Psom 52
52
Fer konfians zizman Bondie
Pou sef koral. Instriksion David. Letan Doeg enn Edomit ti vinn dir Sail, “David finn rant dan lakaz Abimelek.”
1Kifer to fer vantar, gran misie?
Enn zourne to vantar mem lor bann mesanste.
2To tir plan pou fer ditor;
to lalang fite kouma razwar.
To invant fos koze
3e li kler to prefer lemal olie lebien;
to prefer mansonz plis ki laverite.
4To servi parol pou bles dimounn!
To kontan tronp dimounn.
5To pa pou sape ar Bondie;
li pou detrir twa pou touletan;
li pou tir twa par kole depi to lakaz
li pou derasinn twa depi later bann vivan.
6Ler dimounn ki viv drwat trouv sa, zot pou gagn per;
apre ki zot pou koumans gagn riye.
7Zot pou dir, “Get li do!
Li pa ti pe dir ki li pa bizin proteksion Bondie?
Li pa ti pe dir ki se so fortinn ki ti pou sov li?
Li pa ti krwar ki so boner li dan mesanste?”
8Me mwa mo kouma enn pie zoliv
dan Tanp Bondie;
mo finn fer konfians so lamour infini
pou leternite.
9Bondie, mo pou touzour dir twa mersi
pou tou seki to finn fer;
dan lasanble bann fidel
mo proklam to grander parski to vreman bon.
Valgt i Øjeblikket:
Psom 52: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.