Beliebte Verse in Mo꞉mo꞉do꞉ 6

Teilen

Henfelo꞉ wenamio꞉ kaluka꞉isaleyo꞉ mogago꞉wo꞉ alan dimida꞉lab, a꞉la꞉ta꞉ga꞉ iyo꞉ ho꞉leno꞉ tambo mogago꞉ dimidama꞉no꞉ asulo꞉ a꞉no꞉ko꞉ ha꞉na꞉lab. Yawe eyo꞉ mogago꞉ dimida꞉len a꞉no꞉ alan ba꞉da꞉ga꞉, eyo꞉ a꞉la꞉asulo꞉, “Siya꞉, niyo꞉ kaluka꞉isaleyo꞉ mo꞉dimidaluwo꞉ go꞉.” A꞉la꞉asulakiyo꞉ e nofolo꞉wo꞉ alan dowo꞉.

Henfelo꞉ wenamio꞉ kaluka꞉isaleyo꞉ mogago꞉wo꞉ alan dimida꞉lab, a꞉la꞉ta꞉ga꞉ iyo꞉ ho꞉leno꞉ tambo mogago꞉ dimidama꞉no꞉ asulo꞉ a꞉no꞉ko꞉ ha꞉na꞉lab. Yawe eyo꞉ mogago꞉ dimida꞉len a꞉no꞉ alan ba꞉da꞉ga꞉, eyo꞉ a꞉la꞉asulo꞉, “Siya꞉, niyo꞉ kaluka꞉isaleyo꞉ mo꞉dimidaluwo꞉ go꞉.” A꞉la꞉asulakiyo꞉ e nofolo꞉wo꞉ alan dowo꞉.

Ko꞉sega Yawe e Noa ba꞉da꞉ga꞉yo꞉, sagalo꞉wo꞉ alan dowaki Noa e kanulo꞉ alifa꞉.

Noa elo꞉ dimido꞉ malolo꞉wo꞉ we. Godeya꞉ siwa꞉l amio꞉, Noa e mada digalo꞉ kalu ko꞉lo꞉, e Gode o꞉lia꞉ ege dowaki, Godeya꞉lo꞉ asulab au kudu ha꞉na꞉len. Gode eyo꞉ Noa o꞉lia꞉, kaluka꞉isale e o꞉lia꞉lo꞉ sen i a꞉no꞉ ba꞉ba꞉ amio꞉, halalo꞉ mo꞉dimida꞉sen kaluwo꞉ imilig, Noa eko꞉ ba꞉ba꞉.

Yawe eyo꞉ towo꞉ a꞉la꞉sio꞉, “Niyo꞉ kelego꞉wo꞉ tambo dimida꞉la꞉ga꞉ ta꞉fo꞉ ko꞉sega, ha꞉iyo꞉ niyo꞉ mo꞉dimido꞉ kibo꞉bowo꞉ o꞉li domabe. A꞉la꞉fo꞉ko꞉lo꞉ niyo꞉ kaluka꞉isaleyo꞉lo꞉, no꞉wo꞉lo꞉, no꞉ kelego꞉ galin hen amilo꞉ dalolia꞉ ha꞉nano꞉lo꞉, o꞉ba꞉ iwalulo꞉ sano꞉lo꞉, henfelo꞉ amilo꞉ a꞉lab we tambo yasa danelaki dila꞉ma꞉no꞉.”

Tif amio꞉ kaluka꞉isaleyo꞉ modo꞉ ko꞉lo꞉ fa꞉la꞉dowakiyo꞉, henfelo꞉ wenamio꞉ ililima꞉niki mo꞉mo꞉do꞉. A꞉la꞉ta꞉ga꞉ iliyo꞉ ka꞉isale so꞉wayo꞉lo꞉ sa꞉la꞉la꞉len. Ho꞉len a꞉namio꞉ Hebene sowa꞉ i nolo꞉ tinda꞉sa꞉ga꞉, henfelo꞉ gayo꞉ ba꞉da꞉sa꞉ga꞉, ga a꞉no꞉ gesego꞉ nafale ba꞉dabiki, inido꞉ asulab au dialifelo꞉. A꞉la꞉gabiki Gode Yawe eyo꞉ towo꞉ a꞉la꞉sio꞉, “Kaluka꞉isale i we henfelo꞉ a꞉ma꞉no꞉ ko꞉lo꞉, nilo꞉ i amilo꞉ mela꞉no꞉ mama ta꞉fo꞉ a꞉no꞉, i amio꞉ ho꞉leno꞉ tambowo꞉ mo꞉ta꞉fo꞉mela꞉no꞉. O꞉g wena mo꞉mo꞉dakiyo꞉, iyo꞉ donayo꞉ 120 a꞉la꞉fo꞉ a꞉nako꞉ mesa꞉ib.” O꞉g ho꞉len wena a꞉la꞉ta꞉ga꞉ tif amio꞉lo꞉, Hebene so꞉wa i a꞉ma꞉yo꞉ henfelo꞉ gayo꞉ dialifelo꞉ ko꞉lo꞉, so꞉wayo꞉ a꞉na sa꞉la꞉la꞉. So꞉wa ililo꞉ sa꞉la꞉la꞉ i a꞉no꞉ Na꞉filim a꞉la꞉sa꞉lan a꞉la꞉ta꞉ga꞉ iyo꞉ halaido꞉ kilo꞉ di ko꞉lo꞉ wabulun kalu tamin amilo꞉ eleno꞉ i o꞉m.

A꞉la꞉fo꞉ko꞉lo꞉ Godeya꞉lo꞉ emo꞉lo꞉ dimidama꞉kilo꞉ sio꞉ o꞉leaumbo꞉ Noa eyo꞉ tambo dimido꞉.

A꞉la꞉fo꞉ko꞉lo꞉ Gode eyo꞉ Noamo꞉wo꞉ a꞉la꞉sio꞉, “Henfelo꞉ wenamio꞉ kaluka꞉isaleyo꞉ egelebo꞉ babuma꞉no꞉ man a꞉no꞉ ililitab ko꞉lo꞉, niyo꞉ a꞉no꞉ aloba꞉da꞉sa꞉ga꞉ kaluka꞉isaleyo꞉ kedela꞉ma꞉nigo꞉l a꞉la꞉asulakiyo꞉, niyo꞉ henfelo꞉wo꞉ mogagilaki, kaluka꞉isaleyo꞉ tambo yasa danela꞉ma꞉nigo꞉l.

Giyo꞉ i nafayo꞉ dia꞉ga꞉, ho꞉n ko꞉suwo꞉ a꞉ma꞉ dimida꞉bi. Ho꞉n ko꞉su usamio꞉ gala tandea꞉bi. A꞉la꞉ta꞉ga꞉ ho꞉no꞉ ko꞉su usamio꞉ tinabena꞉ki i maga꞉yo꞉ ha꞉la꞉ amio꞉lo꞉, us amio꞉lo꞉ mulula꞉bi.

Henfelo꞉ amio꞉ kaluka꞉isale iliyo꞉ man mogago꞉wo꞉ kudu ha꞉na꞉len ko꞉lo꞉, Gode eyo꞉ henfelo꞉ we mada mogago꞉le elena ba꞉ba꞉.

Henfelo꞉ amilo꞉ mela꞉no꞉lo꞉ a꞉lab a꞉no꞉ o꞉ta꞉i hamana꞉kiyo꞉, giyo꞉ a꞉la꞉, a꞉la꞉ a꞉la꞉bo꞉ tililia꞉ga꞉, ge o꞉lia꞉ ho꞉n ko꞉su us a꞉na tina꞉bi. O꞉ba꞉ ko꞉li ko꞉lilo꞉, no꞉ ko꞉li ko꞉lilo꞉, a꞉la꞉ta꞉ga꞉ no꞉ kelego꞉ galin hen amilo꞉ dalolia꞉ ha꞉nan ko꞉li ko꞉lilo꞉ a꞉no꞉ tambo, de o꞉lia꞉ mala o꞉lia꞉yo꞉ gi tililia꞉ tina꞉bi.