1
ᒫᑎᔫ 7:7
ᒋᔐᒪᓂᑑ ᐅᑕᔨᒳᐃᓐ ᑳ ᐅᔅᑳᒡ ᑌᔅᑎᒥᓐᑦ
ᓂᑐᑕᒫᒄ ᑖᓐ ᐁ ᐃᔑ ᓂᑐᐌᔨᐦᑕᒣᒄ, ᐁᒄ ᒫᒃ ᒉ ᒦᑯᔦᒄ᙮ ᓈᓂᑐᐌᔨᐦᑕᒧᒄ ᐁᒄ ᒫᒃ ᒉ ᒥᔅᑲᒣᒄ᙮ ᐸᐹᐅᐦᐄᒉᒄ ᐁᒄ ᒫᒃ ᒉ ᐋᐸᐦᐊᒫᑯᔦᒄ᙮
Vergleichen
Studiere ᒫᑎᔫ 7:7
2
ᒫᑎᔫ 7:8
ᐌᔥ ᑕᐦᑐ ᐊᐌᓐ ᑳ ᓂᑐᑕᒫᑦ ᒋᑲ ᒥᔮᑲᓅ ᐊᓂᔫ ᑳ ᐃᔑ ᓂᑐᑕᒫᑦ᙮ ᑕᐦᑐ ᐊᐌᓐ ᑳ ᓈᓂᑐᐌᔨᐦᒉᑦ ᒋᑲ ᒥᔅᑲᒻ ᐊᓂᔫ ᒉᒀᔫ ᑳ ᓈᓂᑐᐌᔨᐦᑕᐦᒃ᙮ ᑲᔦ ᑕᐦᑐ ᐊᐌᓐ ᑳ ᐸᐹᐅᐦᐄᒉᑦ ᒋᑲ ᐋᐸᐦᐊᒧᐙᑲᓅ᙮
Studiere ᒫᑎᔫ 7:8
3
ᒫᑎᔫ 7:24
ᒥᓯᐌ ᐊᐌᓐ ᑳ ᓂᑐᐦᑕᐦᒃ ᓂᑕᔨᒧᐎᓂᔫ ᑳ ᐊᑎ ᐃᐦᑑᑕᐦᒃ ᒫᒃ ᐊᓂᔫ ᑳ ᐃᑗᐅᒡ, ᒬᐦᒡ ᓈᐯᐤ ᑳ ᑲᒉᐦᑖᐌᔨᐦᑕᐦᒃ ᐊᓂᑌ ᐁ ᐹᐦᐹᒋᐱᔅᑳᔨᒡ ᑳ ᐐᑳᐴᐦᑖᑦ ᐙᔅᑳᐦᐄᑲᓂᔫ ᐃᑌᔨᐦᑖᑯᓲ᙮
Studiere ᒫᑎᔫ 7:24
4
ᒫᑎᔫ 7:12
ᑖᓐ ᐁ ᐃᔑ ᓂᑐᐌᔨᒪᑣᐤ ᐊᐌᓂᒌ ᒉᒌ ᐃᐦᑑᑕᒫᔅᒀᐤ ᐁᑯᓐ ᐃᐦᑑᑕᒨᒡ᙮ ᐁᐅᒄ ᐆ ᑖᐱᔥᑯᓐ ᐁ ᐃᔑ ᒋᔅᑯᑕᒫᒉᒪᑲᐦᒡ ᐐᔓᐌᐎᓐ ᑲᔦ ᐁᑯᓐ ᑳ ᐃᔑ ᐙᐐᐦᑕᐦᒀᐤ ᐅᒋᔅᒋᐌᐦᐄᒉᓲᒡ᙮
Studiere ᒫᑎᔫ 7:12
5
ᒫᑎᔫ 7:14
ᐋᔨᒪᓐ ᒫᒃ ᐁ ᐱᒧᐦᑖᓅᐦᒡ ᐊᓐ ᒣᔅᑲᓅ ᐱᒫᑎᓰᐎᓂᐦᒡ ᑳ ᐃᑕᒧᐦᒡ᙮ ᓇᒧᐃ ᒫᒃ ᒥᐦᒉᑐ ᐊᐌᓐ ᒥᔅᑲᒻ ᐊᓂᔫ ᒣᔅᑲᓈᔫ᙮ ᒋᔅᒉᔨᐦᑖᑯᓲ ᐊᐌᓐ ᐁ ᐃᑌᔨᐦᑖᑯᓯᑦ ᐊᓂᔫ ᐁ ᐃᔑ ᐱᒫᑎᓰᑦ᙮
Studiere ᒫᑎᔫ 7:14
6
ᒫᑎᔫ 7:13
ᓃᔑᓐᐦ ᐃᔥᒀᐦᑌᒻᐦ, ᐯᔭᒄ ᐃᔭᑲᔥᑳᐤ ᐁᒄ ᐊᓐ ᐯᔭᒄ ᔖᑯᐙᔔ᙮ ᐊᓐ ᒫᒃ ᐃᔥᒀᐦᑌᒻ ᑳ ᐃᔭᑲᔥᑳᒡ ᐌᐦᑕᓐ ᒉᒌ ᐱᒧᐦᑖᓅᐦᒡ ᐊᓐ ᒣᔅᑲᓅ ᐊᓂᑌ ᑳ ᐃᑕᒧᐦᒡ, ᒥᒄ ᒫᒃ ᒪᒋᔥᑯᑌᐦᒡ ᐃᑕᒨ ᐊᓐ ᒣᔅᑲᓅ᙮ ᒥᐦᒉᑐ ᒫᒃ ᐊᐌᓂᒌ ᐱᒧᐦᑌᐅᒡ ᐊᓂᔫ ᒣᔅᑲᓈᔫ᙮ ᐊᓐ ᒫᒃ ᑳ ᔖᑯᐙᔑᒡ ᐃᔥᒀᐦᑌᒻ ᐁᑯᑌ ᒋᐹ ᐅᐦᒋ ᐲᐦᒉᓈᐙᐤ᙮
Studiere ᒫᑎᔫ 7:13
7
ᒫᑎᔫ 7:11
ᐋᑦ ᐁ ᐃᔥᐱᔥ ᒪᒑᑎᓯᔦᒄ ᐁᔪᐌᐦᒡ ᒋᒋᔅᒉᔨᐦᑌᓈᐙᐤ ᒉᒌ ᒥᔪ ᒥᔦᑯᒡ ᒋᑕᐙᔒᒧᐙᐅᒡ ᒉᒀᔫ᙮ ᐁᑎᑑ ᒫᒃ ᑰᐦᑖᐙᐤ ᑭᐦᒋᑮᔑᑯᐦᒡ ᑳ ᐃᐦᑖᑦ ᒋᑲ ᒥᔪ ᒦᐌᐤ ᑖᓐ ᐁ ᐃᔑ ᓂᑐᐌᔨᐦᑕᒧᐙᑲᓅᑦ᙮
Studiere ᒫᑎᔫ 7:11
8
ᒫᑎᔫ 7:1-2
ᐁᑳᐐ ᐎᔮᔅᑯᓂᒉᒄ, ᐁᒄ ᒫᒃ ᓇᒧᐃ ᒋᑲ ᐅᐦᒋ ᐎᔮᔅᑯᓂᑯᓈᐙᐤ᙮ ᐌᔥ ᑖᓐ ᒥᒄ ᒉ ᐃᔑ ᑲᓇᐙᐸᐦᑕᒧᐌᑴ ᑖᓐ ᐁ ᐃᔑ ᐎᔮᔅᑯᓀᒄ ᐊᐌᓐ ᐁᑯᓐ ᒬᐦᒡ ᒉ ᐃᔑ ᑲᓇᐙᐸᐦᑕᐦᒃ ᑲᔦ ᐎᔭ ᒋᔐᒪᓂᑑ ᐎᔮᔅᑯᓂᑖᑴ᙮ ᑖᓐ ᐁ ᐃᔥᐱᔥ ᒦᐌᑦ ᐊᐌᓐ ᒉᒀᔫ ᐁᐅᑯᓐ ᒬᐦᒡ ᒉ ᐃᔥᐱᔥ ᒥᔮᑲᓅᑦ᙮
Studiere ᒫᑎᔫ 7:1-2
9
ᒫᑎᔫ 7:26
ᐁᒄ ᐊᐌᓐ ᑳ ᓂᑐᐦᑕᐦᒃ ᑖᓐ ᐊᓂᔫᐦ ᐁ ᐃᑌᐅᒡ ᐁᑳ ᒫᒃ ᑳ ᐃᐦᑑᑕᐦᒃ ᒬᐦᒡ ᐊᐌᓐ ᐁᑳ ᑳ ᓂᓯᑗᔨᐦᑕᐦᒃ ᐊᓂᑌ ᔦᑳᐦᒡ ᑳ ᐐᑳᐴᐦᑖᑦ ᐅᐙᔅᑳᐦᐄᑲᓂᒻ ᐁᑯᓐ ᐁ ᐃᔑᓈᑯᓯᑦ᙮
Studiere ᒫᑎᔫ 7:26
10
ᒫᑎᔫ 7:3-4
ᒉᒀᓐ ᐌᐦᒋ ᓈᔥᒡ ᑲᓇᐙᐸᐦᑕᒧᐗᑦ ᒌᒋᔖᓐ ᐁ ᐊᐱᔖᔑᔨᒡ ᐅᐱᔑᓅᓐ ᐁᑳ ᒫᒃ ᐋᐸᑌᔨᐦᑕᒪᓐ ᐁ ᒥᐦᒑᔅᑯᐦᒡ ᒥᔅᑎᒄ ᐁ ᐱᔑᓂᔨᓐ ᒋᔭ᙮ ᑖᓂᑌ ᒉᒌ ᐅᐦᒋ ᐃᑕᑦ ᒌᒋᔖᓐ, ᓂᑲ ᐐᐦᑯᒋᐦᑖᓐ ᒫ ᒋᐱᔑᓅᓐ, ᒋᔭ ᒫᒃ ᐁ ᒥᐦᒑᔅᑯᐦᒡ ᒥᔅᑎᒄ ᐁ ᐱᔑᓂᔨᓐ᙮
Studiere ᒫᑎᔫ 7:3-4
11
ᒫᑎᔫ 7:15-16
ᐊᔮᒀᒦᔥᑕᐙᐦᑯᒡ ᒪᒋ ᐅᒋᔅᒋᐌᐦᐄᒉᓲᒡ᙮ ᒬᐦᒡ ᒫᓂᔥᒑᓂᔕᒡ ᐃᔑᓈᑯᓲᒡ ᐅᑕᐦ ᐅᔅᒋᒡ ᒥᒄ ᒫᒃ ᐲᐦᒡ ᐊᓂᑌ ᐅᐱᒫᑎᓰᐎᓂᐙᐦᒡ ᒬᐦᒡ ᒪᐦᐄᐦᑲᓂᒡ ᐃᑌᔨᐦᑖᑯᓲᒡ᙮ ᐊᓂᔫ ᐁ ᐃᑖᑎᓰᑣᐤ ᐁᑯᑦ ᒉ ᐅᐦᒋ ᒋᔅᒉᔨᒣᑯᒡ᙮ ᒬᐦᒡ ᒦᓂᔕᐦ ᓇᒧᐃ ᒌ ᓂᐦᑖᐅᒋᓐᐦ ᐅᑑᔅᐱᔮᐦᑎᑯᐦᒡ ᒫᒃ ᐄᓈᐦᑎᒄ ᓇᒧᐃ ᒌ ᓂᐦᑖᐅᒋᐦᑖᐤ ᒦᓂᔕᐦ᙮
Studiere ᒫᑎᔫ 7:15-16
12
ᒫᑎᔫ 7:17
ᐌᔥ ᐁ ᒥᔪ ᓂᐦᑖᐅᒋᑦ ᒥᔅᑎᒄ ᐁ ᒥᔪᓯᑣᐤ ᐙᐱᒥᓂᒡ ᒋᑲ ᓂᐦᑖᐅᒎᒡ ᐊᓂᑦ ᐊᓐ ᒥᔅᑎᒄ ᐁᒄ ᒫᒃ ᐁᑳ ᒥᔪ ᓂᐦᑖᐅᒋᑦ ᒥᔅᑎᒄ ᓇᒧᐃ ᒋᑲ ᒌ ᓂᐦᑖᐅᒎᒡ ᐁ ᒥᔪᓯᑣᐤ ᐙᐱᒥᓂᒡ ᐊᓂᑦ ᒥᔅᑎᑯᐦᒡ᙮
Studiere ᒫᑎᔫ 7:17
13
ᒫᑎᔫ 7:18
ᐁ ᒥᔪ ᓂᐦᑖᐅᒋᑦ ᒥᔅᑎᒄ ᓇᒧᐃ ᒋᑲ ᒌ ᓂᐦᑖᐅᒋᐦᑖᐤ ᒪᒋᒥᓐᐦ ᑲᔦ ᒫᒃ ᐁᑳ ᒥᔪ ᓂᐦᑖᐅᒋᑦ ᒥᔅᑎᒄ ᓇᒧᐃ ᒋᑲ ᒌ ᓂᐦᑖᐅᒋᑖᐤ ᒥᔪᒥᓐᐦ᙮
Studiere ᒫᑎᔫ 7:18
14
ᒫᑎᔫ 7:19
ᐊᓐ ᒫᒃ ᒥᔅᑎᒄ ᐁᑳ ᑳ ᒥᔪ ᒦᓂᔔᑦ ᒋᑲ ᓈᑣᑲᐦᐙᑲᓅ ᐁᒄ ᒉ ᒪᒋᔥᑕᐌᐱᓈᑲᓅᑦ ᐃᔥᑯᑌᐦᒡ᙮
Studiere ᒫᑎᔫ 7:19
Hauptbildschirm
Bibel
Lesepläne
Videos