Psom 53
53
Mesanste partou
Enn Psom David, dan repertwar sef koral.
1Bann inbesil panse dan zot leker,
“Pou mwa, pena Bondie!”
Zot koronpi; zot fer bann krim orib;
pena enn osi ki fer dibien.
2Bondie depi lesiel lao pe obzerv limanite anba
pou gete si ena dimounn ki posed lasazes;
si ena dimounn ki pe rod ador Bondie.
3Me zot tou finn perdi sime;
zot tou zot dan koripsion.
Pena enn sel ki mars dapre drwatir,
mem pa enn sel.
4Bann ki fer linzistis, zot pa konpran?
Zot devor mo bann fidel kouma zot devor manze,
e zot pa invok nom Bondie?
5Me zot pou tranble ar enn gran freyer,
enn freyer ki zame pa finn kone.
Lennmi ki antour twa, Bondie pou eparpiy zot lezo partou kote;
zot pou konn laont, parski Bondie finn rezet zot.
6Mo priye ki liberasion Izrael pou vinn depi oter Sion.
Desandan Zakob, lepep Izrael pou dan gran lazwa
kan Bondie fer zot retrouv zot dibien.
Valgt i Øjeblikket:
Psom 53: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.