GENESIS 17
17
Serh tan - thuthlung chhinchhiahna
1Abrama chu kum sawmkua leh pakua a nihin a hnênah Lalpa chu a rawn inlâr a, “El-Sadaia#17:1 ‘Pathian engkim tithei’ tihna nia ngaih a ni ber. ka nih hi, ka duhzâwng angin nung la, sawisêlbovin awm rawh. 2Nang nêna kan inkârah thu ka thlung ang a, nasa takin ka tipung ang che,” a ti a.
3Abrama chu hmai lei siin a kûn a, a Pathian chuan a be zêl a. 4“Hei hi i tâna ka thuthlung chu a ni: Hnam tam tak thlahtu i ni ang a, 5i hming hi Abrama ni tawh lovin Abrahama#17:5 Abrama tih chu ‘Pa Liana, Pa Ropuia’ tihna a ni, Abrahama tih erawh chu ‘mi tam tak pa’ tihna a ni. a ni tawh zâwk ang; hnam tam tak paah ka siam tâk che hi. #Rom. 4:17. 6I chi ka tiṭha ang a, hnam tam tak thlahtu i ni ang a, lalte pawh i hring ang. 7Kan inkâra ka thuthlung chu i thlah lo awm zêlte thlengin ka tinghet tlat ang; i tân leh i thlah zêlte tân kumkhaw Pathian ka ni ang.#Lk. 1:55. 8“I thlah lo la awm tûrte rochun atân kumkhuaa an neih tûrin i mikhualna Kanan ram pum pui hi ka pe a che, an Pathian ka ni zêl bawk ang,” a ti a.#Tirh. 7:5.
9Pathian chuan Abrahama hnênah thu a sawi zêl a, “Nang pawhin ka thuthlung hi i vawng reng tûr a ni, i thlah lo awm tûrte pawhin an zâwm zêl tûr a ni. 10Nang leh i thlahte nêna ka thuthlung, in zawm zêl tûr chu hei hi a ni: in zînga mipa tawh phawt chu an serh tan tûr a ni.#Tirh. 7:8; Rom. 4:11. 11In serh vun hmâwr in tan tûr a ni; chu chu kan inkâra thuthlung chhinchhiahna a ni ang. 12Kumkhuain in zînga mipa naupang chu ni riat a tlinah a serh in tan tûr a ni; in chhûng zînga piang, bawihte leh in chipui ni lo tangkaa in leite pawh an serh in tan tûr a ni. 13In ina piang bawih pawh in lei bawih pawh, an serh in tan ngei tûr a ni. In taksaah ka thuthlung chhinchhiahna chu kumkhuain a awm tûr a ni. 14Mipa tawh phawt, serh tan loh, a vun hmâwr tan loh chu a laichînte zîng ata tuithlâr#17:14 khawtlâng ata hnawh chhuah tûr tihna a ni, tihhlum pawh a chawh ber. tûr a ni, ka thuthlung a bawhchhiat avângin,” a ti a.
15Pathian chuan Abrahama hnênah heti hian a ti bawk: “I nupui Saraii pawh hi Saraii ti tawh suh, a hmingah Sari#17:15 Saraii hi lal fanu tihna a ni, Sari tih pawh chutiang bawk chu a ni, ‘lalnu’ tih a kâwk deuh âwm e. a ni tawh zâwk ang. 16Mal ka sâwm ang a, mal ka sâwm hnuah fapa a hrinsak ang che. Hnam tam tak nu a ni ang a, mi tam tak chunga lal tûrte pawh a thlah aṭangin an lo piang ang,” a ti a.
17Abrahama chu lei siin a kûn a, a nuih a za a, “Kum za mi hian fa ka nei ang a, kum sawmkaw mi Sari hian nau a pai ang maw?” a ti rilru a. 18Abrahama chuan Pathian hnênah, “Ṭha i tih chuan Ismaela hi dam zêl teh phawt se,” a ti a. 19Pathian erawh chuan a chhâng a, “I nupui Sari hian fa a hrinsak dâwn che alâwm, a hmingah Isaka#17:19 Châng sâwm leh pasariha ‘a nui a,’ tih hi a Hebrai ṭawng chuan ‘a isak’ tih a ni. Isaka tih chu ‘nuia’ tihna a ni ber ang chu. i sa dâwn nia; ka thuthlung hi kumkhua atân amah leh a thlah zêlte tân ka vawng tlat dâwn a ni. 20Ismaela thu i sawi pawh ka hria e; ngai teh, ani pawh mal ka sâwm a, a chi ka tiṭha ang a, nasa takin ka tipung ang. Lal sâwm leh pahnih a hring ang a, hnam lian takah ka din dâwn a ni. 21Ka thuthlung erawh hi chu nakkum hetih huna Sarin a hrin tûr Isaka tân ka vawng ang,” a ti a. 22A sawi zawh chuan Pathian chuan Abrahama chu a chhohsan ta a.
23Tin, Abrahama chuan a fapa Ismaela leh a bawih, a ina piang leh a lei pawh, a ina awm mipa zawng zawng chu a hruai a, chumi ni chuan Pathianin a hrilh ang chuan an serh vun hmâwr chu a tansak ta a. 24A serh vun a tan chuan Abrahama chu kum sawmkua leh pakaw mi a ni. 25Ismaela pawh serh a tansak ni chuan kum sâwm leh kum thum mi a ni. 26Chumi ni ngei chuan Abrahama te, a fapa Ismaela te, 27a ṭhuihruai zawng zawng, a ina piang bawihte leh hnam dang, bawiha a leite chu an serh a tansak ta a.
Valgt i Øjeblikket:
GENESIS 17: MIZCLBSI
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Mizo (Lushai) C.L. Bible - PATHIAN LEHKHABU THIANGHLIM
Copyright © 1995 by The Bible Society of India
Used by permission. All rights reserved worldwide.