Populære bibelvers fra San Marcos 13

Del

Ndiꞌi ni kúu na kundasi nuu na kuni na ndóꞌo̱ xaꞌa ya ndíkun ndo yeꞌe. Ta ndiꞌi ndo köo síndoo ndo ichí i, ndíkun vaꞌa ndo ya nda nuu sindiꞌi ya tixuꞌvi ndo ñuu ivi yóꞌó. Saa sikaku Ndioxi ndóꞌo̱ kutaku ndo ndiꞌi saa kivi ya vaxi.

’Yakan kua káꞌan i xiꞌin ndo, kuenta ni koo ndo ta koo tuꞌva ndo, kaꞌan ni ndo xiꞌin Ndioxi, saa chi köo xíni ndo maa kua tindaa hora ya ndiko koo i.

Tá ti̱in na ndóꞌo̱ ndi̱xaa ndo nuu na chiñu ta kündiꞌi ini ndo xaꞌa tuꞌun ya kaꞌan ndo xiꞌin na, ni ndïkani ini ndo xaꞌa ya. Tá ndi̱xaa ndo nuu na, ta unku mií tuꞌun chi̱nuu Ndioxi yuꞌu ndo, ta ya ikán kaꞌan ndo xiꞌin na, saa chi süvi mií ndo ku ndo kaꞌan, Tachi I̱í mií Ndioxi ya íyo xiꞌin ndo kua kaꞌan xiꞌin na.

Chi vaxi kivi ta ndiꞌi xaꞌa ndivi xiꞌin ñuꞌú, sundi tuꞌun i ta nda iin ya ndïꞌi xaꞌa ―káchi Jesús.

Ta saa ndi̱kaꞌan ka ra, káchi ra saa: ―Ta mií kivi xiꞌin hora ya ndiko koo i ñuu ivi yóꞌó, ta nda iin na köo xíni maa kua kuu saa, ni na tatun íyo nuu ndivi köo xíni, ni yeꞌe Taa ra xa̱a ñuu ivi yóꞌó köo xíni i, iindaa mituꞌun mií Iva yo Ndioxi ku ra xíni maa kua kuu saa.

’Saa tá xa̱á xíni soꞌo ndo íyo kuachi ñuu yati án ñuu xika, ta ku ïꞌvi ndo. Saa chi nduxa saa xíniñuꞌu kuu, sundi süvi ya xa ndiꞌi xaꞌa ku ñuu ivi.

Yakan saa ndóꞌo̱, koo tuꞌva ndo saa chi köo xíni ndo maa kua ndiko koo i, án xa sikan kuaꞌan kuáa̱, án köo sava ñuu, án sana tá xa kána cheꞌle án sana tu tá xa kuaꞌan túvi va ndiko koo i. Kuenta ni koo ndo süvi ka vi ya iin sana ini ndo ndiko koo i, ta nditaꞌan i ndóꞌo̱, ndóo ndo kíxi ndo. Ya káꞌan i xiꞌin ndóꞌo̱ ta xiꞌin ndiꞌi naꞌa káꞌan i: “¡Küsun ndo, kundito ndo!” ―káchi ra xiꞌin nda ítaꞌan xiꞌin ra.

Kivi ya vaxi ta ndikuita na ñuu naꞌnu kani taꞌan na xiꞌin inka na ñuu naꞌnu, saa ñuu nuu xáꞌnda chiñu nda rey ndikuita na kani taꞌan na xiꞌin inka ñuu nuu xáꞌnda chiñu inka nda rey. Ta kuaꞌa ni ñuu taan, saa koo tama, ta kani taꞌan ni naꞌa xiꞌin taꞌan na. Ta ndiꞌi tindoꞌo yóꞌó ya ndee ni tíxuꞌvi na ta ya sikan xa̱á va kua.

Chi ndiꞌi ni kúu na ñuu ivi xíniñuꞌu kundaa ini xaꞌa tuꞌun vaꞌa xaꞌa i, saa kua ndiꞌi xaꞌa ñuu ivi yóꞌó.

Saa chi kuaꞌa ni taa kixi, ta ndikiꞌin nda nuu i sindaꞌvi nda ndóꞌo̱, kaꞌan nda xiꞌin ndo: “Yeꞌe ku Cristo, taa ra ti̱ꞌvi Ndioxi vaxi sikaku na ñuu ivi”, kachi nda xiꞌin ndo. Ta kuaꞌa ni naꞌa sindaꞌvi nda.

’Ta kuenta ni koo ndo xiꞌin mií ndo, saa chi taxi na kuachi xaꞌa ndo ndaꞌa na chiñu, saa xaa nduvaꞌa ni na xiꞌin ndo veꞌe ñuꞌu sinagoga. Saa kundaka na ndóꞌo̱ kuꞌun ndo nuu na chiñu án nuu nda rey, ta xaꞌa yeꞌe kua kundoꞌo ndo saa. Tá ndi̱xaa ndo nuu na chiñu ikán, ta saa kaꞌan ndo xaꞌa i xiꞌin na.

Saa chi kuaꞌa ni nda taa vata kixi, kaꞌan nda, nda ikán ku nda ti̱ꞌvi Ndioxi sikaku na ñuu ivi yoꞌo, án nda ikán ku profeta nda vaxi kaꞌan ndoso tuꞌun yuꞌu ra, kachi nda. Ta kuaꞌa ni yatuꞌun ikan nda, saa ikan nda ya ndíchi ni nuu na ya sindaꞌvi nda na, nda sava na ndi̱kaxin Ndioxi kuni nda sindaꞌvi nda.

Saa ndi̱kaꞌan ka ra xiꞌin nda, káchi ra saa: ―Kivi tá ná yaꞌa ndiꞌi tindoꞌo ya ndee ni kuu, ta saa ndunaá nuu ñu̱ꞌu, ta ni kiti yoo ndüyeꞌe ka ri. Saa koyo kimi kiti ndóso nuu ndivi, ta saa ndiꞌi ñaꞌa ya kúu mií ndee nuu ndivi ta iin ndikanda ndiꞌi ya.