Jon 13
13
Jisas telehvi wokon non tarutni
1Rennan kanleutnan Pasova tei tedi bwelwel. Jisas teililngi goah non to tei tepma sasari u goah batelngi ut li uruu bi mwesamul ben Teman. Te mwegololo ras i non tarutni niah ratti li uruu, tei temwegololo i ni bi telngi li mulngan.
2Jisas mini non tarutni raban nedi neganleut. Loah tei tevaim masi le bujun Judas niah tei nujun Saemon Iskariot nuhu bat wos i Jisas. 3Jisas teililngi goah Teman teskani moan rowok tegol mini, tei teililngi nuhu tesipma ben God bi man samul ben God. 4Jisas mudumre dini bwelakain kanleutan bi mogoro karuan bwelan baiang bi matlini taol nokon. 5Jisas tesalila sileng le dis bi bawo mwelehvi wokon non tarutni, bi mwesabahka i taol niah tetlini nokon. 6Tepma ben Saemon Pita ba Pita bep mini nuhu, “Kobep nuhu moma lehvi wokok, Subu?” 7Jisas bep mini nuhu, “Kot baililngi apma nga nanong ah namleli, ba kon gaililngi limalen.” 8Pita bep mini nuhu, “Tebu melmel kon baditenga nelehvite wokok.” Jisas balu ini bep nuhu, “Tigoah nan ba lehvite wokom nga ba kotbaite datngin nok tarut nga.” 9Saemon Pita balu ini bep nuhu, “Subu, kon ba lehvite wokok nga nante ba kon lehvi ngak mini bujuk tedapmak.” 10Jisas bep nuhu, “Aji ah telelehte watnende ba man bam leleh mwetak nga, ba man gam lehvi wokon nante gonani nokon mamjin tekabiste. Gimi sera kat kabis ba aji bwaleh nge rei gimi ah tekapma.” 11Jisas teililngi aji masi ah man wos ini, tei bujun nanong nagoah tevep nuhu, “Gimi sera kat kabis ba aji bwaleh nge rei gimi ah tekapma.”
12Tei limalen goah Jisas telehvi wokon non tarutni bi mogo bamula bwelan, bi mul mwesadok bamul li utnen. Muhleli i ni nuhu, “Kamaililngi apma i nat leli mini gimi nong? 13Kamahu nana i nomi Sesesrakan bi Subu, bi tewowos nagoah kabep tapmak gonani nana nanong. 14Nana nambi nomi Subu bi nomi Sesesrakan. Nat gamra lehvi sera wokomi nanong, bi gimi kan lehvi wokon aji go tedapmak. 15Nat leli sesranan mini gimi nuhu kan ban bi neleli tapmak goah nat leli mini gimi. 16Mwetaknga letlet nambep mini gimi, aji ah i atnan karih ba tebaite ni kawu nga sasviri non subu. Bi atnan kasoso ba tebaite kawu nga sasviri aji ah masro. 17Nanong ba kamaililngi vehuranni tenong, ba rongnan nokomi man gabis ngate tigoah kan leli umnan.
18“Nat ba doptop sera tenga nokomi, ba namaililngi goah nat kitulu ni. Ba man dapmak gonani ululan at mate man rop bwiswis niah tevep nuhu, ‘Aji ah tekani kak hinak ba mandi bukak i nana.’ 19Bi nambep bawora mini gimi metan goah tigoah mangam rop bwiswis ba kan vihni mwetaknga nak nuhu, ‘Nana ah Nana’. 20Mwetaknga letlet nambep mini gimi, Aji nan ah man lep gogo aji ah nan nesro, ba mwelep gogo nana. Bi aji nan ah mwelep gogo nana, ba mwelep gogo aji ah tesro nana.”
Jisas tevep seresere goah aji le non tarutni man wos ini
21Limalen goah Jisas tevep tedapmak, ba le non vihnian temrespon. Modop renren ini mini ni nuhu, “Mwetaknga letlet nambep mini gimi, aji bwaleh rei gimi man wos i nana.” 22Non tarutni ram gitkit lemtan aji go, noko tei telengleng tokol i aji ah tedoptop nokon. 23Aji le non tarutni, niah Jisas temwegololo ini tei tesadok maun Jisas. 24Saemon Pita mwigit lemtan aji nong, bi bep mini nuhu, “Kouhleli ini nuhu itan nanong ni modoptop nokon nong.” 25Aji nong murus vaben Jisas bi bep mini nuhu, “Nemai itan nanong, Subu?” 26Jisas balu ini bep nuhu, “Nan songi bered le dis bi namaskani mini aji nanong.” Jisas mosongi bered le dis bi maskani mini Judas, niah tei nujun Saemon Iskariot. 27Tei vilbwaleh limalen goah Judas teli bered bi Setan bwewelip le bujun. Jisas bep mini nuhu, “Kovan navil nong bi kom leli apma ah kobat leli.” 28Ni sera ah ratti dalji ben bwelakain kanleutan ba rat leklegini apma ah Jisas tevep mini Judas. 29Tei u goah Judas tesale i tangin no mane, ba datngin non tarutni rat gam bihni nuhu Jisas tesro nuhu nema van negelte maun kahinak u kanleutan. Io rat gam bihni nuhu ba vante neskakte apma mini aji songoni. 30Judas teli bered bi mamlu bi ban. Tei utebung masi.
Dalek telingling teraba
31Limalen goah Judas tevan, bi Jisas bep nuhu, “Nanong ba nana niah nambi Nujun Aji ba namali meresan. Bi God mwesesra non meresan li nana. 32Bi tigoah meresan non God maneskak mini nana ba manmui God ma niah maneskani non meresan mini nana niah nambi Nujun Aji. Bi man leli nge vil. 33Nujukni nan bamdi nga bemi i viuk, kan dongvi nana, ba nambep apma nge mini gimi niah natvep mini Jiusni niah natvep nuhu, ‘Kan ba van nga ut ah namban ignan.’ 34Dalek telingling teraba namaskani mini gimi. Naah karu mwegololo i aji go. Tapmak goah nat mwegololo i gimi. Bi gimi kan mwegololo i aji go tedapmak. 35Tigoah nomi mwegololoan mandok u aji go, ba aji seranae raneililngi nuhu kabi nok tarut.”
Jisas tevep seresere goah Pita man get nuhu tebaililngi nga
36Saemon Pita muhleli ini nuhu, “Koban ibeh, Subu?” Ba Jisas balu ini bep nuhu, “Kon bapma nga ut ah namban iginan nanong, ba mangai limalen ba komga dahkuru nana.” 37Pita bep nuhu, “Subu, u apma ba nanba dahkuru kik nga nanong, namamko i nok masan u goah nanmat u kik?” 38Jisas bep mini nuhu, “Kobep mwetaknga nuhu ko mamko i nom masan u goah kon mat u nana? Mwetaknga letlet nambep mini kik, bawo ba matete mwega datere, ba kon bep masi vakajil nuhu kot baililngi nana nga.”
Dewis Presennol:
Jon 13: APMA
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Published by the Bible Society of the South Pacific in 1977.
Jon 13
13
Jisas telehvi wokon non tarutni
1Rennan kanleutnan Pasova tei tedi bwelwel. Jisas teililngi goah non to tei tepma sasari u goah batelngi ut li uruu bi mwesamul ben Teman. Te mwegololo ras i non tarutni niah ratti li uruu, tei temwegololo i ni bi telngi li mulngan.
2Jisas mini non tarutni raban nedi neganleut. Loah tei tevaim masi le bujun Judas niah tei nujun Saemon Iskariot nuhu bat wos i Jisas. 3Jisas teililngi goah Teman teskani moan rowok tegol mini, tei teililngi nuhu tesipma ben God bi man samul ben God. 4Jisas mudumre dini bwelakain kanleutan bi mogoro karuan bwelan baiang bi matlini taol nokon. 5Jisas tesalila sileng le dis bi bawo mwelehvi wokon non tarutni, bi mwesabahka i taol niah tetlini nokon. 6Tepma ben Saemon Pita ba Pita bep mini nuhu, “Kobep nuhu moma lehvi wokok, Subu?” 7Jisas bep mini nuhu, “Kot baililngi apma nga nanong ah namleli, ba kon gaililngi limalen.” 8Pita bep mini nuhu, “Tebu melmel kon baditenga nelehvite wokok.” Jisas balu ini bep nuhu, “Tigoah nan ba lehvite wokom nga ba kotbaite datngin nok tarut nga.” 9Saemon Pita balu ini bep nuhu, “Subu, kon ba lehvite wokok nga nante ba kon lehvi ngak mini bujuk tedapmak.” 10Jisas bep nuhu, “Aji ah telelehte watnende ba man bam leleh mwetak nga, ba man gam lehvi wokon nante gonani nokon mamjin tekabiste. Gimi sera kat kabis ba aji bwaleh nge rei gimi ah tekapma.” 11Jisas teililngi aji masi ah man wos ini, tei bujun nanong nagoah tevep nuhu, “Gimi sera kat kabis ba aji bwaleh nge rei gimi ah tekapma.”
12Tei limalen goah Jisas telehvi wokon non tarutni bi mogo bamula bwelan, bi mul mwesadok bamul li utnen. Muhleli i ni nuhu, “Kamaililngi apma i nat leli mini gimi nong? 13Kamahu nana i nomi Sesesrakan bi Subu, bi tewowos nagoah kabep tapmak gonani nana nanong. 14Nana nambi nomi Subu bi nomi Sesesrakan. Nat gamra lehvi sera wokomi nanong, bi gimi kan lehvi wokon aji go tedapmak. 15Nat leli sesranan mini gimi nuhu kan ban bi neleli tapmak goah nat leli mini gimi. 16Mwetaknga letlet nambep mini gimi, aji ah i atnan karih ba tebaite ni kawu nga sasviri non subu. Bi atnan kasoso ba tebaite kawu nga sasviri aji ah masro. 17Nanong ba kamaililngi vehuranni tenong, ba rongnan nokomi man gabis ngate tigoah kan leli umnan.
18“Nat ba doptop sera tenga nokomi, ba namaililngi goah nat kitulu ni. Ba man dapmak gonani ululan at mate man rop bwiswis niah tevep nuhu, ‘Aji ah tekani kak hinak ba mandi bukak i nana.’ 19Bi nambep bawora mini gimi metan goah tigoah mangam rop bwiswis ba kan vihni mwetaknga nak nuhu, ‘Nana ah Nana’. 20Mwetaknga letlet nambep mini gimi, Aji nan ah man lep gogo aji ah nan nesro, ba mwelep gogo nana. Bi aji nan ah mwelep gogo nana, ba mwelep gogo aji ah tesro nana.”
Jisas tevep seresere goah aji le non tarutni man wos ini
21Limalen goah Jisas tevep tedapmak, ba le non vihnian temrespon. Modop renren ini mini ni nuhu, “Mwetaknga letlet nambep mini gimi, aji bwaleh rei gimi man wos i nana.” 22Non tarutni ram gitkit lemtan aji go, noko tei telengleng tokol i aji ah tedoptop nokon. 23Aji le non tarutni, niah Jisas temwegololo ini tei tesadok maun Jisas. 24Saemon Pita mwigit lemtan aji nong, bi bep mini nuhu, “Kouhleli ini nuhu itan nanong ni modoptop nokon nong.” 25Aji nong murus vaben Jisas bi bep mini nuhu, “Nemai itan nanong, Subu?” 26Jisas balu ini bep nuhu, “Nan songi bered le dis bi namaskani mini aji nanong.” Jisas mosongi bered le dis bi maskani mini Judas, niah tei nujun Saemon Iskariot. 27Tei vilbwaleh limalen goah Judas teli bered bi Setan bwewelip le bujun. Jisas bep mini nuhu, “Kovan navil nong bi kom leli apma ah kobat leli.” 28Ni sera ah ratti dalji ben bwelakain kanleutan ba rat leklegini apma ah Jisas tevep mini Judas. 29Tei u goah Judas tesale i tangin no mane, ba datngin non tarutni rat gam bihni nuhu Jisas tesro nuhu nema van negelte maun kahinak u kanleutan. Io rat gam bihni nuhu ba vante neskakte apma mini aji songoni. 30Judas teli bered bi mamlu bi ban. Tei utebung masi.
Dalek telingling teraba
31Limalen goah Judas tevan, bi Jisas bep nuhu, “Nanong ba nana niah nambi Nujun Aji ba namali meresan. Bi God mwesesra non meresan li nana. 32Bi tigoah meresan non God maneskak mini nana ba manmui God ma niah maneskani non meresan mini nana niah nambi Nujun Aji. Bi man leli nge vil. 33Nujukni nan bamdi nga bemi i viuk, kan dongvi nana, ba nambep apma nge mini gimi niah natvep mini Jiusni niah natvep nuhu, ‘Kan ba van nga ut ah namban ignan.’ 34Dalek telingling teraba namaskani mini gimi. Naah karu mwegololo i aji go. Tapmak goah nat mwegololo i gimi. Bi gimi kan mwegololo i aji go tedapmak. 35Tigoah nomi mwegololoan mandok u aji go, ba aji seranae raneililngi nuhu kabi nok tarut.”
Jisas tevep seresere goah Pita man get nuhu tebaililngi nga
36Saemon Pita muhleli ini nuhu, “Koban ibeh, Subu?” Ba Jisas balu ini bep nuhu, “Kon bapma nga ut ah namban iginan nanong, ba mangai limalen ba komga dahkuru nana.” 37Pita bep nuhu, “Subu, u apma ba nanba dahkuru kik nga nanong, namamko i nok masan u goah nanmat u kik?” 38Jisas bep mini nuhu, “Kobep mwetaknga nuhu ko mamko i nom masan u goah kon mat u nana? Mwetaknga letlet nambep mini kik, bawo ba matete mwega datere, ba kon bep masi vakajil nuhu kot baililngi nana nga.”
Dewis Presennol:
:
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Published by the Bible Society of the South Pacific in 1977.