Beliebte Verse in Tabekacane 6

Teilen

la kasamadre ku tabekacaneini ki umawmase pikai kawmasane. La kwalri tubi ku kidremedreme, ku TAMATAMA la iya kai

Ku TAMATAMA sadrele ki laumawmase samakitu ngilisiane ku kidremedreme

Ai ku TAMATAMA kiaragai ki Nua.

Kikai tali lebe yai abulru pangukai ki Nua: Ku Nua tatulru ku sawvalai ku lalake, Seme, Hame, Yapethe. Ku Nua kadrwa ku pwalane, ikai kwini ki zidai kathane ku mwalecege ka umawmase; makiasudaalru ki Twaumase.

“Lri patwaladhaku kai ki kadaengane amudu kai ki bekaceli ka umawmase, la mialri amudu ki bulabulai, wagulagulai si adhadhame, asi lwiyane masamadraku kai tabekacaneli kai ki waudriwdripi.”

Sa edhalenga ku umawmase si alraelrenga kai kawmasane, si tulalalalakenga. Sakamani kwidra yakai kwidra “Lalalake ki twaumase” la drele ki lalalake ki umawmase kwidra ki labaibai ka tathaithariri, la ngisasingikaai ku kadalame lini si mwa sitaelrelre liniane. Lakamani, ku TAMATAMA amia kai, “Kai umawmase yai swakai ki beate, kai Rili kai lri apalralrawthu ikai adringi liniane; lakamani kai caili lini kai lri dulru palribate ki tara 120 ka caili.” Twalainga kwini, kai kadaengane yakai ku tadradrau ka umawmase mutaluvaivai. Kwini lalasu yai amani kwidra mwabaibalrithi ki “Lalalake ki Twaumase” si lalalake ki umawmase ka ababai; kai lalasu amani ku tamagarange si kiamatikaikai ka umawmase sakanadruma.

Ku Nua la singikai ku tapadrekadrekasane ki Twaumase nguvavaeeva pangimia.

Ku Twaumase amia kai ki Nua, “Malrithethengaku ku amudane ki laumawmase. Kai kawmasane swaeteanenga ku tapasalrivane lini, lri pakarededelaku liniane kai kawmasane amudu.

Kusu pilria si arakai ku mathariri ka angatu, la ngipapasikai darepe ku vaeva ku varukuru; kwini adringi ki varukuru lri pagiagiagisisu ku taikaikaiyane, tali adringi si tali latadre la drisisi ku keretange.

Ku Twaumase la paswalebe drele kawmasane, la drele kawmasane ka ngialisianenga, ku tangivelevelane si kakwakudhane ki umawmase ngialisianenga turamuru.

La lri mialrisu malra ki makaelaela ka nilapulapwane, wagulagulai, adhadhame paececebe, ku sawvalai si ababai iluku mwa adringi ki varukuru, lani kipalakebe ku niake lini.