Populære bibelvers fra San Mateo 27

Del

Je̱'e̱ mu̶'it hooru̶ je̱'e̱ Jesús mu̶k yaaxkeeky: “Elí, Elí, ¿lema sabactani?” (je̱'e̱ mu̶dyiibu̶ wimbu̶dzu̶u̶mbu̶ñ: “Dios Teedy, Dios Teedy, ¿ti u̶u̶ch ko tu̶ xyñajtz'ixu̶'u̶y?”)

Mu̶'it je̱'e̱ wit mu̶k'eemby kyu̶tzwa'kxy kujktu̶na'a'eemby, kyu̶tztzóñ ku'uduum u̶xtu̶ y'u̶xku̶daaky mu̶dyiibu̶ je̱'e̱ mu̶jtzajptu̶jk najty mu̶u̶d y'adu̶u̶ydyúkyu̶ch ma je̱'e̱ Dios y'itu̶ñ. Chi je̱'e̱ temblor ñajxy y jyitzwa'kxtaay je̱'e̱ tzaa, y y'awaach je̱'e̱ o'kpu̶ jut may, y juugypyu̶jkku̶x je̱'e̱ o'ogyjya'ay may mu̶dyiibu̶ najty tu̶ y'o'kku̶xyu̶ñ, je̱'e̱ mu̶dyiibu̶ najty je̱'e̱ Dios y'ayuuk tyu̶y'ajt tu̶ mu̶bu̶jkku̶xyu̶ñ.

Chi je̱'e̱ Jesús ja'adu'ook mu̶k yaaxkeeky, y chi y'o'ky.

Ko je̱'e̱ tziptuumbu̶ windzú̶n y pu̶njaty najty jim mu̶u̶d kweentu̶'ajtku̶xyu̶ñ je̱'e̱ Jesús du'un ijxy ajku̶xy, ñaxy je̱'e̱ temblor y ku̶xyu̶ neby najty tyuñyii jyadyiiju̶ñ, chi mu̶k chu̶gu̶u̶ygyu̶xy y myu̶naangu̶xy: —¡Jaanchyxu̶m adayaaba ja'ay je̱'e̱ Dios ijty y'Ung'adyii!

Kujkyxyu̶u̶ najty ko oy kyoodzu̶ydya'ay ku̶xyu̶ je̱'e̱ naaxwiimbu̶, y tu̶gu̶u̶g hooru̶ du'un y'ijty.

Chi je̱'e̱ Pilato yajtu̶u̶wu̶ ajku̶xy: —¿Y neby u̶u̶ch yu̶'u̶ Jesús ndúnu̶ch, je̱'e̱ mu̶dyiibu̶ tyijku̶xypyu̶ñ Cristo? Chi nigu̶xyu̶ y'adzoogu̶xy: —¡Yajcruutzpé̱t miich yu̶'u̶! Chi je̱'e̱ Pilato ñu̶maayu̶ ajku̶xy: —¿Ti yu̶'u̶ tu̶ tuundu̶góy? Peru̶ chi ja'adu'ook yaaxke̱e̱kku̶xnu̶ba: —¡Yajcruutzpé̱t miich yu̶'u̶!