Populære bibelvers fra MARK 13

Del

aro ne men anatsi naliyok sime. Manta inghosi kijutyok chihisi doye anangsi joknge.

Chilang wenot, inghongne donot; piyok pu tene labang apor konamsi wanghlenge nali than-un eh.

Konam lahel naliyok bisar ahem nangnep pone, aro la-amun pot punange, angoke bangpo chiron hap mek; manta labang apor naliyok potsi pathan hlonge bangpo thanot, piyok pu tene labang kithan po nali kalek, manta Jiuli-Kangthir parasi thane.

Suneng aro pirthimipe chilutne, manta ne lamthe chilutle ye.

“Manta Apa aparke ethakpe long kido tharlonhel, lale Aso, kaita labang adin lale labang aporpo than un-eh.

Manta nali dhawa aro dhawa kidoye kapangjar alam karju hlong amun angthin aduk doyek, labangke chiplang pene manta ki-or aporke wangwe lang.

Lasi, trepne donot; piyok pu tene hem ahemphu po anithu tong wangmene, lale jarlo tong wangmene, lale wo-kiku apor tong wang mene, lale katha-angbo amun wangmene, nali chithan un-eh, lale anang photsi kiwang amun anang nalimek kijang thek hlonge mene. Aro ne potsi pudo, ne ahuwit aphan pudo: trepne do.”

Isi ason para isi ason chilang setsetne aro along-alongke chiklik wange. Lamehel ke aso kiplang ango abi kiwang badi.

Aro la ango ason helyok kime-alamthe paharpen nange.

Amokha hane menpen wangsi, ne si labang po pusi amokha arleng yok chobele.

“Nali abithangyok, chilangwen; piyokte pu tene anali tarang ahemyok nangnep pone; aro naliyok kachirdom ahemlong nali pame; aro nemen anat naliyok gobornor ango aro recho ango, hakhi than hlonge.

Asisik khristo aro asisik turki wang chiklange, aro ajatjat asin, aro apharan, arleng hel yok pharlep pone, un tene karwal tang abangyok ta chobel pone.

“Manta lamehel adin, labang aduk aphel, arnipe ingting detne, chiklo aklar pipeye, aro suneng para klolangso hel jange, aro suneng athak kido apharan hel hujuk detne.