Beliebte Verse in KINAWANSAYAN 6

Teilen

om monosol diri o TUHAN do winonsoi dau iyolo' om monosol iyau do pinoiyon dau iyolo' do hiti'd pomogunan. Om monosol tomod diri o TUHAN

Tontok di nokito do TUHAN dot adalaan noddi kopio o kararaat do koinsanai'd tulun do hiti'd pomogunan om araat kasai' o pomusorou diyolo'

Nga' asanangan i' o TUHAN di Nuu.

Poingkaa o kinowoyo-woyoo' do koposi-posion di Nuu. Iyau nopo om kianak do tolu o kusai; i Sim, om i Ham, om i Yapit. I Nuu nopo om tulun dit a' i' momonsoi di kasala'; om iyau poo o tulun dit osonong do maso'ddi. Iyau nopo om poingulud kasai' i' do Kinorohingan.

gisom do minomoros iyau do poingkaa, “Punsoon ngai' ku nogi' iti tulun do winonsoi ku, om ilo nintorusan om ilo tombolog, tu' monosol oku no kopio do winonsoi ku iyolo',” ka dau.

Tontok di nokotongkop o tulun do hiti'd pomogunan, om tongoondu' diri nga' ogumu'. Om kokito noddi di tongokusai do mantad hilo'd surga dot ongolumis i kosumandakan do mantad hiti'd pomogunan. Om ongoi no iyolo' panansawo di tongoondu'ddi di kouhangan diyolo'. Om boros kaddi do TUHAN, “A' ku nondo pologoson o tulun do poimpasi kasai'; a' no milo dot a' iyolo' matai. Om mantad pondo do baino' om a' no ponoruon ko' hatus om duwo nohopod o toun diyolo' do poimpasi,” ka dau. Tontok nopoddi om dit id tohuri ko' iri, om haro o tulun dit angawaa om angagayo o tinan do hiti'd pomogunan. Iyolo' nopo om sinakagon di tongoondu' do mantad id pomogunan di nangkasawo di tongokusai do mantad hilo'd surga. Om iyolo' no i gunsiou om i tulun dot angabantug do maso'ddi.

Om tonudo' ngai' nopo di Nuu i pinonuhuan do Kinorohingan diri.

Om boros kaddi do Kinorohingan dot id di Nuu, “Natantu' ku no dot id suang do ginawo ku do punsoon ngai' ku o tulun. Insanan ku nopo iyolo' do mamatai tu' noponu' no iti pomogunan do kororongit diyolo'.

Nga' iya' nopo om momonsoi nod kapal do rahat dot i kayu dot ongotiru' o wonsoyon; om pogibilik-bilikon no o hiri'd suang, om saaton no do tir o ponong id suang om ponong id soliwan di kapal.

Om ontong no o Kinorohingan diti pomogunan om kokito no dau dot araat no kopio, tu' angaraat ngai' nopo o kowoyo-woyoon di tulun do hiri.

Om posuang no do hiri'd kapal do sarampasang-pasang o pointikid-tikid do bansa' do nintorusan om tombolog, om a' i' iyolo' apatai.