Populære bibelvers fra San Mateo 28

Del

Nú̶kxku̶x ma je̱'e̱ naaxwiimbu̶ kú̶xyu̶ju̶ñ, y yajmu̶bu̶jkku̶x je̱'e̱ ja'ay je̱'e̱ n'ayuuk ndu̶y'ajtu̶ch y myajnu̶u̶be̱jtku̶xu̶ch; cham je̱'e̱ Dios Teedy xyu̶u̶, je̱'e̱ Dios y'Ung xyu̶u̶ y je̱'e̱ Espíritu Santo xyu̶u̶ mgapxpaattu̶ ajku̶xy, y yaj'u̶xpu̶jkku̶x neby ku̶xyu̶ kuydyuungu̶xu̶chu̶ñ neby miich tu̶ n'ane̱'e̱mgu̶xyu̶ñ. Y u̶u̶ch ijtu̶u̶wu̶bu̶ch jaboom jaboom mu̶u̶d miich ajku̶xy u̶xtu̶ mabaad je̱'e̱ naaxwiimbu̶ naty tyu̶gooyñu̶ju̶ñ.

Chi je̱'e̱ Jesús myu̶wingoonu̶ ajku̶xy y ñu̶maayu̶gu̶xy: —Tu̶ u̶u̶ch je̱'e̱ Dios je̱'e̱ ane̱'e̱mu̶ñ jiiby tzajpjooty y ya naaxwiiñ ku̶xyu̶ xymyo'oy.

Chi je̱'e̱ ángel je̱'e̱ to'oxyu̶jktu̶jk nu̶maay: —Ka'p mdzu̶gu̶u̶ygyu̶xy. U̶u̶ch nejwu̶u̶ybyu̶ch ko je̱'e̱ Jesús m'u̶xtaaygyu̶xypy, je̱'e̱ mu̶dyiibu̶ yajcruutzpe̱jtu̶ju̶ñ. Ka'p je̱'e̱ yaa, tu̶ je̱'e̱ jyuugypyú̶ky, du'un neby myu̶naañu̶ñ. Min ok'ijxku̶x ma yajnaaxtu̶gu̶u̶ygyu̶xyu̶ñ.

y chi je̱'e̱ Jesús ñu̶maayu̶ ajku̶xy: —Ka'p mdzu̶gu̶u̶ygyu̶xy, Nú̶kxu̶ch je̱'e̱ nmu̶gu'ugtu̶jk nnu̶maayu̶ky ajku̶xy ko wan Galilea nú̶kxku̶xy y jim u̶u̶ch xypyaatku̶xu̶ch.

Chi je̱'e̱ teedy windzu̶ndu̶jk y je̱'e̱ amu̶jja'aydyu̶jk oy mu̶dnaygyápxu̶gu̶xyu̶ neby mu̶baad kipxy kyapxy tuungu̶xyu̶ñ mu̶u̶d je̱' ajku̶xy. Y chi je̱'e̱ tziptuumbu̶tu̶jk mu̶j meeñ myooygyu̶xy, y nu̶maaygyu̶xy: —Du'un miich mmu̶naangu̶xu̶ch ko koodz, maab miich najty ajku̶xy ko je̱'e̱ Jesús dyiscípulotu̶jk y'óygyu̶xy y me̱e̱tzu̶ je̱'e̱ Jesús ñi'kx ajku̶xy. Y pu̶nu̶ myu̶dooby je̱'e̱ gobernador adaa du'un, u̶u̶ch je̱'e̱ nyajmu̶bu̶jkku̶xu̶py, y u̶u̶ch miich nbube̱jtku̶xu̶py ka'pu̶ myajpoky'ijxku̶xu̶ch. Je̱'e̱ tziptuumbu̶tu̶jk myajtzku̶x je̱'e̱ meeñ y chi du'un kuydyuungu̶xy neby najty tu̶ ñu̶maayu̶gu̶xyu̶ñ. Y adaaju̶tz je̱'e̱ judío ja'ay du'un chambaad kyápxku̶xypy myu̶dyaakku̶xypy.