Beibl Cymraeg Newydd Testament Newydd Audio 2010

Y Llais - Y Beibl Cymraeg Newydd Testament Newydd 2010

<div class="version vid394 iso6393cym" data-vid="394" data-iso6393="cym">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">Dysgeidiaeth ar Elusennau</div><div class="m"> 1&#8220;Cymerwch ofal i beidio &#226; chyflawni eich dyletswyddau crefyddol o flaen eraill, er mwyn cael eich gweld ganddynt; os gwnewch, nid oes gwobr i chwi gan eich Tad, yr hwn sydd yn y nefoedd.</div><div class="p"> 2&#8220;Felly, pan fyddi'n rhoi elusen, paid &#226; chanu utgorn o'th flaen, fel y mae'r rhagrithwyr yn gwneud yn y synagogau ac yn yr heolydd, er mwyn cael eu canmol gan eraill. Yn wir, rwy'n dweud wrthych, y mae eu gwobr ganddynt eisoes. 3Ond pan fyddi di'n rhoi elusen, paid &#226; gadael i'th law chwith wybod beth y mae dy law dde yn ei wneud. 4Felly bydd dy elusen di yn y dirgel, a bydd dy Dad, sydd yn gweld yn y dirgel, yn dy wobrwyo.</div><div class="s">Dysgeidiaeth ar Weddi</div><div class="r"> Lc. 11:2&#8211;4</div><div class="m"> 5&#8220;A phan fyddwch yn gwedd&#239;o, peidiwch &#226; bod fel y rhagrithwyr; oherwydd y maent hwy'n hoffi gwedd&#239;o ar eu sefyll yn y synagogau ac ar gonglau'r heolydd, er mwyn cael eu gweld gan eraill. Yn wir, rwy'n dweud wrthych, y mae eu gwobr ganddynt eisoes. 6Ond pan fyddi di'n gwedd&#239;o, dos i mewn i'th ystafell, ac wedi cau dy ddrws gwedd&#239;a ar dy Dad sydd yn y dirgel, a bydd dy Dad sydd yn gweld yn y dirgel yn dy wobrwyo. 7Ac wrth wedd&#239;o, peidiwch &#226; phentyrru geiriau fel y mae'r Cenhedloedd yn gwneud; y maent hwy'n tybied y c&#226;nt eu gwrando am eu haml eiriau. 8Peidiwch felly &#226; bod yn debyg iddynt hwy, oherwydd y mae eich Tad yn gwybod cyn i chwi ofyn iddo beth yw eich anghenion. 9Felly, gwedd&#239;wch chwi fel hyn:</div><div class="b"></div><div class="q">&#8220; &#8216;Ein Tad yn y nefoedd,</div><div class="q">sancteiddier dy enw;</div><div class="q"> 10deled dy deyrnas;</div><div class="q">gwneler dy ewyllys,</div><div class="q">ar y ddaear fel yn y nef.</div><div class="q"> 11Dyro inni heddiw ein bara beunyddiol#6:11 Neu, ein bara at yfory. Neu, y bara sy'n ein cynnal.;</div><div class="q"> 12a maddau inni ein troseddau#6:12 Groeg, dyledion.,</div><div class="q">fel yr &#375;m ni wedi maddau i'r rhai a droseddodd yn ein herbyn;</div><div class="q"> 13a phaid &#226;'n dwyn i brawf,</div><div class="q">ond gwared ni rhag yr Un drwg#6:13 Neu, rhag y drwg..#6:13 Yn &#244;l darlleniad arall ychwanegir Oherwydd eiddot ti yw'r deyrnas a'r gallu a'r gogoniant am byth. Amen.&#8217;</div><div class="b"></div><div class="m"> 14&#8220;Oherwydd os maddeuwch i eraill eu camweddau, bydd eich Tad nefol hefyd yn maddau i chwi. 15Ond os na faddeuwch i eraill eu camweddau, ni fydd eich Tad chwaith yn maddau eich camweddau chwi.</div><div class="s">Dysgeidiaeth ar Ymprydio</div><div class="m"> 16&#8220;A phan fyddwch yn ymprydio, peidiwch &#226; bod yn wynepdrist fel y rhagrithwyr; y maent hwy'n anffurfio eu hwynebau er mwyn i eraill gael gweld eu bod yn ymprydio. Yn wir, rwy'n dweud wrthych, y mae eu gwobr ganddynt eisoes. 17Ond pan fyddi di'n ymprydio, eneinia dy ben a golch dy wyneb, 18fel nad pobl a gaiff weld dy fod yn ymprydio, ond yn hytrach dy Dad sydd yn y dirgel; a bydd dy Dad, sydd yn gweld yn y dirgel, yn dy wobrwyo.</div><div class="s">Trysor yn y Nef</div><div class="r"> Lc. 12:33&#8211;34</div><div class="m"> 19&#8220;Peidiwch &#226; chasglu ichwi drysorau ar y ddaear, lle mae gwyfyn a rhwd yn difa, a lle mae lladron yn torri trwodd ac yn lladrata. 20Casglwch ichwi drysorau yn y nef, lle nad yw gwyfyn na rhwd yn difa, a lle nad yw lladron yn torri trwodd nac yn lladrata. 21Oherwydd lle mae dy drysor, yno hefyd y bydd dy galon.</div><div class="s">Goleuni'r Corff</div><div class="r"> Lc. 11:34&#8211;36</div><div class="m"> 22&#8220;Y llygad yw cannwyll y corff; felly os bydd dy lygad yn hael#6:22 Yn llythrennol, sengl., bydd dy gorff yn llawn goleuni. 23Ond os bydd dy lygad yn drachwantus, bydd dy gorff yn llawn tywyllwch. Ac os yw'r goleuni sydd ynot yn dywyllwch, mor fawr yw'r tywyllwch!</div><div class="s">Duw a Mamon</div><div class="r"> Lc. 16:13</div><div class="m"> 24&#8220;Ni all neb wasanaethu dau feistr; oherwydd bydd un ai'n cas&#225;u'r naill ac yn caru'r llall, neu'n deyrngar i'r naill ac yn dirmygu'r llall. Ni allwch wasanaethu Duw a Mamon#6:24 Neu, Arian..</div><div class="s">Gofal a Phryder</div><div class="r"> Lc. 12:22&#8211;34</div><div class="m"> 25&#8220;Am hynny rwy'n dweud wrthych, peidiwch &#226; phryderu am eich bywyd, beth i'w fwyta na'i yfed, nac am eich corff, beth i'w wisgo; onid oes mwy i fywyd rhywun na bwyd, a mwy i'w gorff na dillad? 26Edrychwch ar adar yr awyr: nid ydynt yn hau nac yn medi nac yn casglu i ysguboriau, ac eto y mae eich Tad nefol yn eu bwydo. Onid ydych chwi yn llawer mwy gwerthfawr na hwy? 27P'run ohonoch a all ychwanegu un funud at ei oes#6:27 Neu, y maint lleiaf at ei daldra. trwy bryderu? 28A pham yr ydych yn pryderu am ddillad? Ystyriwch lili'r maes, pa fodd y maent yn tyfu; nid ydynt yn llafurio nac yn nyddu. 29Ond rwy'n dweud wrthych, nid oedd gan hyd yn oed Solomon yn ei holl ogoniant wisg i'w chymharu ag un o'r rhain. 30Os yw Duw yn dilladu felly laswellt y maes, sydd yno heddiw ac yfory yn cael ei daflu i'r ffwrn, onid llawer mwy y dillada chwi, chwi o ychydig ffydd? 31Peidiwch felly &#226; phryderu a dweud, &#8216;Beth yr ydym i'w fwyta?&#8217; neu &#8216;Beth yr ydym i'w yfed?&#8217; neu &#8216;Beth yr ydym i'w wisgo?&#8217; 32Dyna'r holl bethau y mae'r Cenhedloedd yn eu ceisio; y mae eich Tad nefol yn gwybod fod arnoch angen y rhain i gyd. 33Ond ceisiwch yn gyntaf deyrnas Dduw a'i gyfiawnder ef, a rhoir y pethau hyn i gyd yn ychwaneg i chwi. 34Peidiwch felly &#226; phryderu am yfory, oherwydd bydd gan yfory ei bryder ei hun. Digon i'r diwrnod ei drafferth ei hun.</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bkLUK">
 <div class="chapter ch6" data-usfm="LUK.6">
 <div class="label">6</div><div class="s">Tynnu Tywysennau ar y Saboth</div><div class="r"> Mth. 12:1&#8211;8; Mc. 2:23&#8211;28</div><div class="m"> 1Un Saboth yr oedd yn mynd trwy gaeau &#375;d, ac yr oedd ei ddisgyblion yn tynnu tywysennau ac yn eu bwyta, gan eu rhwbio yn eu dwylo. 2Ond dywedodd rhai o'r Phariseaid, &#8220;Pam yr ydych yn gwneud peth sy'n groes i'r Gyfraith ar y Saboth?&#8221; 3Atebodd Iesu hwy, &#8220;Onid ydych wedi darllen am y peth hwnnw a wnaeth Dafydd pan oedd eisiau bwyd arno ef a'r rhai oedd gydag ef? 4Sut yr aeth i mewn i d&#375; Dduw a chymryd y torthau cysegredig a'u bwyta a'u rhoi i'r rhai oedd gydag ef, torthau nad yw'n gyfreithlon i neb eu bwyta ond yr offeiriaid yn unig?&#8221; 5Ac meddai wrthynt, &#8220;Y mae Mab y Dyn yn arglwydd ar y Saboth.&#8221;</div><div class="s">Y Dyn &#226;'r Llaw Ddiffrwyth</div><div class="r"> Mth. 12:9&#8211;14; Mc. 3:1&#8211;6</div><div class="m"> 6Ar Saboth arall aeth i mewn i'r synagog a dysgu. Yr oedd yno ddyn &#226;'i law dde yn ddiffrwyth. 7Yr oedd yr ysgrifenyddion a'r Phariseaid &#226;'u llygaid arno i weld a fyddai'n iach&#225;u ar y Saboth, er mwyn cael hyd i gyhuddiad yn ei erbyn. 8Ond yr oedd ef yn deall eu meddyliau, ac meddai wrth y dyn &#226;'r llaw ddiffrwyth, &#8220;Cod a saf yn y canol&#8221;; a chododd yntau ar ei draed. 9Meddai Iesu wrthynt, &#8220;Yr wyf yn gofyn i chwi, a yw'n gyfreithlon gwneud da ar y Saboth, ynteu gwneud drwg, achub bywyd, ynteu ei ddifetha?&#8221; 10Yna edrychodd o gwmpas arnynt oll a dweud wrth y dyn, &#8220;Estyn dy law.&#8221; Estynnodd yntau hi, a gwnaed ei law yn iach. 11Ond llanwyd hwy &#226; gorffwylledd, a dechreusant drafod &#226;'i gilydd beth i'w wneud i Iesu.</div><div class="s">Dewis y Deuddeg</div><div class="r"> Mth. 10:1&#8211;4; Mc. 3:13&#8211;19</div><div class="m"> 12Un o'r dyddiau hynny aeth allan i'r mynydd i wedd&#239;o, a bu ar hyd y nos yn gwedd&#239;o ar Dduw. 13Pan ddaeth hi'n ddydd galwodd ei ddisgyblion ato. Dewisodd o'u plith ddeuddeg, a rhoi'r enw apostolion iddynt: 14Simon, a enwodd hefyd yn Pedr; Andreas ei frawd; Iago, Ioan, Philip a Bartholomeus; 15Mathew, Thomas, Iago fab Alffeus, a Simon, a elwid y Selot; 16Jwdas fab Iago, a Jwdas Iscariot, a droes yn fradwr.</div><div class="s">Gweinidogaethu i Dyrfa Fawr</div><div class="r"> Mth. 4:23&#8211;25</div><div class="m"> 17Aeth i lawr gyda hwy a sefyll ar dir gwastad, gyda thyrfa fawr o'i ddisgyblion, a llu niferus o bobl o Jwdea gyfan a Jerwsalem ac o arfordir Tyrus a Sidon, a oedd wedi dod i wrando arno ac i'w hiach&#225;u o'u clefydau; 18yr oedd y rhai a flinid gan ysbrydion aflan hefyd yn cael eu gwella. 19Ac yr oedd yr holl dyrfa'n ceisio cyffwrdd ag ef, oherwydd yr oedd nerth yn mynd allan ohono ac yn iach&#225;u pawb.</div><div class="s">Gwynfydau a Gwaeau</div><div class="r"> Mth. 5:1&#8211;12</div><div class="m"> 20Yna cododd ef ei lygaid ar ei ddisgyblion a dweud:</div><div class="b"></div><div class="q">&#8220;Gwyn eich byd chwi'r tlodion,</div><div class="q">oherwydd eiddoch chwi yw teyrnas Dduw.</div><div class="q"> 21Gwyn eich byd chwi sydd yn awr yn newynog,</div><div class="q">oherwydd cewch eich digoni.</div><div class="q">Gwyn eich byd chwi sydd yn awr yn wylo,</div><div class="q">oherwydd cewch chwerthin.</div><div class="b"></div><div class="m"> 22&#8220;Gwyn eich byd pan fydd pobl yn eich cas&#225;u, yn eich ysgymuno a'ch gwaradwyddo, ac yn dirmygu eich enw fel peth drwg, o achos Mab y Dyn. 23Byddwch lawen y dydd hwnnw a llamwch o orfoledd, oherwydd, ystyriwch, y mae eich gwobr yn fawr yn y nef. Oherwydd felly'n union y gwnaeth eu hynafiaid i'r proffwydi.</div><div class="b"></div><div class="q"> 24&#8220;Ond gwae chwi'r cyfoethogion,</div><div class="q">oherwydd yr ydych wedi cael eich diddanwch.</div><div class="q"> 25Gwae chwi sydd yn awr wedi eich llenwi,</div><div class="q">oherwydd daw arnoch newyn.</div><div class="q">Gwae chwi sydd yn awr yn chwerthin,</div><div class="q">oherwydd cewch ofid a dagrau.</div><div class="b"></div><div class="m"> 26&#8220;Gwae chwi pan fydd pawb yn eich canmol, oherwydd felly'n union y gwnaeth eu hynafiaid i'r gau broffwydi.</div><div class="s">Caru Gelynion</div><div class="r"> Mth. 5:38&#8211;48; 7:12a</div><div class="m"> 27&#8220;Ond wrthych chwi sy'n gwrando rwy'n dweud: carwch eich gelynion, gwnewch ddaioni i'r rhai sy'n eich cas&#225;u, 28bendithiwch y rhai sy'n eich melltithio, gwedd&#239;wch dros y rhai sy'n eich cam-drin. 29Pan fydd rhywun yn dy daro di ar dy foch, cynigia'r llall iddo hefyd; pan fydd un yn cymryd dy fantell, paid &#226;'i rwystro rhag cymryd dy grys hefyd. 30Rho i bawb sy'n gofyn gennyt, ac os bydd rhywun yn cymryd dy eiddo, paid &#226; gofyn amdano'n &#244;l. 31Fel y dymunwch i eraill wneud i chwi, gwnewch chwithau yr un fath iddynt hwy. 32Os ydych yn caru'r rhai sy'n eich caru chwi, pa ddiolch fydd i chwi? Y mae hyd yn oed y pechaduriaid yn caru'r rhai sy'n eu caru hwy. 33Ac os gwnewch ddaioni i'r rhai sy'n gwneud daioni i chwi, pa ddiolch fydd i chwi? Y mae hyd yn oed y pechaduriaid yn gwneud cymaint &#226; hynny. 34Os rhowch fenthyg i'r rhai yr ydych yn disgwyl derbyn ganddynt, pa ddiolch fydd i chwi? Y mae hyd yn oed bechaduriaid yn rhoi benthyg i bechaduriaid dim ond iddynt gael yr un faint yn &#244;l. 35Nage, carwch eich gelynion a gwnewch ddaioni a rhowch fenthyg heb ddisgwyl dim yn &#244;l#6:35 Yn &#244;l darlleniad arall, heb anobeithio am neb.. Bydd eich gwobr yn fawr a byddwch yn blant y Goruchaf, oherwydd y mae ef yn garedig wrth yr anniolchgar a'r drygionus. 36Byddwch yn drugarog fel y mae eich Tad yn drugarog.</div><div class="s">Barnu Eraill</div><div class="r"> Mth. 7:1&#8211;5</div><div class="m"> 37&#8220;Peidiwch &#226; barnu, ac ni chewch eich barnu. Peidiwch &#226; chondemnio, ac ni chewch eich condemnio. Maddeuwch, ac fe faddeuir i chwi. 38Rhowch, ac fe roir i chwi; rhoir yn eich c&#244;l fesur da, wedi ei wasgu i lawr a'i ysgwyd ynghyd nes gorlifo; oherwydd &#226;'r mesur y rhowch y rhoir i chwi yn &#244;l.&#8221; 39Adroddodd hefyd ddameg wrthynt: &#8220;A fedr y dall arwain y dall? Onid syrthio i bydew a wna'r ddau? 40Nid yw disgybl yn well na'i athro; ond wedi ei lwyr gymhwyso bydd pob un fel ei athro. 41Pam yr wyt yn edrych ar y brycheuyn sydd yn llygad dy gyfaill, a thithau heb sylwi ar y trawst sydd yn dy lygad dy hun? 42Sut y gelli ddweud wrth dy gyfaill, &#8216;Gyfaill, gad imi dynnu allan y brycheuyn sydd yn dy lygad di&#8217;, a thi dy hun heb weld y trawst sydd yn dy lygad di? Ragrithiwr, yn gyntaf tyn y trawst allan o'th lygad dy hun, ac yna fe weli yn ddigon eglur i dynnu'r brycheuyn sydd yn llygad dy gyfaill.</div><div class="s">Adnabod Coeden wrth ei Ffrwyth</div><div class="r"> Mth. 7:17&#8211;20; 12:34b&#8211;35</div><div class="m"> 43&#8220;Oherwydd nid yw coeden dda yn dwyn ffrwyth gwael, ac nid yw coeden wael chwaith yn dwyn ffrwyth da. 44Wrth ei ffrwyth ei hun y mae pob coeden yn cael ei hadnabod; nid oddi ar ddrain y mae casglu ffigys, ac nid oddi ar lwyni mieri y mae tynnu grawnwin. 45Y mae'r dyn da yn dwyn daioni o drysor daionus ei galon, a'r dyn drwg yn dwyn drygioni o'i ddrygioni; oherwydd yn &#244;l yr hyn sy'n llenwi ei galon y mae ei enau yn llefaru.</div><div class="s">Y Ddwy Sylfaen</div><div class="r"> Mth. 7:24&#8211;27</div><div class="m"> 46&#8220;Pam yr ydych yn galw &#8216;Arglwydd, Arglwydd&#8217; arnaf, a heb wneud yr hyn yr wyf yn ei ofyn? 47Pob un sy'n dod ataf ac yn gwrando ar fy ngeiriau ac yn eu gwneud, dangosaf i chwi i bwy y mae'n debyg: 48y mae'n debyg i ddyn a adeiladodd d&#375; a chloddio'n ddwfn a gosod sylfaen ar y graig; a phan ddaeth llifogydd, ffrwydrodd yr afon yn erbyn y t&#375; hwnnw, ond ni allodd ei syflyd, gan iddo gael ei adeiladu yn gadarn. 49Ond y mae'r sawl sy'n clywed, ond heb wneud, yn debyg i rywun a adeiladodd d&#375; ar bridd, heb sylfaen; ffrwydrodd yr afon yn ei erbyn a chwalodd y t&#375; hwnnw ar unwaith, a dirfawr fu ei gwymp.&#8221;</div>
 </div>
 </div>
</div>

<div class="version vid394 iso6393cym" data-vid="394" data-iso6393="cym">
 <div class="book bkJHN">
 <div class="chapter ch6" data-usfm="JHN.6">
 <div class="label">6</div><div class="s">Porthi'r Pum Mil</div><div class="r"> Mth. 14:13&#8211;21; Mc. 6:30&#8211;44; Lc. 9:10&#8211;17</div><div class="m"> 1Ar &#244;l hyn aeth Iesu ymaith ar draws M&#244;r Galilea (hynny yw, M&#244;r Tiberias). 2Ac yr oedd tyrfa fawr yn ei ganlyn, oherwydd yr oeddent wedi gweld yr arwyddion yr oedd wedi eu gwneud ar y cleifion. 3Aeth Iesu i fyny'r mynydd ac eistedd yno gyda'i ddisgyblion. 4Yr oedd y Pasg, g&#373;yl yr Iddewon, yn ymyl. 5Yna cododd Iesu ei lygaid a gwelodd fod tyrfa fawr yn dod tuag ato, ac meddai wrth Philip, &#8220;Ble y gallwn brynu bara i'r rhain gael bwyta?&#8221; 6Dweud hyn yr oedd i roi prawf arno, oherwydd gwyddai ef ei hun beth yr oedd yn mynd i'w wneud. 7Atebodd Philip ef, &#8220;Ni byddai bara gwerth dau gant o ddarnau arian#6:7 Neu, dau gan denarius. Gw. nodyn ar Mth. 18:28. yn ddigon i roi tamaid bach i bob un ohonynt.&#8221; 8A dyma un o'i ddisgyblion, Andreas, brawd Simon Pedr, yn dweud wrtho, 9&#8220;Y mae bachgen yma a phum torth haidd a dau bysgodyn ganddo, ond beth yw hynny rhwng cynifer?&#8221; 10Dywedodd Iesu, &#8220;Gwnewch i'r bobl eistedd i lawr.&#8221; Yr oedd llawer o laswellt yn y lle, ac eisteddodd y dynion i lawr, rhyw bum mil ohonynt. 11Yna cymerodd Iesu y torthau, ac wedi diolch fe'u rhannodd i'r rhai oedd yn eistedd. Gwnaeth yr un peth hefyd &#226;'r pysgod, gan roi i bob un faint a fynnai. 12A phan oeddent wedi cael digon, meddai wrth ei ddisgyblion, &#8220;Casglwch y tameidiau sy'n weddill, rhag i ddim fynd yn wastraff.&#8221; 13Fe'u casglasant, felly, a llenwi deuddeg basged &#226;'r tameidiau yr oedd y bwytawyr wedi eu gadael yn weddill o'r pum torth haidd. 14Pan welodd y bobl yr arwydd hwn yr oedd Iesu wedi ei wneud, dywedasant, &#8220;Hwn yn wir yw'r Proffwyd sy'n dod i'r byd.&#8221; 15Yna synhwyrodd Iesu eu bod am ddod a'i gipio ymaith i'w wneud yn frenin, a chiliodd i'r mynydd eto ar ei ben ei hun.</div><div class="s">Cerdded ar y D&#373;r</div><div class="r"> Mth. 14:22&#8211;27; Mc. 6:45&#8211;52</div><div class="m"> 16Pan aeth hi'n hwyr, aeth ei ddisgyblion i lawr at y m&#244;r 17ac i mewn i gwch, a dechrau croesi'r m&#244;r i Gapernaum. Yr oedd hi eisoes yn dywyll, ac nid oedd Iesu wedi dod atynt hyd yn hyn. 18Yr oedd gwynt cryf yn chwythu a'r m&#244;r yn arw. 19Yna, wedi iddynt rwyfo am ryw bum neu chwe chilomedr, dyma hwy'n gweld Iesu yn cerdded ar y m&#244;r ac yn nesu at y cwch, a daeth ofn arnynt. 20Ond meddai ef wrthynt, &#8220;Myfi yw; peidiwch ag ofni.&#8221; 21Yr oeddent am ei gymryd ef i'r cwch, ond ar unwaith cyrhaeddodd y cwch i'r lan yr oeddent yn hwylio ati.</div><div class="s">Iesu, Bara'r Bywyd</div><div class="m"> 22Trannoeth, sylwodd y dyrfa oedd wedi aros ar yr ochr arall i'r m&#244;r na fu ond un cwch yno. Gwyddent nad oedd Iesu wedi mynd i'r cwch gyda'i ddisgyblion, ond eu bod wedi hwylio ymaith ar eu pennau eu hunain. 23Ond yr oedd cychod eraill o Tiberias wedi dod yn agos i'r fan lle'r oeddent wedi bwyta'r bara ar &#244;l i'r Arglwydd roi diolch. 24Felly, pan welodd y dyrfa nad oedd Iesu yno, na'i ddisgyblion chwaith, aethant hwythau i'r cychod hyn a hwylio i Gapernaum i chwilio am Iesu. 25Fe'i cawsant ef yr ochr draw i'r m&#244;r, ac meddent wrtho, &#8220;Rabbi, pryd y daethost ti yma?&#8221; 26Atebodd Iesu hwy, &#8220;Yn wir, yn wir, rwy'n dweud wrthych, yr ydych yn fy ngheisio i, nid am ichwi weld arwyddion, ond am ichwi fwyta'r bara a chael digon. 27Gweithiwch, nid am y bwyd sy'n darfod, ond am y bwyd sy'n para i fywyd tragwyddol. Mab y Dyn a rydd hwn ichwi, oherwydd arno ef y mae Duw y Tad wedi gosod s&#234;l ei awdurdod.&#8221; 28Yna gofynasant iddo, &#8220;Beth sydd raid inni ei wneud i gyflawni'r gweithredoedd a fyn Duw?&#8221; 29Atebodd Iesu, &#8220;Dyma'r gwaith a fyn Duw: eich bod yn credu yn yr un y mae ef wedi ei anfon.&#8221; 30&#8220;Os felly,&#8221; meddent wrtho, &#8220;pa arwydd a wnei di, i ni gael gweld a chredu ynot? Beth fedri di ei wneud? 31Cafodd ein hynafiaid fanna i'w fwyta yn yr anialwch, fel y mae'n ysgrifenedig, &#8216;Rhoddodd iddynt fara o'r nef i'w fwyta.&#8217; &#8221; 32Yna dywedodd Iesu wrthynt, &#8220;Yn wir, yn wir, rwy'n dweud wrthych, nid Moses sydd wedi rhoi'r bara o'r nef ichwi, ond fy Nhad sydd yn rhoi ichwi y gwir fara o'r nef. 33Oherwydd bara Duw yw'r hwn sy'n disgyn o'r nef ac yn rhoi bywyd i'r byd.&#8221;</div><div class="p"> 34Dywedasant wrtho ef, &#8220;Syr, rho'r bara hwn inni bob amser.&#8221; 35Meddai Iesu wrthynt, &#8220;Myfi yw bara'r bywyd. Ni bydd eisiau bwyd byth ar y sawl sy'n dod ataf fi, ac ni bydd syched byth ar y sawl sy'n credu ynof fi. 36Ond fel y dywedais wrthych, yr ydych chwi wedi fy ngweld, ac eto nid ydych yn credu. 37Bydd pob un y mae'r Tad yn ei roi i mi yn dod ataf fi, ac ni fwriaf allan byth mo'r sawl sy'n dod ataf fi. 38Oherwydd yr wyf wedi disgyn o'r nef nid i wneud fy ewyllys fy hun ond ewyllys yr hwn a'm hanfonodd i. 39Ac ewyllys yr hwn a'm hanfonodd i yw hyn: nad wyf i golli neb o'r rhai y mae ef wedi eu rhoi imi, ond fy mod i'w hatgyfodi yn y dydd olaf. 40Oherwydd ewyllys fy Nhad yw hyn: fod pob un sy'n gweld y Mab ac yn credu ynddo i gael bywyd tragwyddol. A byddaf fi'n ei atgyfodi yn y dydd olaf.&#8221;</div><div class="p"> 41Yna dechreuodd yr Iddewon rwgnach amdano oherwydd iddo ddweud, &#8220;Myfi yw'r bara a ddisgynnodd o'r nef.&#8221; 42&#8220;Onid hwn,&#8221; meddent, &#8220;yw Iesu fab Joseff? Yr ydym ni'n adnabod ei dad a'i fam. Sut y gall ef ddweud yn awr, &#8216;Yr wyf wedi disgyn o'r nef&#8217;?&#8221; 43Atebodd Iesu hwy, &#8220;Peidiwch &#226; grwgnach ymhlith eich gilydd. 44Ni all neb ddod ataf fi heb i'r Tad a'm hanfonodd i ei dynnu; a byddaf fi'n ei atgyfodi yn y dydd olaf. 45Y mae'n ysgrifenedig yn y proffwydi: &#8216;Fe g&#226;nt oll eu dysgu gan Dduw.&#8217; Y mae pob un a wrandawodd ar y Tad ac a ddysgodd ganddo yn dod ataf fi. 46Nid bod neb wedi gweld y Tad, ac eithrio'r hwn sydd oddi wrth Dduw; y mae hwnnw wedi gweld y Tad. 47Yn wir, yn wir, rwy'n dweud wrthych, y mae gan y sawl sy'n credu fywyd tragwyddol. 48Myfi yw bara'r bywyd. 49Bwytaodd eich hynafiaid y manna yn yr anialwch, ac eto buont farw. 50Ond dyma'r bara sy'n disgyn o'r nef, er mwyn i rywun gael bwyta ohono a pheidio &#226; marw. 51Myfi yw'r bara bywiol hwn a ddisgynnodd o'r nef. Caiff pwy bynnag sy'n bwyta o'r bara hwn fyw am byth. A'r bara sydd gennyf fi i'w roi yw fy nghnawd; a'i roi a wnaf dros fywyd y byd.&#8221;</div><div class="p"> 52Yna dechreuodd yr Iddewon ddadlau'n daer &#226;'i gilydd, gan ddweud, &#8220;Sut y gall hwn roi ei gnawd i ni i'w fwyta?&#8221; 53Felly dywedodd Iesu wrthynt, &#8220;Yn wir, yn wir, rwy'n dweud wrthych, oni fwytewch gnawd Mab y Dyn ac yfed ei waed, ni bydd gennych fywyd ynoch. 54Y mae gan y sawl sy'n bwyta fy nghnawd i ac yn yfed fy ngwaed i fywyd tragwyddol, a byddaf fi'n ei atgyfodi yn y dydd olaf. 55Oherwydd fy nghnawd i yw'r gwir fwyd, a'm gwaed i yw'r wir ddiod. 56Y mae'r sawl sy'n bwyta fy nghnawd i ac yn yfed fy ngwaed i yn aros ynof fi, a minnau ynddo yntau. 57Y Tad byw a'm hanfonodd i, ac yr wyf fi'n byw oherwydd y Tad; felly'n union bydd y sawl sy'n fy mwyta i yn byw o'm herwydd innau. 58Dyma'r bara a ddisgynnodd o'r nef. Nid yw hwn fel y bara a fwytaodd yr hynafiaid; buont hwy farw. Caiff y sawl sy'n bwyta'r bara hwn fyw am byth.&#8221; 59Dywedodd Iesu y pethau hyn wrth ddysgu yn y synagog yng Nghapernaum.</div><div class="s">Geiriau Bywyd Tragwyddol</div><div class="m"> 60Wedi iddynt ei glywed, meddai llawer o'i ddisgyblion, &#8220;Geiriau caled yw'r rhain. Pwy all wrando arnynt?&#8221; 61Gwyddai Iesu ynddo'i hun fod ei ddisgyblion yn grwgnach am ei eiriau, ac meddai wrthynt, &#8220;A yw hyn yn peri tramgwydd i chwi? 62Beth ynteu os gwelwch Fab y Dyn yn esgyn i'r lle'r oedd o'r blaen? 63Yr Ysbryd sy'n rhoi bywyd; nid yw'r cnawd yn tycio dim. Y mae'r geiriau yr wyf fi wedi eu llefaru wrthych yn ysbryd ac yn fywyd. 64Ac eto y mae rhai ohonoch sydd heb gredu.&#8221; Yr oedd Iesu, yn wir, yn gwybod o'r cychwyn pwy oedd y rhai oedd heb gredu, a phwy oedd yr un a'i bradychai. 65&#8220;Dyna pam,&#8221; meddai, &#8220;y dywedais wrthych na allai neb ddod ataf fi heb i'r Tad beri iddo wneud hynny.&#8221;</div><div class="p"> 66O'r amser hwn trodd llawer o'i ddisgyblion yn eu holau a pheidio mwyach &#226; mynd o gwmpas gydag ef. 67Yna gofynnodd Iesu i'r Deuddeg, &#8220;A ydych chwithau hefyd, efallai, am fy ngadael?&#8221; 68Atebodd Simon Pedr ef, &#8220;Arglwydd, at bwy yr awn ni? Y mae geiriau bywyd tragwyddol gennyt ti, 69ac yr ydym ni wedi dod i gredu a gwybod mai ti yw Sanct Duw.&#8221; 70Atebodd Iesu hwy, &#8220;Onid myfi a'ch dewisodd chwi'r Deuddeg? Ac eto, onid diafol yw un ohonoch?&#8221; 71Yr oedd yn siarad am Jwdas fab Simon Iscariot, oherwydd yr oedd hwn, ac yntau'n un o'r Deuddeg, yn mynd i'w fradychu ef.</div>
 </div>
 </div>
</div>

Yr EfengylauSampl

Ysgrythur

Am y Cynllun hwn

Cynlluniau Tebyg