Bɛ̈n 21
21
Luui de Lïïm
(Nyöŋ 15:12-18)
1Na wën, ke lëk ë Bɛ̈nydït Mothe an, “Guïïrë kɔc ke Yithriɛl ee lööŋkë: 2#Leb 25:39-46. an, Të cïï raan lïm de Ɣeberuu ɣɔɔc, ka abï ya luööi në run kadhetem. Ku në ruöön ye run dhorou, abï aa gäm nɔm lääude, ku tɔ jël ke cïn kë tɛ̈ɛ̈u piny wɛɛr en rɔt. 3Na yë bɔ̈ yetök ke kën thiëëk, ka bï yenɔm dɔk yetök të cïn tik. Ku na ë bɔ̈ kekë tiiŋde, ka bïk jäl kekë tiiŋde ëtök. 4Na yë bɛ̈nyde yen ë gëm en tik, ku cï tik mïth dhiëëth, mïthwät ku nɔn ee kek duet, ke tik kekë mïthke abïk aa kake bɛ̈nyde. Ku mony lïm abï jäl yetök. 5Ku na cïï lïm lueel an nhiɛɛr bɛ̈nyde, ku nhiɛɛr tiiŋde ku mïthke, ku cïï kɔɔr nɔn bï ye gäm nɔm lääu, 6ka bïï bɛ̈nyde ye jɔ lɛɛr tëde Nhialic. Ku ëtɛ̈ɛ̈n, abï jɔ tɔ kääc ɣöt thok ke kɛn rɔt në athïn, ku nɔn ee yen ɣöt thok guöpde. Ku thuth yïth në kë ye kɔc thuth yïth. Ku abï ja ye lïmde në pïïrde yic ëbɛ̈n.
7“Ku na cï raan nyande ɣaac ke ye lïm, acïï bï gäm nɔmlääu cït man ë lïm moc. 8Na cï ɣɔ̈c raan kɔɔr en bï ya tiiŋde, ku cï bɛ jai ke cïï kɔɔr, ke be ye ɣɔ̈c wun. Ë cïï bɛ̈nyde ye be ɣɔ̈c raan lei. Na ɣɔ̈c kɔc lei, ke duëër aa kuöc luɔi yen cï yen en kuöc looi. 9Ku na cï raan nyan lïm ɣɔ̈c wënde, ka duëër aa rëër ke ye cït man ë nyande. 10Ku na cï raan tiiŋ däŋ thiaak, tiiŋ ye diäär rou, ka abï ŋoot ke ye tiiŋ tueŋë gäm këciɛm, ku lupɔɔke ku yicde cït man wään tueŋ. Ku tɔ rɛ̈ɛ̈r ke ye tiiŋde. 11Ku na cïï lui ee kake kedhie, ke gëm nɔmlääu. Ku tɔ jäl ke cïn wëu tɛ̈ɛ̈u piny wɛɛr en ke rɔt.
Lööŋ ke Luɔi de Kërac
12 #
Leb 24:17. “Raan cï raan yup nɛ̈k, abï aa nɔ̈k ayadäŋ. 13#Kuɛ̈n 35:10-34; Nyöŋ 19:1-13; Joc 20:1-9. Ku na de raan cï raan wääth, ku nɛ̈k ke ë cïï köör nääk, ku ee Nhialic yen ë tɔ raan wɛ̈ɛ̈th raan aduëër rɔt kual ke lɔ të bä lɔ̈c week. Ku ëtɛ̈ɛ̈n, aduëër poth. 14Ku na tɛk raan bï raan nɔ̈k, ku nɛ̈k raan ke ŋic, ke näk, na cakaa yen ë cï kat le thiaan në yïïŋdï thar piny.
15“Raan yup wun ku nɔn yen man ke näk.
16 #
Nyöŋ 24:7. “Raan kual raan le ɣaac ku nɔn le yen en tɔ ye lïmde, ke näk.
17 #
Leb 20:9; Math 15:4; Mak 7:10. “Raan lɛ̈m wun kërac, ku nɔn ee yen man ke näk.
18“Na de kɔc cï piɔ̈t ku cï raan tök në keyiic raan däŋë biök në dööt, ku nɔn cï gut në yeciin, ku cï ee yumë ye tääc ke kën nɔ̈k. 19Raan ë yup en acïn guöp gääk. Na cï raan ë yup guöp duɛ̈ɛ̈r ŋuɛ̈ɛ̈n tëthiinakäŋ, ku cï piny gut ku thel rɔt biic, ke raan ë yup en abï wëu cuat piny në baŋ de nïn cïï raan cï gutë thöl piny ke cïï lui. Ku kony agut cï kööl bï yen guöp pial.
20“Ku na dui raan lïmde në thieec abï thou, lïm moc ku nɔn ee yen lïm tik, ke raanë ë kum. 21Ku na kën lïm thou ee kööl ë dui ë yen thïnë, ku jɔ bɛ̈n thou të cït miäk ku nɔn thou en ke cï nïn aa rou, ke bɛ̈ny ë dui yen ë cïï kum. Määr bï kake määr yetök ë kuöm dït.
22“Na piɔ̈t kɔc, ku lek tiiŋ liac wääth abï tik wääc. Ku piɛth tik ke cïn guöp tëtök dït, ke raan ë yup en ë puk meth cït man ë kë kɔɔr ë mony de tik, kë cïï luk gam. 23Ku na cïk tik luöi buɔ̈t dït, ke pïïr ee nɔm pïïr, 24#Leb 24:19,20; Nyöŋ 19:21; Math 5:38. ku nyin ee nɔm nyin, ku lëc ee nɔm lëc, ku ciin ee nɔm ciin, ku cök ee nɔm cök, 25nyup ee nɔm nyup, ku buɔ̈t ee nɔm buɔ̈t, ku piɔ̈ny ee nɔm piɔ̈ny.
26“Na cï raan lïmde yup nyin, lïm moc ku nɔn ee yen duet ku dhiɔ̈i nyin, ke lïm ë gëmë nɔmlääu ke cïn kë tɛ̈ɛ̈u piny. Nyin ee nɔn kë bï tääu piny. 27Ku na ee lëc yen ë bïï bei, ke lïm ë gëmë nɔmlääu aya ke cïn kë tɛ̈ɛ̈u piny. Lëc ee nɔm kë duëër tääu piny.
Luɔi de Kɔc de Käŋ
28“Na cï thɔn ë weŋ raan gut nɛ̈k, moc ku nɔn ee yen tik, ke thɔnë ë biöökë abï thou. Ku rïïŋde ë cuɛtë wei ke cïï cuet. Ku raan de thɔn abï nɔm ciën gääk. 29Ku na ye thɔn ee kɔc guööt, ku cï lɛ̈k raan de thɔn ku cïï thɔnde mac. Ku cï thɔn raan gut nɛ̈k, moc ku nɔn ee yen tik, ke thɔn ë biöökë abï thou. Ku raan de thɔn ë näk ayadäŋ. 30Ku na cï raan de thɔn puɔ̈l apuk, ke tɔ tɛ̈ɛ̈u kuën cï lueel piny ëbɛ̈n raantök. 31Na cï thɔn mɛwä nɔ̈k, ku nɔn ee yen duet, ke kum në ee kuöm cït ee kuömë ayadäŋ. 32Ku të cïï thɔn lïm gut ku nɛ̈k, lïm moc ku nɔn ee yen tik. Ke thɔn ë biöökë abï thou, ku raan de thɔn ë puk raan në atek kathiërdiäk gëmë keek bɛ̈ny de lïm ë näk.
33“Na cï raan yith liep nɔm ku pɛ̈l atuɛɛr, ku nɔn ee yen yinh ë wec ku kën kum nɔm. Ku lɔ weŋ lööny thïn, ku nɔn ee yen muul. 34Ke raan de yith ë tɛ̈ɛ̈u wëu piny cool en kë cï lööny yiith, ku nööm län cï thou. 35Na cï thɔn ë raan thɔn ë raan däŋ nɔ̈k. Ke kɔc de thön ë ke ɣɛɛc thɔn pïïrë, ku tekkï wëu, ku tekkï rïïŋ de thɔn cï nɔ̈kë ayadäŋ. 36Ku na ye thɔn ë ŋic nɔn yen thön guööt, ku kën ë raan de yen ye mac. Ke raan de thɔn ë col thɔn cï nɔ̈k, ku nööm rïŋ de thɔn cï thou.
Valgt i Øjeblikket:
Bɛ̈n 21: dip-JPB
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
The Bible in Jieeng de Padang © The Bible Society in South Sudan, 2011.