Psom 47
47
Lesegner Bondie Toupwisan
Pou sef koral. Enn Psom ki sorti dan fraternite Kore.
1Tou dimounn lemond antie tap lame for-for!
For-for anou sant louanz Bondie avek lazwa!
2LESEGNER, Bondie Pli Lao li redoutab
li enn gran lerwa lor later antie.
3Li soumet bann pep anba nou pouvwar,
li met bann nasion anba nou kontrol.
4Li finn swazir enn patrimwann pou nou,
parski li kontan nou, fierte Zakob.
5Bondie monte parmi aklamasion,
LESEGNER monte ar son tronpet.
6Sant louanz Bondie, sante!
Sant louanz nou lerwa, sante!
7Bondie lerwa antie later;
sant enn psom pou loue li.
8Bondie regn lor tou bann nasion;
li asiz lor so tronn sakre.
9Tou bann dirizan lezot nasion rasanble
avek lepep Bondie ki Abraam ti priye.
Tou pouvwar lor later pou Bondie
limem ki pli lao ki tou.
Valgt i Øjeblikket:
Psom 47: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.