Psom 17
17
Lapriyer enn inosan
Enn lapriyer David.
1SEGNER, ekout mo lapriyer ki demann lazistis;
tann mwa ki pe apel osekour;
pa ignor enn lapriyer onet.
2Ki mo zizman li sorti kot twa,
parski to trouv ki bon, ki drwat.
3Si to examinn fon mo leker;
si pandan lanwit to vey mwa, si to teste mwa,
to pa pou trouv okenn blam kont mwa.
Mo labous zame dir move kiksoz
4kouma lezot fer; mo prefer ekout to konsey
ek evit sime violans.
5Mo finn touletan mars lor sime ki to finn trase
e zame mo pa finn derape.
6Mo apel twa O Bondie
parski mo kone to pou reponn mwa;
mo sipliy twa ekout mwa ar pasians,
ekout parol ki mo pe dir twa.
7Montre mwa to gran lamour fidel,
twa ki ofer proteksion bann ki rod sekour kot twa;
zot sap dan lame bann agreser.
8Protez mwa kouma trezor pli presie devan to lizie;
kasiet mwa dan lonbraz to lezel
9kont move dimounn ki rod fer mwa dimal,
kont lennmi ki pe antour mwa.
10Zot leker ros, san okenn pitie,
e zot labous ranpli ar larogans.
11Zot lasas mwa; kot mo bouze zot otour mwa;
zot pe vey lokazion pou fer mwa manz lapousier.
12Kouma lion zot pare pou desir-desir mwa.
Parey enn zenn lion zot pe atann dan kasiet pou sot lor mwa.
13O SEGNER, lev twa! Dibout divan zot, ranvers zot!
Servi to lepe kont move dimounn pou sap mo lavi.
14Protez mwa kont sa kalite dimounn la,
ki rasazie ar ramas dibien olie fer lebien;
fer ki zot zanfan ek ti zanfan
ranpli zot vant ziska zot rasazie.
15Mwa, akoz lazistis, mo pou trouv twa divan mwa;
e kan soley leve, to prezans ranpli mwa ar lazwa.
Valgt i Øjeblikket:
Psom 17: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.