Psom 76
76
Bondie limem pli gran
Pou sef koral. Pou instriman lakord. Enn Psom Asaf. Enn sante.
1Tou dimounn dan Zide konn Bondie;
dan Izrael, ena gran respe pou so nom.
2So lakaz li dan Zerizalem;
Li viv lor Montagn Sion.
3Dan so Tanp li detrir zarm ek larsenal so lennmi.
4Get kouma to gran, Bondie, get kouma to inpresionan
ler to desann montagn kot to finn konkerir to adverser.
5Bann brav solda lennmi finn perdi tou
e aster zot finn rant dan zot dernie somey.
Mem pa enn parmi zot pou kapav servi so lafors.
6Ler to ti menas zot O Bondie
ki Zakob ti adore,
seval ek kavalie ti tom sek.
7Twa, to redoutab, twa.
Kisann-la kapav res insansib
kan to lakoler exploze?
8Depi dan lesiel to ti pronons to zizman;
lemond ti tranble; silans ti konple
9ler, twa Bondie, to ti dibout pou etablir zizman
pou ed bann ki ti pe sibir dominasion.
10Mem lakoler dimounn pou fer to laglwar pli gran,
bann ki sap dan sa lakoler la pou vinn antour twa.
11Donn LESEGNER to Bondie seki to ti promet li;
tou dimounn dan tou nasion ofer li zot ofrand,
pou sa Bondie pou ki zot ena lakrint la.
12Li fer bann prins vantar bes latet;
li terifie bann gran lerwa lor later.
Valgt i Øjeblikket:
Psom 76: KMNT
Markering
Del
Kopiér
Vil du have dine markeringer gemt på tværs af alle dine enheder? Tilmeld dig eller log ind
Nouvo Testaman Kreol Morisien Harmonisation NTPS KM © Bible Society of Mauritius, 2021.