli leut ni nanong va nokon.
17Tarutmumu niah rat ti ben Jisas, entorah te vamwesa Lasaros dini mete, rat van nembep rorop i apma ah tekap. 18Tei bujun nanong na goah tarutmumu rat tepma ben, gonani rat rongo vepnan ililnan rowok tegol ah te leli. 19Aji nan goah rat wuhu Temwat ra bep mini aji go nuhu, “Karu gita, nanong ba tatbam lelbwiri apma nga. Karu gita goah tarut sera naah li uruu ram dahkuru.”
Datngin tarut at Gris rat tongvi Jisas
20Datngin tarut at Gris rat sok masen goah rat sak Jerusalem nuhu ram dangro le taron kan leutan. 21Ram mapma ben Pilip bi ra bep mini nuhu, “Subu, kam doni nuhu kama kita Jisas.” Pilip nong ba tei ni aji at Betsaeda niah tei datngin vini ah Galili. 22Pilip ban bep mini Andru, bi nuru garu ramru ban nembep mini Jisas. 23Jisas balu ini mini bep nuhu, “To tepma nanong u goah God nemaskani meresan mini nana niah nambi Nujun Aji. 24Mwetaknga letlet nam bep mini gimi, birin kon man nei bwaleh rada tigoah man ba ditmian tenga, bi mat. Tigoah man mat bi miu ba wan manmuses ngate limalen. 25Aji ah man mwegololo i non masan ba man bade, ba aji ah mamko i non masan li uruu ba man buh rada i non i masan ban butdihi to taron masradaan. 26Aji ah modoni nuhu nema nok i uman leli man dok ut ah nan dok iginan. Bi Tadat man netpe aji ba nanong gonani mwe leli nok uman.”
Jisas te doptop nokon mete nan
27“Nanong ba rong nan nokok mamres pon le nok vihnian. Nama vep mwe gap nanong? Nan ba vep nga nuhu, ‘Tadat ko rarei nana dini torahe’? Nan ba vep nga gonani nat sipma nauru, nuhu nan ban salga le taron illan. 28Tadat, ko leli ba vihnimeres nan ham nedok.” Tei vil bwaleh ba dalekte mwi sipma mere le bini bep nuhu, “Vihni meres nan hak modok ba nan mu lel mwetani mini.”
29Tarutmumu ah rat rong dalekte nong, bi ra bep nuhu, “Muru mere tedapmak!” Ba datngin ra bep nuhu, “Enjil modoptop mini.” 30Jisas bep mini ni nuhu, “Tei tebaite ni nga u kabis nak na goah kat rongo dalekte nong ba tei u kabis nami. 31Nanong ba bi taron go nanong ah God nema veveik i ut li uruu. Bi taron goah God man bohni Setan niah sale nanut li uruu mwi sip tavan. 32Entorah ran dakrani nana mere ba nan rap sera tarutni nae mapma bek.” 33Entorah te vep tedapmak, ba te doptop nokon halan non mete ah bat mat ini. 34Tarutmumu ah rat ti ra bep bamula mini nuhu, “Noma Temwat ba bep nuhu Kraes man nepma niah man dok mulngan man bulong. Halan gavak nagoah ko bep nuhu Nujun Aji ba, man dakrakan mere? Nujun Aji nanong ah itan?” 35Jisas balu ini bep nuhu, “Hee man dok sosok masemi man ba dok tenga temrap. Karu dok le mamban hee metan goah wulmet man ba van lilwi gimi nga. Gonani aji ah modok le wulmet ba tebaililngi ut ah ban iginan. 36Karu vihni mwetaknga nan hee, entorah modok ngama bemi, metan goah kan uhan i tarut nan hee.”
Vihni mwetaknga an non Jiusni tebulong
Jisas te vep sera mini ni tedapmak nong bi ban mwatpo surak dini ni. 37Tei masen ah Jisas te leli ililnan rowok tegol ni nong dobo le birin meta, ba rat ba vihni te mwetaknga nan nga. 38Apma ah Aesea ajinan vepnan dalen God te vep ba bat rop bwiswis na nokon niah te vep nuhu,
“Subu, itan ah te vihni mwetaknga nan dalekte ah ka mat vep?
Tei itan ni ah Subu te sesra non rowok tegol?”
39Tei u go nanong ba ra bat ba vihni mwetaknga nan nga, gonani Aesea tei temu bep nuhu,
40“God te leli ba rat tei matbi,
Te koro katvin no vihnian,
Metan goah ra bat ba kita ut nga,
Bi no vihnian bat baililngite apma bwaleh nga.
Bi rat bapma tenga bek metan goah nam bat vamwesa ni.”
41Aesea tei te doptop tapmak ahe gonani te kita meresan non Jisas, bi nai te doptop nokon ini.
42Hal kawu lengleng nan salenan Jiusni rat vihni mwetaknga nan Jisas, ba rat ba dop tenga vaut temsa gonani rat temtani aji nan goah rat wuhu Temwat ni noh raba le gabarakte ni dini ut le valin no tangroan. 43Rat toni nuhu, tarut at li uruu ra bat geri ni, ba rat ba doni tenga nuhu God bat gerite ni.
Dalen Jisas ah man nesra tarutni
44Jisas mwe ngaa, bep nuhu, “Aji nan ah man bihni mwetaknga nak ba binhi mwetaknga nan aji ah te ah tesro nana. 45Aji nan ah mwe gita nana, ba te kita aji ah tesro nana. 46Nat sipma i hee vali ut li uruu, metan goah aji ah bihni mwetaknga nak ba mando le hee, man bamdok rada nga le wulmet. 47Aji ah mo rongo dalek bi tebambko nga lin ba man ba di tenga le nok sasaran u gonani nat bapma tenga li uruu nuhu nan lelte sasaran, ba nat tepma nuhu nama vamwesan ni. 48Aji ah man bihriani nana, bi man ba li dalek nga ba man di le sasaran. Dalekte naah niah nat vep mini gimi, niah man leli sasaran le nok nan ren! 49Mwetaknga u gonani nat ba dotop tenga nokok ba Tadat niah tesro nana telngi mini nana nuhu nam sipma ne doptop mini gimi. 50Nam maililngi nuhu dalek telingling non Tadat maskani masradaan. Bi apma ah nam bep mini gimi ba apma nananong ah Tadat teskani noh nan bep.”
Dewis Presennol:
Jon 12: APMA
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Published by the Bible Society of the South Pacific in 1977.
Jon 12
12
Meri te wura i wokon Jisas
1Ren telapaleh tedi ba mwe gai taron kan leutan u Pasova. Jisas mwe sak Betane ut ah Lasaros te dok iginan. Lasaros niah Jisas te vamwesa bamula dini mete. 2Rat leli kan kan leutan iginan. Mata mwe apko kan leutan nong mapma, ba Lasaros te sadok dobo ben goah rat ti ne gan mini Jisas, ben bwelakain kan leutan. 3Meri mali wura, niah tei han ha nad, gel nan tei bwerakte, bi bunun tei tekabkabis. Mapma bi mabura i wokon Jisas ini, bi mwe sa bahka i ilin. Ut leval te wewe lip i bunun wura nong. 4Judas Iskariot niah tei datngin tarut non Jisas, niah tei tega wos i Jisas, bep nuhu, 5“U apma ba aji ah mogodori wura ahe? Bat ti nge ini matan goah bat beji aji songo ni nokon gel nan. Tigoah bat ti ini ba bat teli dola tewudelu va kajil nokon.” 6Tei te ket nge nuhu te vihni aji songo ni, ba tei ni aji nan lasan bi te ruju tangin no mane, bi bat beji bamula ni nokon gel nan ah bat tepma. 7Jisas bep mini nuhu, “Ko ba godoran ini! Nega leli ma tapmak. Nega leli ma bovani torah ran dipmi nana lelen. 8Aji songo ni ba ran di ras bemi, ba nana ba nan ba di ras tenga bemi.”
Rat leli hal noh rama hi Lasaros
9Hal kawu lengleng nan Jiusni ah rat rongo vepnan nuhu Jisas tedok Betane, bi ra ban iginan, rat ba van tenga nante u Jisas, ba ratmu van nuhu rama kita Lasaros niah Jisas te vamwesa bamula dini mete. 10Aji salean ni le valin God ram leli hal u goah ra bat tehi Lasaros. 11Tei u apma ah tekap vanokon Lasaros, ba Jiusni hal kawu lengleng rat ling gabarani salena bi ra bihni mwetaknga nan Jisas.
Jisas te van Jerusalem
12Temui le ren go ba tarutmumu niah rat tepma le kanleut nan Pasova ram rongo goah Jisas bat tepma Jerusalem. 13Ram apko run kulkul, bi run mwel bi raban gorogoro bi ram ngaa ra bep nuhu, “Tam haphawi God! God man bagabis i aji ah mapma le han Subu! God man bagabis i Subu nan at Isrel!” 14Jisas te wutdihi dongke bi mwesadok lin, tapmak go nge ah matpo le ululan at mwate niah te vep nuhu,
15“Gimi ah at Jerusalem ba kan bamtaji tean!
Nanong ba nomi Subu mapma bemi,
Mu hural mapma li malu dongke.”
16Non tarutni rat baililngi tenga ento nanong ba tei limalen entorah Jisas tedumre bamul dini mete vale meresan, ba ram ga vihni lenga mwetani goah ululan at mwate te doptop nokon, bi rat leli leut ni nanong va nokon.
17Tarutmumu niah rat ti ben Jisas, entorah te vamwesa Lasaros dini mete, rat van nembep rorop i apma ah tekap. 18Tei bujun nanong na goah tarutmumu rat tepma ben, gonani rat rongo vepnan ililnan rowok tegol ah te leli. 19Aji nan goah rat wuhu Temwat ra bep mini aji go nuhu, “Karu gita, nanong ba tatbam lelbwiri apma nga. Karu gita goah tarut sera naah li uruu ram dahkuru.”
Datngin tarut at Gris rat tongvi Jisas
20Datngin tarut at Gris rat sok masen goah rat sak Jerusalem nuhu ram dangro le taron kan leutan. 21Ram mapma ben Pilip bi ra bep mini nuhu, “Subu, kam doni nuhu kama kita Jisas.” Pilip nong ba tei ni aji at Betsaeda niah tei datngin vini ah Galili. 22Pilip ban bep mini Andru, bi nuru garu ramru ban nembep mini Jisas. 23Jisas balu ini mini bep nuhu, “To tepma nanong u goah God nemaskani meresan mini nana niah nambi Nujun Aji. 24Mwetaknga letlet nam bep mini gimi, birin kon man nei bwaleh rada tigoah man ba ditmian tenga, bi mat. Tigoah man mat bi miu ba wan manmuses ngate limalen. 25Aji ah man mwegololo i non masan ba man bade, ba aji ah mamko i non masan li uruu ba man buh rada i non i masan ban butdihi to taron masradaan. 26Aji ah modoni nuhu nema nok i uman leli man dok ut ah nan dok iginan. Bi Tadat man netpe aji ba nanong gonani mwe leli nok uman.”
Jisas te doptop nokon mete nan
27“Nanong ba rong nan nokok mamres pon le nok vihnian. Nama vep mwe gap nanong? Nan ba vep nga nuhu, ‘Tadat ko rarei nana dini torahe’? Nan ba vep nga gonani nat sipma nauru, nuhu nan ban salga le taron illan. 28Tadat, ko leli ba vihnimeres nan ham nedok.” Tei vil bwaleh ba dalekte mwi sipma mere le bini bep nuhu, “Vihni meres nan hak modok ba nan mu lel mwetani mini.”
29Tarutmumu ah rat rong dalekte nong, bi ra bep nuhu, “Muru mere tedapmak!” Ba datngin ra bep nuhu, “Enjil modoptop mini.” 30Jisas bep mini ni nuhu, “Tei tebaite ni nga u kabis nak na goah kat rongo dalekte nong ba tei u kabis nami. 31Nanong ba bi taron go nanong ah God nema veveik i ut li uruu. Bi taron goah God man bohni Setan niah sale nanut li uruu mwi sip tavan. 32Entorah ran dakrani nana mere ba nan rap sera tarutni nae mapma bek.” 33Entorah te vep tedapmak, ba te doptop nokon halan non mete ah bat mat ini. 34Tarutmumu ah rat ti ra bep bamula mini nuhu, “Noma Temwat ba bep nuhu Kraes man nepma niah man dok mulngan man bulong. Halan gavak nagoah ko bep nuhu Nujun Aji ba, man dakrakan mere? Nujun Aji nanong ah itan?” 35Jisas balu ini bep nuhu, “Hee man dok sosok masemi man ba dok tenga temrap. Karu dok le mamban hee metan goah wulmet man ba van lilwi gimi nga. Gonani aji ah modok le wulmet ba tebaililngi ut ah ban iginan. 36Karu vihni mwetaknga nan hee, entorah modok ngama bemi, metan goah kan uhan i tarut nan hee.”
Vihni mwetaknga an non Jiusni tebulong
Jisas te vep sera mini ni tedapmak nong bi ban mwatpo surak dini ni. 37Tei masen ah Jisas te leli ililnan rowok tegol ni nong dobo le birin meta, ba rat ba vihni te mwetaknga nan nga. 38Apma ah Aesea ajinan vepnan dalen God te vep ba bat rop bwiswis na nokon niah te vep nuhu,
“Subu, itan ah te vihni mwetaknga nan dalekte ah ka mat vep?
Tei itan ni ah Subu te sesra non rowok tegol?”
39Tei u go nanong ba ra bat ba vihni mwetaknga nan nga, gonani Aesea tei temu bep nuhu,
40“God te leli ba rat tei matbi,
Te koro katvin no vihnian,
Metan goah ra bat ba kita ut nga,
Bi no vihnian bat baililngite apma bwaleh nga.
Bi rat bapma tenga bek metan goah nam bat vamwesa ni.”
41Aesea tei te doptop tapmak ahe gonani te kita meresan non Jisas, bi nai te doptop nokon ini.
42Hal kawu lengleng nan salenan Jiusni rat vihni mwetaknga nan Jisas, ba rat ba dop tenga vaut temsa gonani rat temtani aji nan goah rat wuhu Temwat ni noh raba le gabarakte ni dini ut le valin no tangroan. 43Rat toni nuhu, tarut at li uruu ra bat geri ni, ba rat ba doni tenga nuhu God bat gerite ni.
Dalen Jisas ah man nesra tarutni
44Jisas mwe ngaa, bep nuhu, “Aji nan ah man bihni mwetaknga nak ba binhi mwetaknga nan aji ah te ah tesro nana. 45Aji nan ah mwe gita nana, ba te kita aji ah tesro nana. 46Nat sipma i hee vali ut li uruu, metan goah aji ah bihni mwetaknga nak ba mando le hee, man bamdok rada nga le wulmet. 47Aji ah mo rongo dalek bi tebambko nga lin ba man ba di tenga le nok sasaran u gonani nat bapma tenga li uruu nuhu nan lelte sasaran, ba nat tepma nuhu nama vamwesan ni. 48Aji ah man bihriani nana, bi man ba li dalek nga ba man di le sasaran. Dalekte naah niah nat vep mini gimi, niah man leli sasaran le nok nan ren! 49Mwetaknga u gonani nat ba dotop tenga nokok ba Tadat niah tesro nana telngi mini nana nuhu nam sipma ne doptop mini gimi. 50Nam maililngi nuhu dalek telingling non Tadat maskani masradaan. Bi apma ah nam bep mini gimi ba apma nananong ah Tadat teskani noh nan bep.”
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Published by the Bible Society of the South Pacific in 1977.