Iesu: Baner ein BuddugoliaethSampl

Buddugoliaeth dros Gywilydd

mae'r gelyn wrth ei fodd yn siarad. Mae Gair Duw yn dweud fod Satan yn prowlan o gwmpas fel ryw lew yn rhuo yn chwilio am rhywun i'w difa. Yn Datguddiad mae e'n cael ei gyfeirio ato fel ein cyhuddwr, ei fod yn ein cyhuddo, o flaen Duw, ddydd a nos. Mae Satan yn gyfrwys, ac mae'n gwybod mai un o'r ffyrdd gorau i ladd, dwyn, a dinistrio'r potensial gawsom gan Dduw, yw creu amheuaeth o gwmpas ein pechod, sy'n ein cadw mewn amheuaeth parhaol o fod yn annheilwng. Mae e eisiau i ni fyw mewn cywilydd.

I chi gael deall, mae euogrwydd am yr hyn dŷn ni wedi'i wneud, ond mae cywilydd am pwy yden ni. Mae llawer ohonom yn derbyn fod Duw yn maddau i ni am yr hyn dŷn ni wedi'i wneud ond dŷn ni dal i adael y gelyn ein cyhuddo a'n llethu gyda celwyddau am pwy yden ni o ran greddf. Mae'r celwyddau hyn yn ein parlysu oddi wrth cofleidio a gweithredu ar bwrpas Duw yn ein bywydau. Dŷn ni'n cael ein galw i ddefnyddio'r rhoddion a doniau mae Duw wedi'u rhoi i ni, i wneud gwahaniaeth yn y byd, ond os na fyddwn yn torri'n rhydd o gywilydd ac annheilyngdod, fyddwn i fyth yn gallu cyflawni'n llawn yr hyn fwriadodd Duw i ni ei wneud.

Pan gafodd ein pechod ei gyfnewid am ei gyfiawnder ar y groes, fe'n crewyd o'r newydd. Does dim cysylltiad rhwng pwy oedden ni i pwy yden ni nawr. Plant Duw ydyn ni, wedi ein maddau'n gyfan gwbl, wedi ein gorchuddio gan ras, wedi ein hawdurdodi i wneud gwaith da er gogoniant iddo. Dylai hyn, a dim mwy, ffurfio ein hunaniaeth. Celwydd yw llais cywilydd sy'n gwrth-ddweud y gwirionedd.

Drwy wythnos y Pasg, cofia beth mae Duw yn ddweud amdanat, ei blentyn, a chaethiwa unrhyw feddyliau sydd ddim yn uniaethu â'i Air. Daeth Iesu er mwyn i ni gael byw bywyd i'w lawnder. Tafla i ffwrdd gywilydd, a dos ar ôl dy bwrpas ddwyfol!