Psom 48
48
Laglwar e lafors Sion
Enn kantik. Enn Psom ki sorti dan fraternite Kore.
1LESEGNER li gran, e li merit louanz
dan lavil nou Bondie, lor montagn sakre.
2Li bien ot e inpresionan,
li donn lazwa dan lemond antie,
montagn Sion, dan extrem Nor,
lavil gran lerwa.
3Bondie parmi bann sitadel dan lavil
finn montre limem enn sekirite garanti.
4Bann sef tribi ansam ar zot larme
fer lalians pou atak montagn Sion
5me ler zot trouv li dres divan zot,
zot sezi, zot panike, zot sove-ale.
6Lerla tranbleman trap zot,
enn douler kouma madam ki pe gagn ti-baba;
7parey kouma pirog balote dan siklonn.
8Nou finn deza tande
aster nou finn trouve ar nou de lizie,
dan lavil LESEGNER Toupwisan,
dan lavil nou Bondie,
ki li finn etabli pou touzour.
9Andan to Tanp, Bondie,
nou medit lor to lamour infini.
10Nou tann to louanz, parey kouma to nom,
partou lor later.
To lotorite ranpli ar zistis.
11Montagn Sion viv dan lazwa;
bann vilaz dan Zide konn enn gran boner
akoz to bann zizman.
12Fer letour Zerizalem
kont so bann tour,
13admir so ranpar,
mars atraver so sitadel,
pou zot kapav rakont zot zanfan ek ti zanfan.
14Bondie, li nou Bondie pou touletan,
li pou gid nou pou touzour.
Valgt i Øjeblikket:
Psom 48: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.