Beliebte Verse in मत्ती 5

Teilen

सी साङ दिप्‍ली च्‍येनी शोमकी वोक्‍ला मोज्‍योकिवी, यिने खाङ्‍बी नाङ्‍ला वोतुप मीतिवा तेरीकी थोङ्‍गुप दासाला ज्‍योकिवी। तुक क्‍यासिन खाङ्‍बी नाङ्‍ला वोतुपतिवा तेरीकी ठछ्‍येली थोङ्‍गिवी। ती दोके ख्‍यिरा वोसिर ति मीतिवी चिप्‍ला ग्‍यक च्‍यिनी तिवी ख्‍यिरा क्‍यावु लाका ल्‍यामु थोङ्‍नी देवाच्‍येनला ज्‍यु वोतुप ख्‍यिरा पपा कोन्‍छ्‍योकला सोवा देक च्‍यी।”

ख्‍यिराङ ति जम्‍बुलिङकी वोसिर यिन। पम्‍दोकला वोतुप ग्‍येसा ति बानी ज्‍योक मुथुपी।

मोलाम थोपुप यिनो, सेम टेङ्‍बु वोतुपतिवा, च्‍यिलासिसिन तिवी कोन्‍छ्‍योकला थोङ्‍गितो।

मोलाम थोपुप यिनो, टेङ्‍बु छोलुपला सेमगी दिङ नेज्‍युन छासे नो कितुपतिवा, च्‍यिलासिसिन तिवी सेमला गोवुतिवा तेरी ङ्‍येकितो।

यिने ङ ख्‍यिराङला सिरिन, ख्‍यिरा डतिवाला ङ्‍यिङ्‍ज्‍ये की, ख्‍यिराङला छेटाङ तेरुपतिवी थोक्‍ला मोपोर की।

“मोलाम थोपुप यिनो, सेमला नरी कोन्‍छ्‍योकला छोलुपतिवा, च्‍यिलासिसिन देवाच्‍येनकी ग्‍येल्‍खाप ति तिवी ति यिनो।

मोलाम थोपुप यिनो, क्‍येङ्‍सु गलुपतिवी पर्ला थिन ज्‍यितुपतिवा, च्‍यिलासिसिन कोन्‍छ्‍योककी तिवाला खोकी पेजा सिनी सुङ्‍गितो।

मोलाम थोपुप यिनो, दुङल क्‍यानी ङुप्‍राङ कितुपतिवा, च्‍यिलासिसिन कोन्‍छ्‍योककी तिवाला टोङ्‍गु नङ्‍गितो।

मोलाम थोपुप यिनो, कोन्‍छ्‍योककी कला ङ्‍येन्‍दुप तप्‍की छेटाङ दुङल ख्‍येलुपतिवा, च्‍यिलासिसिन देवाच्‍येनकी ग्‍येल्‍खाप ति तिवी ति यिनो।

मोलाम थोपुप यिनो, मी यम्‍बाला च्‍यम्‍बा कितुपतिवा, च्‍यिलासिसिन कोन्‍छ्‍योककी तिवाला च्‍यम्‍बा क्‍या नङ्‍गितो।

ख्‍यिराङला मोलाम थोपुप यिनो। चो पेला मीतिवी ङे थोक्‍ला ख्‍यिराङला मर्च्या कितुप ताङ छेटाङ तेरुप ताङ टेङ्‍बु मेतुप ताम्‍ङे बङी लाप्‍नी मेलोवा किवी, ती पेला ख्‍यिराङ गा किसा, च्‍यिलासिसिन देवाच्‍येनला ख्‍यिराङला छ्‍यक्‍तक ग्‍येर्पु थोप्‍कितो। ख्‍यिराङ सिनाङ गोमाला वावु कोन्‍छ्‍योककी लुङ्‍तेम्‍बातिवाला साङ मीतिवी तुक राङ क्‍यानी छेटाङ बिन्‍सुङ।”

मोलाम थोपुप यिनो, सेम बोल्‍मु वोतुपतिवा, च्‍यिलासिसिन कोन्‍छ्‍योककी तिवाला जम्‍बुलिङ ति तिवी ति यिन सिनी नङ्‍गितो।

“ख्‍यिराङ ति जम्‍बुलिङकी छ यिन। दोजो छकी छेटोक तोर्सुङ सिसिन चुक क्‍यानी येलुङ छेटोक जो थुप्‍किवी रो? ती याङ काङ साङ फेन मोथोवु गल्‍नी पाङ्‍ला क्‍युर्नी मी काङ्‍बी वोक्‍ला लेपुप तिराङ यिन।

तुक क्‍यानी देवाच्‍येनला ज्‍यु वोतुप ख्‍यिरा पपा कोन्‍छ्‍योक तेरी ताम्‍ङेला टेके वोतुप दोके ख्‍यिराङ साङ तेरी ताम्‍ङेला टेके वुङ गोकिवी।”

ख्‍यिरा ताम्‍ङे ति यिन्‍सिन यिन, मिन्‍सिन मिन, तोजोयी तिराङ सी। ती सिनाङ ल्‍हक्‍पा लापुप ति दुक्‍टा नेमा वावु यिन।”

“येलुङ मोशाकी ठिमला ‘मिककी थोक्‍ला मिक ङ्‍येन लङ्‍गुप, से थोक्‍ला स ङ्‍येन लङ्‍गुप।’ सिक्‍यावु ति ख्‍यिरा थोनी वोच्‍यु। यिने ङ ख्‍यिराङला सिरिन, ख्‍यिराङला मेलोक्‍पा कितुपतिवाला काङ साङ ङ्‍येन मालाङ। सी ख्‍योरो डम्‍बा यावाला बेप्‍किवे, तीला यम्‍बा थाकाकी डम्‍बा साङ जेनी बिन।

दोजो ख्‍योरो यावी थाकाकी मिककी ख्‍युरुङला दिक्‍पा कि ज्‍यिकिवी सिसिन ती मिक ति थेन्‍नी क्‍युर। ख्‍योरो तेरी जु ङ्‍येलाला लुम्‍बुप सिनाङ जुकी येन्‍लक च्‍यिक मेतुप ति ल्‍यामु यिन। येलुङ ख्‍योरो लाक्‍पा यावी ख्‍युरुङला दिक्‍पा कि ज्‍यिकिवी सिसिन तीला च्‍येनी क्‍युर। ख्‍योरो जु तेरी ङ्‍येलाला लुम्‍बुप सिनाङ जुकी येन्‍लक च्‍यिक मेतुप ति ल्‍यामु यिन।”