Psom 46
46
Lesegner Bondie li ar nou
Pou sef koral. Instriksion ki sorti dan fraternite Kore. Dapre Alamot. Enn sante.
1Bondie, limem nou protekter,
lasours nou lafors;
kan difikilte pe kraze partou
Li touzour la pou ed nou.
2Akoz sa nou pa per kan later tranble
ouswa kan montagn al fonn dan fon lamer;
3nou pena pou per mem kan lamer leve ek kime
e li sakouy montagn avek violans.
4Ena enn larivier ki amenn lazwa
dan lavil Bondie,
dan lakaz ki pli sin, lakaz Bondie Pli Lao.
5Bondie omilie so lavil ki pa pou konn destriksion;
letan soley leve, li fini la pou donn sekour.
6Bann tribi tranble; bann rwayom degringole;
Bondie koze kouma toner, later fonn.
7LESEGNER Toupwisan li touletan ar nou!
Bondie ki Zakob ti priye limem nou protekter.
8Vini, vinn get avek admirasion grander LESEGNER;
vinn get ravaz ki li finn fer lor later.
9Li finn aret lager ki ena partou dan lemond;
kas-kas bann zarm an morso
e bril lekipman militer dan enn gran dife.
10“Arete “li dir” e rekonet ki
momem Bondie;
pa bliye, mo regn lor tou nasion;
mo regn lor liniver.”
11LESEGNER Toupwisan
Li touletan ar nou!
Bondie ki Zakob ti priye
limem nou fortres.
Valgt i Øjeblikket:
Psom 46: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.