Psom 101
101
Promes rwayal
Enn Psom David.
1Mo pou sant lwayote ek lazistis,
e mo pou sant li pou twa O SEGNER.
2Mo pou viv enn lavi san fot.
Kan to pou vinn ver mwa?
Mo pou viv enn lavi prop san repros
dan lakaz kot mo gouverne.
3Mo pa pou toler ki lemal
vinn dan mo prezans.
Mo deteste aksion bann ki renie Bondie;
mo pa pou frekant zot, ni aksepte zot aksion.
4Mo pa pou fer nanye malonet
e mo pou refiz tou tranzaksion ar lemal.
5Mo pou detrir ninport kisann-la ki an sekre
fer plan mesanste kont so prosin;
mo pa pou toler bann vantar ek arogan.
6Mo pou dan faver bann ki res fidel ar Bondie
e pou ena plas pou zot kot mwa.
Zis bann ki onet dan zot manier viv
pou gagn drwa servi mwa.
7Bann ki pratik tronpri
pa pou ena plas dan mo lakaz;
ipokrit ki servi mansonz
pa pou ena plas dan mo prezans.
8Zour apre zour boner gramatin
mo pou detrir move dimounn dan pei;
move dimounn pa pou ena plas
dan lavil LESEGNER.
Valgt i Øjeblikket:
Psom 101: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.