Beliebte Verse in Àpɔ́sò 1

Teilen

Kɛɛ ti Zùù Hwɛ̀ǐn-hwɛ̀ǐnɔ̀ mu ɓě kɔ̃ dyiìn nyɛɛ, ɓě mu kpé ɓéɖéìn, ké ɓě mu ní zàse jǔùn ɖé Jùɖúsɛ̀ɖɛ̀ìn-hwɔ̀ɖɔ̀ɔ̀ mú kè ɖé Júɖìà-ɓòɖòɔ̀ kɔ̃ kè ɖé Sɛ̀mɛ́ɖìà-ɓòɖòɔ̀ kɔ̃ dà séín ɔ kè ɖéé ɖé ɓóɖó-kpàà sèìn-naín ɖekè.”

Ké ɔ cɛ̃ɛ ma wa gbo, ké ɔ ɖá, “Wé ɓě kè ti ɓě ɓɛ́ Ɓǎɔ̀ ɖǎ gbɔ po ɖé ɔ mìɔùn nììn kpé múɛɛ, ɓě se ɓéɖé ɓɛ́ ɓě kéɛ dyuò.

Ti ɓɛ́ Jízɛ̀ nì ma wa gboɛɛ, ɔ cɛ̃ɛ ma wa gbo, ɓɛ́ wa ní kɔ̃̀ ɖà Jùɖúsɛ̀ɖɛ̀ìn-hwɔ̀ɖɔ̀ɔ̀ mú dyí sɔ̀. Ɔ ɖá, “Ɓě fòìn ɖɛ ɓɛ́ Ɓǎɔ̀ ɖáìn ɓě nyɛ́nɛ́ín nyɛ. Ɔ mɔ̀ ɖɛ kɔ̃̀ jè ɓě wɔ̃́ ma kà ḿ wĩín nyɛ. Jɔ̃́ɔ́ po ɓě níɔ, kɛɛ ɔ se wé ɓáún-ɓáún sè, ɓɛ́ Gèɖèpɔ́ɔ̀ ké ɓě Zùù Hwɛ̀ǐn-hwɛ̀ǐnɔ̀ mú po.”

Ti ɓɛ́ wa ɖǎ ma ɔ ɖáɓá, ké ɔ ɖǎ ma gĩɔ wóɖó kɛɛ, ɔ tɛ̀mɛ̀ìn ma ɔ mìɔùn gàa ɓěa dyí ɖé ɖɛ ɓáún-ɓáún mú kà ɓɛ́ ɔ nì ma cĩ́ɛń nyɛ. Ɔ wóɖóìn ma wa dyí kpɛ́-kpɛ́ ɓó wé kpáɖá-nyɔ sɔ̃́ xwíníín, ké ɔ zaìn ma wa Gèɖèpɔ́ɔ̀ kã́á-ɓòɖòɔ̀ jè gbo kɔ̃in.

Ti ɓɛ́ Jízɛ̀ ɖǎ ma ɖɛa cɛ̃ɛ, Gèɖèpɔ́ɔ̀ ɖú ma ɔ dyií. Ti wa nì ma ɔ dya gmɔ̀ǔn wɛ̃ɛ, ní-kpò ɖò zà ma ɔ wa dyéɖé waí.

Ti wa nì ma dyií gmɔ̀ǔn gãa kà ɔ nì ma muɛń nyɛɛ, wàɖà cá kɛɛ, gàa sɔ̃́ nyànà ma ɓó wa wáún dyi. Wa po ma ɖɔ púú mú. Ké gàa sɔ̃́ ɓěɔ̀ cɛ̃ɛ ma wa gbo, ké wa ɖá, “Gáɖàɖíì-gàà ɓě, ɖɛ́ kɔ̃̀ jè ɓě nyànàà dà dyi, ké ɓě nìà kà dyií gmɔ̀ǔn wɛ̃́? Jízɛ̀ mɔ̀ nyɔ ɓɛ́ Gèɖèpɔ́ɔ̀ zàà ɓě hwìɛ̀, ké ɔ kpaà ɔ dyɔún wɛ̃̀. Kà dyúáɖò kà ɓě nyuà ɔ dyɔún muɛ dyéɛ kɛɛ, kǎà ɔ mu dyiɛ nyuùn ɖe.”