Oyinyima 10
10
Ụnaka ezi Inowa
(1 Ịtọ 1.5-23)
1Ịtọpa ezi Inowa ọ vị ọnọọ nị. Ezi Inowa ẹnẹẹ vị Isemi, Ihami ọnịrị Ịjahwẹtị. Ẹnị ẹ rẹ vana ma ezi ịrẹma ọnị ọhaara enyi kụ́ ẹhẹ. 2Ezi Ịjahwẹtị nịnị ẹ vị Igoma, Ịmagọgị, Ịmadayị, Ịjavanị, Itubari, Imeseki ne beri Itirasi. 3Di Igoma ọnị rẹ ma Asikanazi, Iripati ọnịrị Itogarima. 4Ezi ọnị Ijavani ọnị ma yị: Erisa, Itasisi, Ikitimi ne beri Idodanimi. 5Ịpa ẹnịnị aza ana ra hi ini òkū ọnịrị ụtọ òkū chị hụrẹ nị. Ọzọza vị ana ra ẹkụra anị dị ọzọza raa kà ẹkụra anị nị.
6Ezi ọnị Ihami ma yị: Ikusi, Ijipiti, Iputi ọnịrị Ikanaani. 7Ezi Ikusi ẹ vị Ịsẹba, Ihavira, Isabita, Iraama ne beri Isabiteka. Di Iraama ọnị ma Iseva ọnị ma Iseva ọnịrị Idedanị nị. 8Ikusi ọ ma Inimirodi nị. Inimirodi ọnọọ ọ vị ọnịpaapa ịnị ẹhẹ ana vị ọnụkata nị. 9Ẹnẹyịmavara ộ sị ụkata yọ ka ó yara zube. Ọnị a sịị̄ kà a ka Ẹnẹyịmavara ọ̀ sị ụkata yị wụ anka ọ mẹ̀ sị ụkata yị Inimirodi ka ọ̀ yara zube. 10Ẹtẹ ọnị Inimirodi rị ohinọyị tụra ô nyima hụrẹ ẹkụra Ịbabịrọnị, Ereki na ngụ ẹkụra Akadi ọnịrị ẹkụra Ikarine. Avaba ẹkụra ẹnịnị vi ene hi ini ẹtẹ Isinari. 11Inimirodi ộ hụrẹ ẹtẹ ọnọọ ộ nọ ịnị ẹtẹ Asiriya dị ọ na dà ẹkụra ọbanyị ana aā hị́ Ininivẹ, Irehoboti-Iri, Ikara ọnịrị 12Ịrẹsẹnị vị ana yà ịnị akakana Ininivẹ ọnịrị Ikara. 13Ezi oni Ijipiti ọnị ma yị: Irudimi, Anami, Irehabimi, Inahwituhi, 14Anipatirusimi ọnịrị Anikasiruhimi, beri Anikahwitorimi. Anihwirisiti nịnị vị ana chị hụrẹ Ikasiruhimi vẹ. 15Ezi ọnị Ikanaani ma yị. Ozi ọzọkụ anị ọ̀ vị Ịsịdọnị nị. Ana vọ ẹ vị Iheti, 16Anijebusi, Anamọrị, Anigirigasi, 17Anihivi, Anaakị, Anisini. 18Dị ọ rẹ ma Anaavadi, Anizema ọnịrị Anihamati. Ịjị ọ dà kụ̀ di obooro Anikenaani gara ngụ ọ zịịzị nị. 19Ẹtẹ Anikenaani ộ hụrẹ Ịsịdọnị ẹbẹẹba ózee Igera dị ọ na pooro na ngụ ẹkụra Igaza nị. Ọ rẹ zi oze Isodọmị, éyi ọnị ọyị azị hụrẹ Igomora, Adima ọnịrị Izeboyimi vavọọ na ngụ ịzị aā hị́ Irasa. 20Ụnanka Ihami ẹ vị ẹnẹẹ nị anka ovwoovu ọzọza ọnịrị ẹkụra ẹnịnị ne beri ẹtẹ ẹnịnị.
21Isemi ẹnẹbẹnị Ịjahwẹtị ọ vị ohiku ezi Ẹba nị, a rẹ ma ozi yị ọnị 22Ezi Isemi ẹ vị Erami, Asuri, Aripakisadi, Irudi ne beri Aramị. 23Di ezi Aramị ẹnị vị Uzi, Ihuri, Ịgẹtẹrị ọnịrị Imasi nị. 24Aripakisadi ọnị ọ ma Ịsẹẹra, di ọnị vị ada Ẹba nị. 25Ama ozi ọnọrụ ẹẹva yị Ẹba Ọnya ọ rị Ịpẹrẹgị nị Ịnị ụmẹ Ịpẹrẹgị anẹhẹ sị gà hi nị. Ịrẹha ọyịnyara Ịpẹrẹgị ọ rị Ijokitani nị. 26Ezi Ijokitani ẹ vị Arimodadi, Iserepi, Ihazamaveti, Ijerahi, 27Ihadoramị, Uzari, Idikirahi, 28Ọbarị, Abimẹrị, Ịsẹba, 29Ohwiri, Ihavira ọnịrị Iyobabu. Avaba ẹnịnị vi ezi Ijokitani. 30Ẹtẹ ẹnị ẹ ra hi ịnị anị ộ hụrẹ Imesa ózee ẹkụra Isepara na ngụ ịnị ataba ene hi eyi ịzị ọyịị̄ zịị vẹ. 31Ẹnị ẹ vị obooro Isemi nị. Ọzọza vị ana nyị ovwoovu anị, dị ẹ nyị ẹkụra ẹnịnị ẹnị ẹ yaa kà, dị ẹ rẹ nyị ẹtẹ ẹnịnị nị. 32Aza ẹnẹẹ ẹ vị ezi Inowa nị. Ịpa ọzọza ịnị ẹkụra ọzọza a hị́ aanị nị. Hụụnị ịpa ẹnịnị avaba ẹkụra chị hụrẹ dị ẹ gara hi ẹhẹ ịrẹma ọhaara enyi nị.
Valgt i Øjeblikket:
Oyinyima 10: EBTP
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Ebira First Bible © Bible Society of Nigeria, 2014.