Psom 61
61
Lapriyer pou demann proteksion
Pou sef koral. Pou instriman ar lakord. Psom David.
1Ekout mwa kriye twa, O Bondie;
tann mo lapriyer!
2Depi dan bout later mo kriye twa,
mo dekouraze, mo dezespere.
Kondir mwa lao, dan enn oter,
ki tro ot pou mwa.
3Tomem mo protekter,
enn latour solid kont mo adverser.
4Les mo viv dan to lakaz pou touletan;
donn mwa proteksion anba to lezel.
5Bondie, to finn tann promes ki mo finn fer
e to finn donn mwa enn par
dan benediksion ki to donn bann ki onor twa.
6Azout boukou lane dan lavi nou lerwa;
fer ki li viv bien lontan.
7Fer ki so regn dire pandan lontan ankor
parski to finn beni li.
Ki to fidelite ek to lamour prezerv li.
8Mo pou selebre to louanz touletan,
sak zour mo pou onor mo promes.
Valgt i Øjeblikket:
Psom 61: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.