Psom 75
75
Bondie, tomem pli gran ziz
Pou sef koral. “Pa amenn destriksion. “Enn Psom Asaf. Enn sante.
1Mersi Bondie, mersi!
Nou selebre to nom, parski li pros ar nou.
Dimounn rakonte touletan bann mirak extraordiner
ki to finn fer.
2Bondie dir,
“Ler zizman, mwa ki deside.
Mo zizman pou baze lor drwatir.
3Mem si tou kreatir vivan pou tranble,
mem si later pou sakouye,
Mo pou tini so bann kolonn anplas.
4Mo averti bann fezer, “Aret fer zot fezer.”
Mo dir bann move dimounn, “Aret fer vantar.
5Aret fer fanor, e koz ar linsolans!”
6Grander pa sorti dan les ou dan lwes;
dan lenor ou dan Lesid.
7Bondie, limem ki ziz;
li kondann enn, li relev enn lot.
8LESEGNER tini dan so lame
enn koup ranpli ar divin bouyant, bien melanze ar zepis.
Li devid li dan lagorz bann move dimounn,
fors zot aval tou ziska dernie gout.
9Mwa mo pa pou aret koz
lor grander Bondie ki Zakob ti adore;
mo pa pou aret sant so louanz.
10Li pou detrir pouvwar bann ki pratik lemal
e grandi pouvwar bann ki pratik lebien.
Valgt i Øjeblikket:
Psom 75: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.