Ageun 1
1
1 #
Yok 1:1,3; Bur 1:10; Yob 38:4; Isa 44:24; Rom 1:20; Kol 1:16; Bur 11:3; Apu 4:11. Kotoma ageunet abu Edeke kosub akuj ka akwap. 2#Yer 4:23; Isa 40:12. Ido ajai akwap atai, komam etiakak; kojai amuton kokuju kaidules; kintkum emoyo loka Edeke kuju akipi.
3 #
2 Kor 4:6; Sab 33:9. Kobala Edeke ebe, “Kojau aica”; kosodi aica ajaun. 4Koany Edeke aica ebe ejokuna; kotiak Edeke aica ka amuton. 5#Sab 74:16. Komaik Edeke aica Apaaran, ka amuton da komaik Akuar. Kojau atiboŋ kojau da atupuruc, ŋin ŋes apaaran nasodit.
6 #
Yob 37:18; Sab 33:6; 136:5; Yer 10:12; 2 Pet 3:5. Kobala Edeke ebe, “Kojau apak kidiŋ kakipi, kotiakite akipi ka akipi.” 7Kosub Edeke apak, kotiak akipi nuajaas kwap kapak, ka akipi nuajaas kuju kapak: kojau kwaŋin. 8Komaik Edeke apak Akuj. Kojau atiboŋ kojau da atupuruc, ŋin ŋes apaaran nakiareit.
9 #
Yob 26:10; 38:8; Sab 33:7; 95:5. Kobala Edeke ebe, “Kotukonokinos akip nuejaas kwap kakuj aibois adiopet, kotakan neconit.” Kojau kwaŋin. 10Komaik Edeke neconit Akwap: ka atukon nuka akipi da komaik Aŋololin: koany Edeke ebe ejokuka. 11#Bur 6:7; Luk 6:44. Kobala Edeke ebe, “Kobwaŋ akwap anya, koraata ikui icok, kora ekitoi loka araito araito koponeke, nuejaas icokokec, kotoma akwap.” Kojaas kwaŋin. 12Kobwaŋ akwap anya, koraata ikui icok koponekec, ka ekitoi da loerai araito nuejaas icokokec, kotoma oponeke. Koany Edeke ebe ejokuka. 13Kojau atiboŋ kojau da atupuruc, ŋin ŋes apaaran nakiwuniet.
14 #
Ikis 4:19; Yob 25:3,5; Sab 74:16; 136:7. Kobala Edeke ebe, “Kojaut luecaete kapak naka akuj aitiak apaaran ka akuar: koraut kesi aanyuneta, kanuka apakio, ido kanuka apaarasia, ka ikar: 15Kojaas kesi kanuka aica toma apak naka akuj, acaanakin akwap.” Kojau kwaŋin. 16Kosub Edeke luecaete iarei luepolok; aica naepol adepar ayait apaaran, ka aica naepol ayait akuar; kosub aacer da. 17#Sab 8:1. Kibwaik Edeke kes apak naka akuj acaanakin akwap, 18ayait da apaaran ka akuar, ido aitiak aica ka amuton: koany Edeke ebe ejokuka. 19Kojau atiboŋ kojau da atupuruc, ŋin ŋes apaaran nakiwoŋonet.
20 #
Sab 104:24. Kobala Edeke ebe, “Kilweka akip lueliatos luipu luejaas aijar, ido koporitos akweny kokuju kakwap toma apak naka akuj.” 21Kosub Edeke itiaŋ lueiliilete luka aŋololin, ka iboro kere lukajarak luelosete, lukilwekete akip, koponesiokec, ka ŋinibore kere yeneporitoi yeneja abebenoka koponeke; koany Edeke ebe ejokuka. 22Kisirereŋ Edeke kes, kotema atiar, “Kouriaros, kipuaros, kilelebunos akipi nuejaas toma aŋololin, kipuaros da lueporitos kakwap.” 23Kojau atiboŋ kojau da atupuruc, ŋin ŋes apaaran nakikanyet.
24 #
Sab 104:18-23. Kobala Edeke ebe, “Kilwek akwap ŋinibore yenejai aijar kotoma oponeke, ibaren, ka yeneliat, ka etiaŋ loka akwap koponeke.” Kojau kwaŋin. 25Kosub Edeke etiaŋ loka akwap koponeke, ka ibaren koponekec, ka ŋinibore yeneliat kakwap koponeke: koany Edeke ebe ejokuka.
26 #
Sab 100:3; Pes 4:24; Yak 3:9; Sab 8:6. Kobala Edeke ebe, “Kasubutu ituŋanan kotoma aputowok, asimawok: kainakis kes ayait lukecor, ka akweny nuka apak, ka ibaren, ka akwap kere, ka ŋinibore kere yeneliat kakwap.” 27#1 Kor 11:7; Pes 4:24; Kol 3:10; Mal 2:15; Mat 19:4; Mk 10:6; Age 5:1-2. Kosub Edeke ituŋanan kaputoke, kaputo naka Edeke ŋes asubunia; kosub kes yenikiliokit ka yeniberu. 28#Sab 127:3; 1 Tim 4:3; Age 9:1,7; Leb 26:9; Sab 128:3,4. Kisirereŋ Edeke kes: kotema Edeke kes atiar, “Kouriaros kipuaros, kilelebunos akwap, kiruma; koyaitos lukecor, ka akweny nuka apak, ka ŋinibore kere yenejari yeneliat kakwap.” 29#Yob 36:31; Sab 104:14,15; 136:25; 146:7; Asw 14:17. Kobala Edeke ebe, “Koany, kainakis ikui kere lueraete icok luejaas akwap kere, ka ŋolikitoi loejaas araito nuka ekitoi loerai icok, araun inyamat kamakus: 30#Sab 145:15,16; 147:9; Yob 38:41. Ka ŋolitiaŋ kere loka akwap, ka akweny kere nuka apak, ka yeneliat kere kotoma akwap yenejai apuru naka aijar, ainakinit kes ikui kere luelibete araun inyamat.” Kojau kwaŋin. 31#Sab 104:24; 1 Tim 4:4. Koany Edeke ninibore kere yenikesubi, ido koany, ejokuna noi. Koiau atiboŋ kojau da atupurue, ŋin ŋes apaaran nakikanyetekape.
Dewis Presennol:
Ageun 1: AOV1961
Uwcholeuo
Rhanna
Copi
Eisiau i'th uchafbwyntiau gael eu cadw ar draws dy holl ddyfeisiau? Cofrestra neu mewngofnoda
Ateso Old Version Bible © United Bible Societies, 1961.